“emin_201_” adlı sosial şəbəkə istifadəçisi oğurluq faktı ilə bağlı İnstagram səhifəsi vasitəsilə etdiyi müraciətinə Nəsimi Rayon Polis İdarəsində operativ baxılmasına görə DİN rəhbərliyi başda olmaqla daxili işlər orqanları əməkdaşlarına təşəkkürünü bildirir.

Bakı şəhər sakini Arifə Rzayeva DİN rəhbərliyinə ünvanladığı təşəkkür məktubunda müraciətinə operativ və obyektiv şəkildə baxıldığına görə Suraxanı RPİ 31-ci Polis Bölməsinin əməkdaşlarına təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Jurnalist Valeh Mirzə DİN-in Facebook səhifəsinə ünvanladığı müraciətində DİN rəhbərliyinə təşəkkürünü bildirir. O yazır: “Jurnalist həmkarım Bahar Məmmədovanın səhhətində yaranan ağır problemlərin çarəsinin məhz A.Heydərov adına Respublika Hospitalının peşəkar həkimləri tərəfindən tapılacağını düşünərək DİN rəhbərliyinə müraciət ünvanladım. Müraciətimə dərhal baxıldı və həmkarımızın Nazirliyin hospitalında müayinə və müalicəsinə başlanıldı. Hospitalın peşəkar tibb personalının böyük səyi sayəsində onun sağlamlığı qismən bərpa olundu. Bütün bunlar DİN rəhbərliyinin diqqət və qayğısının təzahürüdür”.

Askerova Asilxan Abdulmutalimova Zərdab rayonunda yerləşən fermaların birində üzləşdiyi problemlə bağlı müvafiq tədbir görülməsi ilə əlaqədar Azərbaycan Polisinə təşəkkürünü bildirir.

“Samirkadze” adlı sosial şəbəkə istifadəçisi şikayətinə tez bir zamanda baxılaraq probleminin həllini tapmasında göstərdikləri köməkliyə görə Yasamal RPİ 27-ci Polis Bölməsinin əməkdaşlarına minnətdarlığını bildirir.

Bakı şəhər sakini Abuzər Cəfərli “Facebook” sosial şəbəkəsindəki hesabında (Abuzer Ceferli) Azərbaycan Polisinə təşəkkür postu paylaşıb. O, 27 sentyabr Anım Günündə ictimai asayişi və ictimai təhlükəsizliyi etibarlı qorumaqla, avtomobil yollarında təhlükəsizliyi təmin etməklə xidməti vəzifələrini layiqincə yerinə yetirən Azərbaycan Polisinə təşəkkürünü bildirir.

Abşeron rayon sakini Həsən Abdullayev Daxili İşlər Nazirliyinə ünvanladığı məktubunda mobil telefonunun oğurlanması ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Sabunçu RPİ 13-cü Polis Bölməsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi, Bakı şəhər sakini Elməddin Xəlilov (xelilov_elmeddin) səhifə vasitəsi ilə etdiyi müraciətə operativ reaksiya verildiyinə və müvafiq araşdırma aparıldığına görə DİN rəhbərliyinə və Suraxanı RPİ-nin əməkdaşlarına təşəkkürünü bildirir.

DİN-in “Facebook” səhifəsinin izləyicisi, Yardımlı rayon sakini Cəlil Zabidov (Celil Zabidov) səhifə vasitəsi ilə etdiyi müraciətə operativ baxıldığına və qısa müddətdə həll edildiyinə görə Yardımlı RPŞ-nin əməkdaşlarına minnətdarlığını bildirir.