Bakı şəhər sakini Günel Əfəndiyeva DİN-in “Instagram” səhifəsinə təşəkkür mesajı yazıb: “Müraciətimdən sonra Yasamal Rayon Polis İdarəsinin əməkdaşlarının məsələyə ciddi yanaşması və dərhal müdaxiləsi nəticəsində problem aradan qaldırıldı. Azərbaycan polisinə minnətdarlığımı bildirirəm”.

Gəncə şəhər sakini Aygül Bağırova vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Sumqayıt şəhər sakini Könül Mirzəyeva məktubunda müraciətinə operativ baxıldığını, Sumqayıt Şəhər Polis İdarəsinin 1-ci Polis Bölməsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. 
O, müraciətinə həssas yanaşıldığına və həyata keçirilən operativ tədbirlərə görə özü və ailəsi adından DİN rəhbərliyinə və Sumqayıt Şəhər Polis İdarəsinin 1-ci Polis Bölməsinin əməkdaşlarına təşəkkürünü bildirir. 

Quba  rayon sakini  Fövqiyyə Əkbərova bank kartından pulunun oğurlanması ilə bağlı etdiyi müraciətinə həssaslıqla yanaşılmasına və müsbət həll edilməsinə görə DİN rəhbərliyinə və Quba  RPŞ-nin əməkdaşlarına minnətdarlığını bildirir.

Quba rayon sakini Şəhid atası olan Ağamiz Şərifov nəqliyyat vasitəsi ilə bağlı olan rüsumlarının Xaçmaz RQİ və TBŞ tərəfindən ödənilməsinə görə DİN rəhbərliyinə və Xaçmaz RQİ və TBŞ-nin əməkdaşlarına minnətdarlığını bildirir. 

Quba  rayon sakini Oktay Burcəliyev daxili işlər naziri tərəfindən  Quba Rayon Polis Şöbəsində keçirilən vətəndaş qəbulunda göstərilən diqqət və qayğıya, həmçinin, müraciətinin müsbət həll edilməsinə görə DİN rəhbərliyinə minnətdarlığını bildirir. 

Quba rayon sakini Arif Əbdurəhmanov etdiyi müraciətinə həssaslıqla yanaşılmasına və ona dəymiş ziyanın tam ödətdirilməsinə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Quba rayon sakini Heydər Heydərov üzləşdiyi problemlə bağlı etdiyi müraciətinin obyektiv araşdırılmasına, müsbət həll edilməsinə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Vətəndaşlar Vüsal Qürbətov, Aydın Ağayev və Əlikömək Səfərov öz təşəkkür məktublarında DİN rəhbərliyinin bölgələrdə vətəndaşlarla təşkil olunan görüşləri zamanı qaldırılan məsələlərin operativ qaydada həllini tapmasına, müraciətlərin diqqətlə və həssaslıqla dinlənilərək lazımi köməkliyin göstərilməsinə görə minnətdarlıqlarını ifadə edirlər.