Yevlax şəhər sakini Ş.Quliyevdən 465 qram marixuana götürülüb

06.04.2023

Yevlax Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Ş.Quliyevdən 465 qram marixuana aşkar olunaraq götürülüb.

Abşeron rayonunun Saray qəsəbəsi ərazisində “Mercedes” markalı avtomobillə qəsəbə sakini E.Mürsəlov vurulub

06.04.2023

Aprelin 7-də saat 1 radələrində Abşeron rayonunun Saray qəsəbəsi ərazisində Bakı şəhər sakini A.Hətəmi idarə etdiyi “Mercedes” markalı avtomobillə yolu keçən qəsəbə sakini E.Mürsəlovu vurub. Nəticədə xəsarət alan piyada xəstəxanaya aparılarkən yolda ölüb.Abşeron Rayon Polis İdarəsində araşdırma aparılır.

Goranboy rayonunun Zeyvə kəndi ərazisində “Opel” markalı avtomobil aşıb

06.04.2023

Aprelin 7-də saat 4 radələrində Goranboy rayonunun Zeyvə kəndi ərazisində kənd sakini R.Məhərrəmov idarə etdiyi “Opel” markalı avtomobili aşırıb. Nəticədə sərnişini Y.İbrahimli hadisə yerində ölüb, özü isə xəstəxanaya yerləşdirilib. Goranboy Rayon Polis Şöbəsində araşdırma aparılır.

Suraxanıda evdən 110.000 dollar oğurlayan şəxslər saxlanılıblar

06.04.2023

Bakı şəhər Baş Polis İdarəsinin əməkdaşları tərəfindən həyata keçirilən əməliyyat nəticəsində bir müddət əvvəl Suraxanı rayonu Dədə Qorqud qəsəbəsində yerləşən evlərdən birində baş verən oğurluq hadisəsini törətməkdə şübhəli bilinən şəxslər saxlanılıblar. Əməliyyat nəticəsində Bakı şəhər sakinləri, əvvəllər məhkum olunmuş Üzeyir Bayramov, Niyazi Məmmədov və  Namik Bayramov tutularaq istintaqa təqdim ediliblər. Həmin şəxslər hadisə zamanı oğurluq etdikləri evdən 110.000 dollar, 1000 avro pul və 4000 manat dəyərində qızıl-zinət əşyaları oğurlayıblar.Araşdırmalar zamanı müəyyən edilib ki, qeyd edilən evdən oğurluq etmək təklifi əvvəlcə Üzeyir Bayramovdan gəlib. Onlar hadisə günü Niyazi Məmmədovun avtomobili ilə oğurluq edəcəkləri evə yollanıblar. Hadisədən sonra isə əldə etdikləri ev sahibinə məxsus pul vəsaitlərini aralarında bölüblər.Faktla bağlı Cinayət Məcəlləsinin müvafiq maddəsi ilə cinayət işi başlanılıb. Saxlanılan şəxslərin paytaxt ərazisində digər analoji cinayətlər etdikləri istisna olunmur. Onların əməllərindən zərərçəkən başqa vətəndaşlar varsa bu barədə Nazirliyin sosial şəbəkələrdəki rəsmi səhifələrinə, Bakı Şəhər Baş Polis İdarəsinə və "102" Xidməti Zəng Mərkəzinə  məlumat verə bilərlər.

Gün ərzində ölkə ərazisində qeydə alınan 62 cinayətin açılması təmin olunub

05.04.2023

Aprelin 5-də ölkə ərazisində qeydə alınan 62, əvvəlki dövrlərdən bağlı qalan 24 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 2,7 kiloqramdan artıq narkotik vasitə aşkar olunaraq götürülüb

05.04.2023

Polis əməkdaşlarının aprelin 5-də respublika ərazisində keçirdikləri əməliyyat tədbirləri nəticəsində ümumi çəkisi 2,7 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 1,6 kiloqrama yaxın heroin, 1,1 kiloqramdan çox  marixuana, 40 qram tiryək olub. Bu istiqamətdə qətiyyətli mübarizə tədbirləri davam etdirilir.

Hacıqabul şəhər sakini Ş.Nəcəfovdan marixuana götürülüb

05.04.2023

Hacıqabul Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Ş.Nəcəfovdan 490 qram marixuana aşkar olunaraq götürülüb. 

Ağdaş şəhər sakini R.Nəbiyevdən marixuana aşkar olunaraq götürülüb

05.04.2023

Ağdaş Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş R.Nəbiyevdən 10 qramdan artıq, yaşadığı evə baxış zamanı isə əlavə 385 qram marixuana aşkar olunaraq götürülüb. 

Yetkinlik yaşına çatmayanlara tütün məmulatı satılması aşkar edilib 

05.04.2023

Polis orqanları tərəfindən yetkinlik yaşına çatmayanlara alkoqollu içkilərin və tütün məmulatlarının satışının qarşısının alınması istiqamətində mütəmadi olaraq tədbirlər keçirilir.  Daxili İşlər Nazirliyinin Baş İctimai Təhlükəsizlik İdarəsi və Sabunçu Rayon Polis İdarəsi əməkdaşlarının aprelin 5-də keçirdikləri tədbirlər nəticəsində rayon ərazisində 4 mağazada satıcıların yetkinlik yaşına çatmayanlara tütün məmulatları satması aşkar edilib.   Həmin satıcılar barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu və energetik içkilərin və ya tütün məmulatlarının yetkinlik yaşına çatmayanlara satılmasına görə) inzibati tənbeh tədbiri tətbiq olunub.  Bu istiqamətdə tədbirlər davam etdirilir.  

Nərimanov rayonu ərazisində yerləşən çay evlərinin birində Bakı şəhər sakini V.Əliyevə qarşı quldurluq etməkdə şübhəli bilinən şəxslər saxlanılıblar

05.04.2023

Nərimanov RPİ 17-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 22-də rayon ərazisində yerləşən çay evlərinin birində Bakı şəhər sakini V.Əliyevin 140 manat pulunu və 2 ədəd mobil telefonunu quldurluq yolu ilə talamaqda şübhəli bilinən paytaxt sakinləri V.Rzayev, Z.Hüseynov, qardaşı F.Hüseynov və bir yeniyetmə müəyyən olunaraq saxlanılıblar. Araşdırma aparılır.