“zaur_shukurov” adlı sosial şəbəkə istifadəçisi DİN rəhbərliyinə ünvanladığı təşəkkürdə baş vermiş oğurluq hadisəsi ilə bağlı müraciətinə operativ və obyektiv baxıldığına görə Azərbaycan Polisinin fəaliyyətini təqdir edir.

DİN-in “İnstagram” səhifəsinin izləyicisi, Şamaxı rayon sakini Nurlanə Qədirova itirdiyi telefonunun tapılaraq ona qaytarılmasına görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

Bakı şəhər sakini Təranə Rüstəmova avtomobilinin cızılaraq ona maddi ziyan vurulması ilə bağlı DİN-ə müraciət etdiyini yazır. O, müraciətinə operativ baxıldığını, Nəsimi Rayon Polis İdarəsinə dəvət olunaraq obyektiv araşdırma aparıldığını və dəymiş maddi ziyanın ödətdirildiyini qeyd edərək DİN rəhbərliyinə minnətdarlığının bildirir.

Ukrayna vətəndaşı Mövlüdə Hədisova ünvanladığı təşəkkür məktubunda dərdinə şərik olub, I Qarabağ müharibəsi şəhidi, polis kapitanı Muxtar Hədisovun qızı Təranənin məzar daşının hazırlanmasında, həm maddi, həm də mənəvi dəstəyə görə DİN rəhbərliyinə və vətəni Azərbaycanın diqqət və qayğısını daim hiss etdiyini, buna görə ömrümün sonuna qədər minnətdarlıq duyğusu ilə yaşayacağını bildirir.

“Newbakulife” informasiya agentliyinin baş redaktoru İrina Musabəyova ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə DİN rəhbərliyinə, Mətbuat Xidmətinin və Nəsimi RPİ-nin əməkdaşlarına təşəkkürünü bildirir.

Abşeron rayonunun Qobu qəsəbəsində yaşayan Bəhram Əlibəyli evindən oğurluq edilməsi ilə bağlı DİN-ə etdiyi müraciətinə dərhal reaksiya verildiyini, Abşeron Rayon Polis İdarəsinin Qobu Polis Bölməsinə dəvət olunduğunu, faktla bağlı aparılan araşdırma və həyata keçirilən tədbirlər barədə ona ətraflı məlumat verildiyini qeyd edir. O, müraciətinə həssas yanaşılmasına və obyektiv araşdırılmasına görə DİN rəhbərliyinə və Qobu Polis Bölməsinin əməkdaşlarına minnətdarlığını bildirir.

Bakı şəhər sakini Nurlana Həsənova üzləşdiyi yol-nəqliyyat hadisəsi ilə bağlı müraciətinə Suraxanı Rayon Polis İdarəsi tərəfindən operativ baxılaraq obyektiv araşdırıldığını və müvafiq tədbirlərin görüldüyünü qeyd edərək DİN rəhbərliyinə və Suraxanı RPİ-nin əməkdaşlarına minnətdarlığını bildirir.

Hacıqabul rayonunun Rəncbər kənd sakini, Vətən müharibəsi qazisi olan Qadir Zeynallı DİN-ə ünvanladığı məktubunda Sabunçu Rayon Polis İdarəsinin 12-ci Polis Şöbəsinin əməkdaşları tərəfindən şəhid və qazi ailələrinə, o cümlədən ona yüksək diqqət və qayğı göstərildiyini qeyd edir. O, humanist və qayğıkeşliklərinə görə 12-ci Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Elnarə Əliyeva məktubunda metroda azyaşlı oğlunun səhvən başqa stansiyaya getdiyini, yolu bilmədiyindən orada xidmət aparan polis əməkdaşından kömək istədiyini yazır. Orxan adlı polis əməkdaşının uşağı sakitləşdirdiyini, ona zəng edib məlumat verərək heç bir narahatçılığın olmadığını dediyini və uşağı gedəcəyi stansiyaya gətirdiyini qeyd edir.

E.Əliyeva Orxan adlı həmin əməkdaşa, o cümlədən Metropolitendə xidmət aparan bütün polis əməkdaşlarına minnətdarlığını bildirir.