Qaradağ rayonunun Lökbatan qəsəbəsi ərazisində yerləşən kitabxanaların birindən kompüter, printer və noutbuk oğurlamaqda şübhəli bilinən X.İsrafilov saxlanılıb

09.04.2023

Qaradağ rayonunun Lökbatan qəsəbəsi ərazisində yerləşən kitabxanaların birindən qeyri-aşkar şəraitdə kompüter, printer və noutbuk oğurlanması barədə polisə məlumat daxil olub. Qaradağ RPİ 10-cu Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini X.İsrafilov müəyyən olunaraq saxlanılıb. Araşdırma aparılır.

Balakən rayonunun Şərif kənd sakini R.Qıstarovdan 10 qram marixuana aşkar olunub

09.04.2023

Balakən Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Şərif kənd sakini R.Qıstarovdan 10 qram marixuana aşkar olunub. Davam etdirilən tədbirlərlə narkotik vasitəni ona satmaqda şübhəli bilindiyinə görə saxlanılan həmkəndlisi, əvvəllər məhkum olunmuş K.Maqamedovdan 9 qrama yaxın, həyətinə baxış zamanı 127 qramdan çox marixuana və kultivasiya yolu ilə yetişdirilmiş 7 ədəd çətənə kolu aşkar olunaraq götürülüb.  

Xaçmaz şəhəri ərazisində yerləşən mağazaların birindən mobil telefon oğurlamaqda şübhəli bilinən K.Abdullazadə saxlanılıb

09.04.2023

Xaçmaz Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisində yerləşən mağazaların birindən 2350 manat dəyərində mobil telefon oğurlamaqda şübhəli bilinən rayon sakini K.Abdullazadə saxlanılıb. Araşdırma aparılır. 

Ağdaş rayonunun Zeynəddin kəndi ərazisindəki həyətlərin birindən oğurluq etməkdə şübhəli bilinən A.Söyünalıyev saxlanılıb

09.04.2023

Ağdaş Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Zeynəddin kəndi ərazisində həyətlərin birindən 1070 manat dəyərində su mühərriki, qaynaq aparatı, elektrik naqili, dəmir qırıntıları, inşaat materialları və təmir alətləri oğurlamaqda şübhəli bilinən rayon sakini A.Söyünalıyev saxlanılıb. Araşdırma aparılır. 

Gün ərzində ölkə ərazisində qeydə alınan 46 cinayətin açılması təmin olunub

08.04.2023

Aprelin 8-də ölkə ərazisində qeydə alınan 46, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.

Narkotiklərin qanunsuz dövriyyəsində şübhəli bilindiyinə görə tutulan Masallı rayon sakini N.Həbibovun evindən tapança götürülüb

08.04.2023

Polis və Ədliyyə Nazirliyinin İstintaq Təcridxanası əməkdaşlarının birgə keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilindiyinə görə tutulan Masallı rayon sakini, əvvəllər məhkum olunmuş N.Həbibovun Binə qəsəbəsində yaşadığı evə baxış zamanı oradan “TT CCT” markalı tapança aşkar olunaraq götürülüb. 

Hədə-qorxu ilə tələb etmədə şübhəli bilindiyinə görə tutulan V.Xələfovun ofisindən ov tüfəngi və pnevmatik tapança götürülüb

08.04.2023

Xəzər RPİ 1-ci Polis Şöbəsinin əməkdaşları tərəfindən hədə-qorxu ilə tələb etmədə şübhəli bilindiyinə görə tutulan V.Xələfovun Yasamal rayonu ərazisində yerləşən ofisinə baxış zamanı oradan müvafiq sənədləri olan “Stoeger” markalı ov tüfəngi və “MP-654” markalı pnevmatik tapança aşkar olunaraq götürülüb. 

Abşeron rayonunun Məmmədli kəndindəki bir mebel sexindən oğurluq etməkdə şübhəli bilinən Bakı şəhər sakini A.Məlikov saxlanılıb

08.04.2023

Abşeron rayonunun Məmmədli kəndindəki bir mebel sexindən 3500 manat dəyərində təmir alətlərinin qeyri-aşkar şəraitdə oğurlanması barədə polisə məlumat daxil olub.Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini, əvvəllər məhkum olunmuş A.Məlikov müəyyən olunaraq saxlanılıb. Araşdırma aparılır.

Balakən rayonunun Meşəşambul kənd sakini İ.Qurdayevdən 10 kiloqramdan artıq marixuana və çətənə kolları aşkar olunaraq götürülüb

08.04.2023

Balakən Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Meşəşambul kənd sakini, əvvəllər məhkum olunmuş İ.Qurdayevdən 7 qrama yaxın marixuana aşkar olunub. Davam etdirilən tədbirlərlə onun həyətinə baxış zamanı oradan əlavə 10 kiloqram 225 qram marixuana, kultivasiya yolu ilə yetişdirilən 6 ədəd çətənə kolu, həmçinin Meşəşambul kəndi ərazisində kultivasiya yolu ilə yetişdirdiyi 12 ədəd çətənə kolu aşkar olunaraq götürülüb. Araşdırma aparılır. 

Siyəzən rayonunun Beşdam kəndi ərazisindən tapança tapılıb

08.04.2023

Siyəzən Rayon Polis Şöbəsinin əməkdaşları tərəfindən Beşdam kəndi ərazisindən “Makarov” markalı tapança tapılıb.