Tərtər rayonunun Hacallı kənd sakini Almaz Ələkbərova DİN rəhbərliyinə ünvanladığı təşəkkür məktubunda müraciətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməkliyə görə Tərtər RPŞ-nin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Şirvan şəhər sakini Mirsahib Səmədov DİN rəhbərliyinə ünvanlandığı təşəkkür məktubunda narkotiklərin qanunsuz dövriyyəsinə qarşı aparılan qətiyyətli mübarizəyə görə BNMİ-nin və Şirvan ŞPŞ-nin əməkdaşlarına öz minnətdarlığını ifadə edir.

Bakı şəhər sakini Kəmalə Hümbətova DİN rəhbərliyinə ünvanladığı təşəkkür məktubunda müraciətlərinə operativ reaksiya verdiklərinə görə Saatlı RPŞ-nin əməkdaşlarına minnətdarlıq edir.

Şirvan şəhər sakini Yavər Eyvazov DİN rəhbərliyinə ünvanlandığı təşəkkür məktubunda xidməti fəaliyyətini layiqincə yerinə yetirdiyinə görə Azərbaycan Polisinə təşəkkürünü bildirir.

Bakı şəhər sakini Elşən Sultanov DİN rəhbərliyinə ünvanladığı məktubunda müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə Nəsimi RPİ-nin əməkdaşlarına təşəkkürünü bildirir.

DİN-in “İnstagram” səhifəsinin izləyicisi, Yevlax rayon sakini Azər Xəlilov üzləşdiyi problemlə bağlı səhifə vasitəsi ilə etdiyi müraciətə əsasən Nəsimi RPİ 19-cu Polis Şöbəsinə dəvət edildiyini, nəzakətlə qarşılanaraq dinlənildiyini və müraciətinin müsbət həll olunduğunu yazır. O, vətəndaş müraciətlərinə həssas yanaşılmasına, göstərilən diqqət və qayğıya, nəzakətli davranışa görə Nəsimi RPİ 19-cu PŞ-nin əməkdaşlarına təşəkkürünü bildirir.

Lənkəran rayonunun Sütəmurdov kənd sakini, şəhid anası Gülşən Məmmədova məktubunda ictimai asayişin və ictimai təhlükəsizliyin təmin olunmasına, habelə xidməti vəzifələrini və peşə fəaliyyətini layiqincə yerinə yetirdiklərinə görə DİN rəhbərliyinə və Çevik Polis Alayının əməkdaşlarına təşəkkürünü bildir, çəətin və şərəfli xidmətlərində uğurlar arzulayır.

Vətəndaş Zümrüd Məmmədova “Facebook” sosial şəbəkəsindəki hesabında Azərbaycan Polisinə təşəkkür postu paylaşıb.

O, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə və Bakı şəhər Baş Polis İdarəsinin İstintaq və Təhqiqat İdarəsinin əməkdaşlarına minnətdarlığını bildirir.

Yeni İctimai Nəzarət Təşkilatının Quba rayon sədri Mikayıl Əlicabbarov Daxili İşlər Nazirliyinin “Facebook” səhifəsi vasitəsilə ünvanladığı mesajında Quba rayonu ərazisində cinayətkarlıqla qətiyyətli mübarizə apardıqlarına, ictimai asayişin etibarlı təmin olunması üçün gecə-gündüz yorulmadan ayıq-sayıq xidmət etdiklərinə və vətəndaşların müraciətlərinə həssaslıqla yanaşdıqlarına görə Quba Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.