Bakı şəhər sakini Samir Məmmədov DİN-in “İnstagram” səhifəsinə təşəkkür mesajı yazıb. O, Yasamal rayonu ərazisində polis əməkdaşları tərəfindən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və Yasamal RPİ-nin əməkdaşlarına minnətdarlığını bildirir, çətin və şərəfli işlərində uğurlar arzulayır.      

Sosial şəbəkə istifadəçisi Elvin Sadıxzadə öz məktubunda müraciətinə Lənkəran ŞRPŞ-nin rəhbərliyi tərəfindən çevik reaksiya verilməsinə və vətəndaş məmnunluğunun təmin olunmasına görə öz təşəkkürünü bildirir.

Vətəndaş Gülarə Eyvazova DİN-in “İnstagram” səhifəsinə mesaj yazaraq üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir.

Bakı şəhər sakini Aliyə Məmmədova DİN-in “İnstagram” səhifəsinə mesaj yazaraq müraciəti ilə əlaqədar Yasamal RPİ-nin 28-ci Polis Bölməsinə dəvət edildiyini, nəzakətlə qarşılanaraq dinlənildiyini və müraciətinin müsbət həll edildiyini qeyd edir. O, vətəndaş müraciətlərinə həssas yanaşılmasına, göstərilən diqqət və qayğıya, nəzakətli davranışa görə DİN rəhbərliyinə və Yasamal RPİ 28-ci PB əməkdaşlarına təşəkkürünü bildirir.

Zərdab rayon sakini Coşqun Abdullayev DİN-in “Facebook” səhifəsinə ünvanladığı məktubunda rayon ərazisində silsilə oğurluqlar törədən şəxslərin tutularaq məsuliyyətə cəlb edilməsinə görə DİN rəhbərliyinə və Zərdab RPŞ-nin əməkdaşlarına minnətdarlığını bildirir.

Lənkəran rayonunun Biləsər kənd sakini Nuranə Bəgəliyeva DİN rəhbərliyinə ünvanladığı təşəkkür məktubunda Lənkəran Şəhər Rayon Polis Şöbəsinin əməkdaşlarının fəaliyyətindən razılığını ifadə edir.

Bakı şəhər sakini Yaşar Rəhimov məktubunda DİN-ə ünvanladığı müraciətinə dərhal reaksiya verildiyini, Sabunçu RPİ-nin 13-cü Polis Bölməsində müvafiq araşdırmalara başlanıldığını yazır. O, vətəndaş müraciətlərinə həssas yanaşılmasına görə DİN rəhbərliyinə təşəkkürünü bildirir: “Hüquq-mühafizə orqanları bizim güvənc yerimizdir. Sizə olan etibarımızı doğrultduğunuz üçün minnətdarıq. Bütün polis əməkdaşlarına fəaliyyətlərində uğurlar arzulayırıq!”     

Lənkəran rayon sakini İsa Əhədov DİN rəhbərliyinə ünvanladığı təşəkkür məktubunda müraciətinin Lənkəran ŞRPŞ-nin təhqiqat bölməsində obyektiv araşdırılmasına və vətəndaşlara qarşı sərgilənən yüksək mədəni davranışa görə minnətdarlığını bildirir.

Zərdab rayon sakini Yaqub Mahmudov üzləşdiyi oğurluq hadisəsi ilə bağlı etdiyi müraciətə operativ reaksiya verildiyinə və hadisəni törədən şəxsin qısa zaman kəsiyində saxlanılaraq məsuliyyətə cəlb edilməsinə görə Zərdab RPŞ-nin rəhbərliyinə və əməkdaşlarına təşəkkürünü bildirir.