DİN-in “İnstagram” səhifəsinin izləyicisi, Bakı şəhər sakini Tural Cəfərov avtomobilində baş vermiş oğurluq hadisəsi ilə bağlı müraciətinə dərhal reaksiya verildiyinə, polis əməkdaşlarının operativliyi sayəsində qısa müddətdə bu cinayət əməlini törədən şəxsin saxlanıldığına və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Binəqədi RPİ 5-ci PB-nin əməkdaşlarına təşəkkürünü bildirir.

Vətəndaş Ülfət Məmmədov DİN-in “İnstagram” səhifəsinə göndərdiyi  müraciətinə operativ baxılaraq müsbət həll edildiyinə görə DİN rəhbərliyinə minnətdarlığını bildirir.

Bakı şəhər sakini Toğrul Abbasov DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, Xətai Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir.

Bir qrup Göyçay rayon sakini DİN rəhbərliyinə ünvanladıqları təşəkkür məktubunda şəhid ailələrinə göstərdikləri diqqət və qayğıya görə Göyçay RPŞ-nin əməkdaşlarına minnətdarlıq edirlər.

Vətəndaş Əsiyət Abdullayeva təhsil müəssisələrində narkomaniyanın zərərləri mövzusunda keçirdikləri maarifləndirmə tədbirlərinə görə Balakən RPŞ-nin əməkdaşlarına minnətdarlığını bildirir.

Mingəçevir şəhər sakini Aytəkin Abdullayeva müraciətinin müsbət yöndə həll olunmasına görə ŞPŞ-nin əməkdaşlarına təşəkkür edir.

Şəki rayon sakini Rəhman Mustafayev müraciətinin obyektiv araşdırılmasına və ona dəymiş maddi ziyanın ödətdirilməsinə görə ŞRPŞ-nin əməkdaşlarına minnətdarlıq edir.

Vətəndaş Fərid Salmanov müraciətinə operativ reaksiya verdiklərinə və obyektiv araşdırma apardıqlarına görə Göyçay RPŞ-nin əməkdaşlarına minnətdarlıq edir.

Vətəndaş Azər Salamov məktubunda xidməti vəzifələrini layiqincə yerinə yetirdiklərinə görə Zaqatala RPŞ-nin DYPB-nin əməkdaşlarına minnətdarlığını bildirir.