Vətəndaşlar Ramil Vəlizadə və Nəsimi Quliyev daxili işlər orqanlarının əməkdaşlarının fəaliyyətini yüksək qiymətləndirir və DİN rəhbərliyinə minnətdarlığını ifadə edir. 

Sosial şəbəkə izləyicisi DİN-ə ünvanladığı təşəkkür məktubunda etdiyi müraciətə baxılmasına və problemin tez bir zamanda   aradan qaldırılmasına görə minnətdarlıq edir.

İmişli rayon sakini Elsevər Babayev DİN rəhbərliyinə ünvanladığı təşəkkür məktubunda ona qarşı edilmiş dələduzluqla bağlı etdiyi müraciətə tez bir zamanda baxılmasına və dəymiş ziyanın ödətdirilməsində göstərilən köməkliyə görə minnətdarlıq edir.

Kürdəmir rayon sakini Vaqif Alıyev DİN-ə ünvanladığı təşəkkür məktubunda oğlunun Azərbaycan Polisinin sıralarında xidmətə bərpası ilə əlaqədar etdiyi müraciətə baxılmasına və göstərilən etimada görə DİN rəhbərliyinə minnətdarlığını bildirir. Bildirir ki, digər oğlu Vətən müharibəsi veteranı Sadiq Alıyev “Suqovuşanın azad olunmasına görə” medalı ilə təltif olunub.

Sosial şəbəkə izləyicisi Günay İman  DİN-ə ünvanladığı təşəkkür məktubunda ona məxsus instagram səhifəsinin başqa səhifə tərəfindən təhqirə məruz qalması ilə bağlı etdiyi müraciətə baxılmasına və problemin tez bir zamanda aradan qaldırılmasına görə Azərbaycan Polisinə minnətdarlıq edir.

Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov Veteran.gov.az-a açıqlamasında DİN rəhbərliyinə təşəkkür edib.  Bildirib ki: “Daxili işlər orqanlarında xidmət etmək istəyən şəxslər arasında seçim turunun növbəti mərhələsinə buraxılanlar içərisində 61 nəfərin şəhid ailələrinin üzvlərinin və  Vətən müharibəsi veteranının olması faktı qürurverici və təqdirəlayiqdir. Bu, hər şeydən öncə dövlətimizin, o cümlədən bu dövlətin təhlükəsizliyinin, sabitliyinin keçiyində dayanan Daxili İşlər Nazirliyinin, onun rəhbərliyinin veteranlara olan diqqət və qayğısının göstəricisidir. Bu bir daha onu sübut edir ki, dövlətimiz veteranlara, onların məşğulluq probleminin həllinə, sosial rifahının yüksəlməsinə xüsusi diqqət və həssaslıq göstərməklə yanaşı, bunun üçün bütün imkan və resurslarından istifadə edir.
Mən buna görə daxili işlər naziri, general-polkovnik Vilayət Eyvazova öz təşəkkürümü bildirir, daxili işlər orqanlarında xidmət edəcək veteranlarımıza uğurlar arzulayıram. İnanıram ki, 44 günlük Vətən müharibəsində erməni faşizminə qarşı cəsarətlə mübarizə veteranlarımız, ölkəmizdə daxili asayişin qorunmasına da öz töhfələrini verəcəklər”.

Bakı şəhər sakini Səfurə Binnətova məktubunda pul kartından 2645 manatın oğurlanması faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir. 

Bakı şəhər sakini Fədai Azadəliyev DİN-in “Facebook” səhifəsinə şərh yazaraq vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir. 

Bakı şəhər sakini Elşad Babayev Nəsimi rayonu ərazisində sürücülərin dayanma-durma və parklanma qaydalarına əməl etmədikləri barədə müraciətinə operativ baxıldığını, Nəsimi rayon Dövlət Yol Polisi Şöbəsinin əməkdaşları tərəfindən qısa müddətdə müvafiq tədbirlərin görüldüyünü və müraciətinin müsbət həll olunduğunu qeyd edir.