Gün ərzində ölkə ərazisində qeydə alınan 80 cinayətin açılması təmin olunub

11.04.2023

Aprelin 11-də ölkə ərazisində qeydə alınan 80, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 9,6 kiloqramdan artıq narkotik vasitə aşkar olunaraq götürülüb

11.04.2023

Polis əməkdaşlarının aprelin 11-də respublika ərazisində keçirdikləri əməliyyat tədbirləri nəticəsində ümumi çəkisi 9,6 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr –  2,6 kiloqrama yaxın heroin, 5,3 kiloqramdan çox  marixuana, 1,3 kiloqrama yaxın tiryək, 450 qramdan çox metamfetamin, 2970 ədəd metadon həbi olub. Bu istiqamətdə qətiyyətli mübarizə tədbirləri davam etdirilir.

Masallı şəhər Bələdiyyəsinin sədri A.Baxışov barəsində ətraf mühitin mühafizəsi tələblərini pozduğuna görə protokol tərtib olunub

11.04.2023

Daxili İşlər Nazirliyinin Baş İctimai Təhlükəsizlik İdarəsinin əməkdaşları tərəfindən sanitariya-gigiyena qaydalarının pozulması hallarının qarşısının alınması məqsədilə tədbirlər davam etdirilir.  Aprelin 11-də Masallı şəhəri ərazisində keçirilən belə tədbir zamanı su obyektlərinin mühafizəsi qaydalarının pozulması, sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktları aşkar olunub. İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduğuna görə Masallı şəhər Bələdiyyəsinin sədri, şəhər sakini A.Baxışov barəsində protokol tərtib olunub.Bu istiqamətdə tədbirlər davam etdirilir. 

Gəncə şəhəri ərazisində “Hyundai” markalı marşrut avtobusu ilə şəhər sakini D.Həsənova vurulub

11.04.2023

Aprelin 11-də saat 16 radələrində Gəncə şəhəri ərazisində şəhər sakini E.Vəliyev “Hyundai” markalı marşrut avtobusu ilə yolu keçən şəhər sakini D.Həsənovanı vurub. Nəticədə xəsarətlə xəstəxanaya yerləşdirilən piyada orada ölüb. Gəncə Şəhər Baş Polis İdarəsi tərəfindən araşdırma aparılır.

Ağsu rayonu ərazisindəki həyətlərin birindən inək oğurlamaqda şübhəli bilinən A.Süleymanov saxlanılıb

11.04.2023

Ağsu Rayon Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisindəki həyətlərin birindən inək oğurlamaqda şübhəli bilinən rayon sakini A.Süleymanov saxlanılıb. Araşdırmalarla onun rayon sakini M.Bəkirovaya məxsus yardımçı təsərrüfatdan daha 6 baş qoyun, habelə oğurluq etdiyinə görə tutulan Ş.Qasımovla birgə rayon sakini F.Əkbərliyə məxsus 1 baş inəyi kəndin otlaq sahəsindən oğurlaması da müəyyən olunub. 

Bakı şəhər sakini C.Kafidən silah-sursat aşkar olunaraq götürülüb

11.04.2023

Şamaxı Rayon Polis Şöbəsi əməkdaşlarının keçirdikləri əməliyyat tədbirləri nəticəsində Bakı şəhər sakini, əvvəllər məhkum olunmuş C.Kafidən nömrəsi silinmiş “AKS-74” markalı avtomat silah, 1 ədəd patron darağı və 30 ədəd patron aşkar olunaraq götürülüb. Araşdırma aparılır.

Şəmkir rayonu ərazisində 3 həyətyanı sahədən və bir fermadan oğurluq etməkdə şübhəli bilinən Q.Hüseynov saxlanılıb

11.04.2023

Şəmkir Rayon Polis Şöbəsi əməkdaşlarının daxil olan məluamtlar əsasında keçirdikləri əməliyyat tədbirləri nəticəsində rayon ərazisində 3 həyətyanı sahədən naqil, təmir-tikinti alətləri, məişət əşyaları, bir fermadan isə 10 baş qoyun oğurlamaqda şübhəli bilinən Zəyəm qəsəbə sakini Q.Hüseynov saxlanılıb. Araşdırmalarla onun aprelin 10-da Zəyəm qəsəbəsi ərazisində digər bir evdən təmir-tikinti alətləri oğurlaması da müəyyən olunub.        

Gün ərzində ölkə ərazisində qeydə alınan 64 cinayətin açılması təmin olunub

10.04.2023

Aprelin 10-da ölkə ərazisində qeydə alınan 64, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Binə qəsəbəsindəki evlərin birindən oğurluq etməkdə şübhəli bilinən Ağdaş rayon sakini E.Məmmədov saxlanılıb

10.04.2023

Aprelin 7-də Binə qəsəbəsindəki evlərin birindən oğurluq edilməsi barədə polisə məlumat daxil olub. Xəzər RPİ 3-cü Polis Şöbəsi əməkdaşları tərəfindən müvafiq araşdırma aparılıb və evin həyətindəki saxlanc yerindən dəyəri 32 min manatdan çox olan məişət əşyalarının qeyri-aşkar şəraitdə oğurlanması məlum olub. Keçirilən əməliyyat tədbirləri ilə oğurluq əməlində şübhəli bilinən Ağdaş rayon sakini, əvvəllər məhkum olunmuş E.Məmmədov müəyyən olunaraq saxlanılıb. Araşdırma aparılır. 

Xətai rayonu ərazisində 2 avtomobildən oğurluq etməkdə, daha bir avtomobildən isə oğurluğa cəhd göstərməkdə şübhəli bilinən iki nəfər saxlanılıb, daha bir nəfərin şəxsiyyəti müəyyən edilib

10.04.2023

Xətai RPİ 37-ci Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində aprelin 9-da rayon ərazisində “Toyota” və “Volkswagen” markalı 2 avtomobildən müxtəlif üsul və vasitələrlə mobil telefon, içərisində pul və bank kartı olan cüzdan oğurlamaqda, “Mercedes” markalı digər avtomobildən isə oğurluğa cəhd göstərməkdə şübhəli bilinən əvvəllər  məhkum olunmuşlar - Bakı şəhər sakinləri S.Quliyeva və İsmayıllı rayon sakini S.Səfərov saxlanılıb, daha bir nəfərin şəxsiyyəti müəyyən edilib. Araşdırma aparılır.