Bakı şəhər sakini Vəliyəddin Həsənov Daxili İşlər Nazirliyinə ünvanladığı məktubunda paytaxt ərazisində baş vermiş yol-nəqliyyat hadisəsi ilə bağlı Bakı şəhər Dövlət Yol Polisi İdarəsinin əməkdaşları tərəfindən obyektiv araşdırma aparıldığını qeyd edir. O, hadisə yerində araşdırmanın operativ və yüksək peşəkarlıqla həyata keçirildiyini, araşdırmanın nəticəsindən razı qaldığını bildirir.V.Həsənov göstərilən diqqətə və obyektiv araşdırmaya görə DİN rəhbərliyinə və Bakı şəhər Dövlət Yol Polisi İdarəsinin əməkdaşlarına təşəkkürünü bildirir.

Sumqayıt şəhər sakini Samirə Mütəllimova Daxili İşlər Nazirliyinə ünvanladığı təşəkkür məktubunda daxili işlər naziri tərəfindən İmişli rayonunda keçirilən vətəndaş qəbulunda iştirak etdiyini bildirir. O, müraciəti ilə bağlı aidiyyəti üzrə müvafiq göstərişlərin verildiyini, Baş Cinayət Axtarışı İdarəsinin, Sumqayıt Şəhər Polis İdarəsinin 5-ci Polis Bölməsinin, eləcə də Şamaxı Rayon Polis Şöbəsinin əməkdaşları tərəfindən operativ tədbirlərin həyata keçirildiyini qeyd edir. S.Mütəllimova müraciətinə həssas yanaşılmasına, göstərilən diqqətə və operativliyə görə DİN rəhbərliyinə, həmçinin aidiyyəti polis əməkdaşlarına təşəkkürünü bildirir.

Bakı şəhər sakini Əlibala Paşayev Daxili İşlər Nazirliyinə ünvanladığı minnətdarlıq məktubunda paytaxt ərazisində baş vermiş yol-nəqliyyat hadisəsi ilə bağlı müraciətinə Bakı Şəhər Baş Polis İdarəsinin əməkdaşları tərəfindən operativ və obyektiv baxıldığını qeyd edir. O, hadisə yerinə gələn polis əməkdaşı tərəfindən araşdırmanın yüksək peşəkarlıqla aparıldığını və araşdırmanın gedişatından razı qaldığını bildirir. Əlibala Paşayev göstərilən diqqətə, operativliyə və peşəkar yanaşmaya görə DİN rəhbərliyinə və Bakı Şəhər Baş Polis İdarəsinin əməkdaşlarına təşəkkürünü bildirir.

Vətəndaş Xaliq Mustafayev “Facebook” sosial şəbəkəsində etdiyi paylaşımında Daxili İşlər Nazirliyinin “102” Xidməti-Zəng Mərkəzinə ünvanladığı müraciətinə operativ baxıldığını qeyd edir. O, İnqilab prospekti ilə Tbilisi prospektinin kəsişməsində yaranan tıxac və həmin ərazidə tənzimləyicinin olmaması ilə bağlı müraciətinə qısa müddətdə reaksiya verildiyini, ərazidə işıqforun quraşdırılmasının vətəndaş müraciətlərinə göstərilən diqqətin nümunəsi olduğunu bildirir. X.Mustafayev vətəndaş müraciətlərinə həssas yanaşılmasına, operativliyə və peşəkar fəaliyyətə görə DİN rəhbərliyinə və Azərbaycan Polisinin əməkdaşlarına təşəkkürünü bildirir.

Vətəndaş Kamil Qasımov polis əməkdaşlarının operativliyi sayəsində qısa müddətdə oğurluq əməlini törədən şəxslərin saxlanıldığını, ona dəymiş maddi ziyanın tamamilə ödənildiyini qeyd edir.

Vətəndaş Elmira Əliyeva pozulmuş hüquqlarının bərpası ilə bağlı etdiyi müraciətə operativ baxıldığını, Xətai RPİ-nin 35-ci Polis Şöbəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir.

Vətəndaş Faiq Qasımov üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Pirallahı Rayon Polis İdarəsinin əməkdaşlarına minnətdarlığını bildirir.

Vətəndaş Azər Məmmədov DİN-in “Instagram” səhifəsinə yazdığı mesajında paytaxtın Qaradağ rayonu ərazisində polis əməkdaşları tərəfindən sosial neqativ halların, o cümlədən narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Qaradağ Rayon Polis İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Vətəndaş Tahir Mənsimov DİN-in sosial şəbəkə səhifəsinə təşəkkür mesajı yazıb. O, baş verən yol-nəqliyyat hadisəsi ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və göstərilən köməkliyə görə DİN rəhbərliyinə, eləcə də Pirallahı Rayon Polis İdarəsinin əməkdaşlarına minnətdarlığını bildirir.