DİN-in İnstagram səhifəsinin izləyicisi olan qadın səhifə vasitəsilə etdiyi müraciətin müsbət həllini tapdığına və narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və şəxsi heyətinə minnətdarlığını ifadə edir.

Bakı şəhər sakini Yeganə Eyyubova üzləşdiyi problemlə əlaqədar etdiyi müraciətə həssaslıqla yanaşılaraq tez bir zamanda həll olunmasında göstərdikləri köməkliyə görə Baş Mütəşəkkil Cinayətkarlıqla Mübarizə İdarəsinin əməkdaşlarına minnətdarlığını bildirir.

Xırdalan şəhər sakini Etibar Məmmədov Daxili İşlər Nazirliyinə ünvanladığı məktubunda daxili işlər orqanlarında gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Astara şəhər sakini Etimad Ağayev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiyinə görə Astara Rayon Polis Şöbəsinin rəhbərliyinə və RPŞ-nin dövlət yol polisi bölməsinin rəisi, polis mayoru İlqar Rəhimzadəyə minnətdarlığını ifadə edir.

Yardımlı rayonunun Ostayır kənd sakini Naibxan İmanov DİN rəhbərliyinə ünvanladığı təşəkkür məktubunda koronavirus pandemiyasının qaşısının alınması məqsədilə ölkə ərazisində elan edilmiş xüsusi karantin rejiminin tələblərinin təmin olunması məqsədilə görülən tədbirlərə, əhali arasında aparılan maarifləndirmə işlərinə görə Yardımlı Rayon Polis Şöbəsinin əməkdaşlarına minnətdarlığını ifadə edir.

Astara şəhər sakini Asif Hacıyev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiklərinə və vətəndaşlara qarşı sərgilədikləri yüksək mədəni davranışa görə Astara RPŞ-nin dövlət yol polisi bölməsinin əməkdaşlarından razılığını bildirir.

Yardımlı rayonunun Alar kəndinin sakini İlyas Əbilov DİN rəhbərliyinə ünvanladığı təşəkkür məktubunda ölkəmizdə elan edilmiş xüsusi karantin rejimi qaydalarının təmin olunması istiqamətində həyata keçirilən təqdirəlayiq tədbirlərə görə Yardımlı Rayon Polis Şöbəsinin rəhbərliyinə və əməkdaşlarına minnətdarlığını bildirir.

Astara rayonunun Ərçivan qəsəbəsinin sakini Cavid Lütfiyev DİN rəhbərliyinə ünvanladığı təşəkkür məktubunda qohumları ilə aralarında torpaq üstündə yaranan münaqişənin həllini tapmasında göstərilən köməkliyə görə Rayon Polis Şöbəsinin əməkdaşlarına minnətdarlığını ifadə edir.

Astara şəhər sakini Səidə Axundova DİN rəhbərliyinə ünvanladığı təşəkkür məktubunda Rayon Polis Şöbəsinə etdiyi müraciətin obyektiv şəkildə araşdırılmasına görə RPŞ-nin təhqiqat bölməsinin rəisi, polis mayoru Rauf Aslanova və bölmənin təhqiqatçısı Samir Rəsulluya minnətdarlığını bildirir.