Nəsimi rayonunda obyektlərdən birindən oğurluq edən şəxs mühafizə polisləri tərəfindən saxlanılıb

27.05.2022

Paytaxtın Nəsimi rayonunda yerləşən obyektlərdən birinin mis naqillərini kəsərək oğurlayan şəxs mühafizə polisləri tərəfindən saxlanılıb.Belə ki, rayon ərazisində yerləşən xüsusi texniki vasitələrlə qorunan həmin obyektdən Baş Mühafizə İdarəsinin Kompüterləşdirilmiş Mərkəzi Mühafizə Məntəqəsinə “həyəcan” siqnalı daxil olub. Nəsimi Rayon Mühafizə İdarəsinin əməkdaşları tərəfindən hadisəyə dərhal operativ reaksiya göstərilib. Əraziyə gələn polislər obyektə baxış keçirən zaman bir nəfərin elektrik naqillərini kəsərək oğurlayıb qaçmasının şahidi olublar. Polislərin çevikliyi sayəsində hadisəni törətməkdə şübhəli bilinən əvvəllər məhkum olunmuş Asif Əbdürrəhmanov saxlanılaraq ərazi üzrə 19-cu Polis Şöbəsinə təhvil verilib. Faktla bağlı araşdırmalar davam etdirilir. Həmin şəxsin paytaxt ərazisində digr analoji cinayətlər törədib-törətmədiyi araşdırmaların yekunundan sonra məlum olacaq. Qeyd edək ki, bu ilin 5 ayı ərzində Nəsimi Rayon Mühafizə İdarəsinin əməkdaşları tərəfindən rayon ərazisində mühafizə olunan müxtəlif obyektlərdən ümumilikdə 8 oğurluğa cəhd edilib. Bu cəhdlərin qarşısı idarənin əməkdaşları tərəfindən vaxtında alınıb. Həmin hadisələr üzrə və ümumən ictimai asayışı pozan 12 nəfər saxlanılaraq ərazi üzrə polis şöbə və bölmələrinə təhvil verilib. Bundan başqa hesabat dövründə Nəsimi Rayon Mühafizə İdarəsinin əməkdaşları tərəfindən rayon ərazisində 1 nəfərin intihar etmək cəhdinin qarşısı alınıb.

Gün ərzində törədilmiş 50 cinayətin üstü “isti izlər”lə açılmışdır

26.05.2022

Respublikanın daxili işlər orqanları tərəfindən gün ərzində törədilmiş 50 cinayətin üstü “isti izlər”lə açılmışdır.

Xəzər rayonunun Qala qəsəbəsi ərazisindən “VAZ-2107” markalı avtomobili qaçırmaqda şübhəli bilinən qəsəbə sakini H.İsmayılov saxlanılmışdır

26.05.2022

Xəzər RPİ-nin 1-ci Polis Şöbəsinə mayın 25-də Qala qəsəbəsi ərazisində yerləşən avtomobil təmiri sexlərinin birindən qəsəbə sakini A.Rəhimova məxsus “VAZ-2107” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən qəsəbə sakini H.İsmayılov müəyyən edilərək saxlanılmışdır.Xəzər Rayon Polis İdarəsində araşdırma aparılır.

Gəncə şəhərinin Atatürk prospektində “İveco” markalı avtobusla yolu keçən 50-55 yaşlı kişi vurulmuşdur

26.05.2022

Mayın 26-da saat 15 radələrində Gəncə şəhərinin Atatürk prospektində Göygöl rayon sakini B.Bağırov idarə etdiyi “İveco” markalı avtobusla yolu keçən 50-55 yaşlı kişini vurmuşdur. Nəticədə xəsarət almış piyada xəstəxanaya aparılarkən yolda ölmüşdür.Gəncə Şəhər Baş Polis İdarəsində araşdırma aparılır.

Xaçmaz rayonunun Ləcət kəndi ərazisində “VAZ-2107” markalı avtomobillə kənd sakini E.Qədiyev vurulmuşdur

26.05.2022

Mayın 27-də saat 4 radələrində Xaçmaz rayonunun Ləcət kəndi ərazisində rayon sakini A.Dadaşov idarə etdiyi “VAZ-2107” markalı avtomobillə yolu keçən kənd sakini Elçin Qədiyevi vurmuş və nəticədə piyada hadisə yerində ölmüşdür.Araşdırma aparılır.

Vətəndaş Ş.Həsənovanın çantasını oğurlamaqda şübhəli bilinən Bakı şəhər sakini C.Kipçatov saxlanılmışdır

26.05.2022

Binəqədi RPİ 5-ci Polis Bölməsi əməkdaşlarının keçirdikləri əməliyyat tədbiri nəticəsində Ş.Həsənovanın içərisində pulu və mobil telefonu olan çantasını oğurlamaqda şübhəli bilinən Bakı şəhər sakini C.Kipçatov saxlanılmışdır. Araşdırma aparılır.

Binəqədi rayonunun Ə.Ağayev küçəsində bir avtomobildən oğurluq etməkdə şübhəli bilinən Cəlilabad rayon sakini O.Soltanov müəyyən edilərək saxlanılmışdır

26.05.2022

Binəqədi RPİ 7-ci Polis Bölməsi əməkdaşlarının keçirdikləri əməliyyat tədbiri nəticəsində Ə.Ağayev küçəsində “VAZ-2104” markalı bir avtomobildən pul, qızıl boyunbağı, maqnitofon, 2 ədəd səsgücləndirici və içərisində geyim əşyaları olan çanta oğurlamaqda şübhəli bilinən Cəlilabad rayon sakini, əvvəllər məhkum olunmuş O.Soltanov müəyyən edilərək saxlanılmışdır. Araşdırma aparılır.

Bakı şəhər sakini E.Məmmədovu döyərək 2000 manatını almaqda şübhəli bilinən şəxslər müəyyən edilərək saxlanılmışlar

26.05.2022

Yasamal RPİ-nin 29-cu Polis Şöbəsinə mayın 25-də saat 3 radələrində üç nəfərin Bakı şəhər sakini E.Məmmədovu döyərək 2000 manatını almaları barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Bakı şəhər sakini Ü.Hacıyev, Lənkəran rayon sakini R.Əhmədzadə və Cəlilabad rayon sakini S.Əsgərov müəyyən edilərək saxlanılmışlar.Araşdırma aparılır. 

Gün ərzində törədilmiş 52 cinayətin üstü “isti izlər”lə açılmışdır

25.05.2022

Respublikanın daxili işlər orqanları tərəfindən gün ərzində törədilmiş 52 cinayətin üstü “isti izlər”lə açılmışdır.

Bərdə rayonunun Hacallı kənd sakini X.Orucovanı ailə münaqişəsi zəminində tüfəngdən açdığı atəşlə qəsdən öldürməkdə şübhəli bilinən həyat yoldaşı T.Orucov tutularaq istintaqa təhvil verilmişdir

25.05.2022

Bərdə Rayon Polis Şöbəsinə mayın 25-də saat 9 radələrində Hacallı kənd sakini 27 yaşlı Xasa Orucovanın öldürülməsi barədə məlumat daxil olmuşdur.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Aparılmış araşdırmalarla kənd ərazisində yerləşən fermada çoban işləyən Kəlbəcər rayon sakini T.Orucovun ailə münaqişəsi zəminində tüfəngdən açdığı atəşlə həyat yoldaşını qəsdən öldürməsinə əsaslı şübhələr müəyyən edilmişdir. Polis əməkdaşlarının keçirdikləri əməliyyat tədbirləri nəticəsində T.Orucov şübhəli şəxs qismində tutularaq istintaqa təhvil verilmişdir. Ondan cinayəti törədərkən istifadə etdiyi “İJ-16” markalı ov tüfəngi götürülmüşdür. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.