Bakı şəhər sakini Samir Səmədov DİN rəhbərliyinə ünvanladığı məktubunda müraciətinə baxılaraq obyektiv araşdırma aparıldığına və ona dəymiş maddi ziyanın ödətdirilməsində göstərdikləri köməkliyə görə Sabunçu RPİ-nin İstintaq şöbəsinin əməkdaşlarına təşəkkürünü bildirir.

Hacıqabul rayonunda yaşayan Hürü Həsənova DİN rəhbərliyinə ünvanladığı təşəkkür məktubunda müraciəti əsasında başlanılan aparışdırmanın yüksək səviyyədə aparılmasına və müsbət həllini tapmasına görə Hacıqabul RPŞ-nin əməkdaşlarına minnətdarlığını bildirir.

Vətəndaş Dilqəm Məmmədov çantasını və noutbukunu taksidə unutması ilə əlaqədar etdiyi müraciətə operativ reaksiya verilərək qısa zaman kəsiyində tapılmasında göstərdikləri köməkliyə görə Abşeron RPİ-nin rəhbərliyinə və əməkdaşlarına minnətdarlığını bildirir.

Bərdə rayon sakini Rəşad Haqverdiyev mobil telefonunu itirməsi ilə əlaqədar etdiyi müraciətə həssaslıqla yanaşılaraq qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Hacıqabul RPŞ-nin rəhbərliyinə və şəxsi heyətinə təşəkkürünü ifadə edir.

DİN-in “İnstagram” səhifəsinin izləyicisi olan Xəzər Məhərrəmova səhifə vasitəsi ilə ünvanladığı müraciətə operativ baxıldığına, obyektiv araşdırılaraq qısa müddətdə müsbət həll edildiyinə görə Gəncə ŞBPİ-nin rəhbərliyinə və əməkdaşlarına, eyni zamanda DİN Mətbuat Xidmətinin Gəncə regional qrupunun əməkdaşına təşəkkürünü bildirir.

Kəlbəcər rayon sakini Məhəmməd Nəbiyev və Şəmkir şəhər sakini Sevil Rəcəbli məktublarında xidməti fəaliyyətini layiqincə yerinə yetirdiyinə görə Ağcabədi RPŞ-nin polis sahə rəisi Əliyar Həziyevdən razılıqlarını bildirir, Azərbaycan Polisi ilə fəxr etdiklərini yazırlar.

Qazax Qarapapaq kənd sakini Razim Quliyev DİN-ə ünvanladığı məktubunda etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını bildirir.

Lənkəran rayonunun Liman şəhər sakini Soltanağa Quliyev DİN rəhbərliyinə ünvanladığı təşəkkür məktubunda müraciətinə verilən çevik reaksiyaya və məsələnin müsbət həllini tapmasına görə minnətdarlığını bildirir.

Cəlilabad şəhər sakinləri Saməddin Məmmədov və Füzuli Bayramov DİN rəhbərliyinə ünvanladıqları təşəkkür məktubunda narkotiklərin qanunsuz dövriyyəsinə qarşı görülən qətiyyətli tədbirlərə və əldə olunan nailiyyətlərə görə Cəlilabad RPŞ-nin rəhbərliyindən razılığını ifadə edir.