DİN-in “İnstagram” səhifəsinin “shahla_kenan_” adlı izləyicisi səhifə vasitəsilə etdiyi müraciətə dərhal reaksiya verildiyinə, ictimai asayişin və təhlükəsizliyin qorunub saxlanılmasında, habelə narkotiklərin qanunsuz dövriyyəsinə qarşı aparılan qətiyyətli mübarizəyə görə DİN rəhbərliyinə və Yasamal RPİ-nin əməkdaşlarına minnətdarlığını bildirir.

Biləsuvar rayonunun Zəhmətabad kənd sakini Heyran Şəbiyeva DİN rəhbərliyinə ünvanladığı təşəkkür məktubunda dələduzluq yolu ilə qızıl-zinət əşyasını və məişət avadanlığını mənimsəyən şəxslərin müəyyən edilərək saxlanılmasına və ona dəyən maddi ziyanın ödənilməsinə görə Biləsuvar Rayon Polis Şöbəsinin əməkdaşlarına minnətdarlığını bildirir.

Lənkəran şəhər sakini Elnur Əhmədov DİN rəhbərliyinə ünvanladığı təşəkkür məktubunda cinayətkarlığa qarşı mübarizədə atılan qətiyyətli addımlara görə Lənkəran ŞRPŞ-nin rəhbərliyinə minnətdarlığını bildirir.

Bakı şəhər sakini Ağasət Cavadzadə DİN rəhbərliyinə ünvanladığı təşəkkür məktubunda narkotik vasitələrin qanunsuz dövriyyəsinə qarşı görülən uğurlu və qətiyyətli tədbirlərə görə Baş Narkotiklərlə Mübarizə İdarəsinin Cənub Bölgəsində Regional Şöbəsinin rəhbərliyinə minnətdarlığını bildirir.

Biləsuvar rayon sakini Zərqələm Hacıyeva DİN rəhbərliyinə ünvanladığı təşəkkür məktubunda dələduzluq yolu ilə qızıl-zinət əşyalarını və pulunu mənimsəyən şəxslərin Biləsuvar RPŞ-nin əməkdaşları tərəfindən müəyyən edilərək saxlanılmasına və ona dəyən maddi ziyanın ödənilməsinə görə razılğını bildirir.

Biləsuvar şəhər sakini Məmmədhüseyn Ağayev DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə və vətəndaşlara qarşı sərgilənən yüksək mədəni davranışa görə Qaradağ RPİ-nin rəhbərliyindən razılığını ifadə edir.

Lənkəran rayonunun Nərimanabad qəsəbə sakini Zinaida Abbasova DİN rəhbərliyinə ünvanladığı təşəkkür məktubunda qonşuları ilə yaranan anlaşılmazlığın aradan qaldırılmasına və müraciətlərə verilən operativ reaksiyaya görə polis əməkdaşlarına minnətdarlığını bildirir.

Astara rayonunun Pensər kənd sakini Günel Ağayeva DİN rəhbərliyinə ünvanladığı təşəkkür məktubunda müraciətinə operativ olaraq baxılmasına, Astara RPŞ-nin rəhbərliyi tərəfindən qəbul edilməsinə və probleminin həllini tapmasına görə minnətdarlığını ifadə edir.

Ucar rayon sakini Murad Zeynalov DİN rəhbərliyinə ünvanladığı təşəkkür məktubunda müraciətinə verilən çevik reaksiyaya görə Astara Rayon Polis Şöbəsinin əməkdaşlarına minnətdarlığını bildirir.