Xəzər rayonunun Qala qəsəbəsi ərazisində “VAZ-2106” markalı avtomobillə Xaçmaz rayon sakini R.Zəkiyev vurulub

26.06.2022

İyunun 26-da saat 22 radələrində Xəzər rayonunun Qala qəsəbəsi ərazisində Bakı şəhər sakini V.Əliyev idarə etdiyi “VAZ-2106” markalı avtomobillə yolu keçən Xaçmaz rayon sakini Rəşad Zəkiyevi vurub. Nəticədə xəstəxanaya yerləşdirilən piyada ölüb. Xəzər Rayon Polis İdarəsində araşdırma aparılır.

Gün ərzində ölkə ərazisində qeydə alınan cinayətlərdən 48-nin açılması təmin olunub

25.06.2022

İyunun 25-də ölkə ərazisində qeydə alınan cinayətlərdən 48-nin, eləcə də əvvəlki dövrlərdən bağlı qalan cinayətlərdən 4-nün açılması daxili işlər orqanlarının əməkdaşları tərəfindən təmin olunub.

Sumqayıt şəhər sakini Q.Mehdixanlını iplə boğaraq qəsdən öldürməkdə şübhəli bilinən nəvəsi N.Əliyev tutularaq istintaqa təhvil verilib

25.06.2022

Sumqayıt ŞPİ-nin 4-cü Polis Bölməsinə iyunun 25-də saat 4 radələrində şəhər sakini Qənirə Mehdixanlının yaşadığı evdə ölməsi barədə məlumat daxil olub.Şəhərin polis və prokurorluq orqanlarının əməkdaşları tərəfindən müvafiq tədbirlər həyata keçirilib. Aparılan ilkin araşdırmalarla qadının nəvəsi N.Əliyev tərəfindən aralarında yaranmış münaqişə zamanı iplə boğularaq qəsdən öldürülməsinə əsaslı şübhələr müəyyən edilib. Əməliyyat-axtarış tədbirləri nəticəsində N.Əliyev şübhəli şəxs qismində tutularaq istintaqa təhvil verilib. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. 

Sumqayıt şəhəri ərazisində bir sıra oğurluq hadisələrini törətməkdə şübhəli bilinən Gəncə şəhər sakini Ə.Əzimov saxlanılıb

25.06.2022

Sumqayıt ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində iyunun 24-də şəhər sakinləri C.İsayevin avtomobilindən mobil telefonunu, P.Ələkbərovun mobil telefonunu, R.Əhmədovun mobil telefonunu, 100 manat pul və sənədini, M.Məmmədovun mobil telefonunu və 90 manatını oğurlamaqda şübhəli bilinən Gəncə şəhər sakini, əvvəllər məhkum olunmuş Ə.Əzimov saxlanılıb. Araşdırma aparılır.

Şəki rayonunun Küngüt kəndi ərazisindən yabanı halda bitən çətənə kolları aşkar olunaraq məhv edilib

25.06.2022

Şəki ŞRPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Küngüt kəndi ərazisindən yabanı halda bitən 122 kiloqram çəkidə 1200 ədəd çətənə kolu aşkar olunaraq məhv edilib.

Balakən rayonunun Hənifə kəndi ərazisində rayon sakinləri H.Gəncəliyevə və E.Qarayevə məxsus sahələrdən çətənə kolları və çətənə bitkisinin hissələri aşkar olunaraq götürülüb

25.06.2022

Balakən RPŞ əməkdaşlarının keçirdikləri əməliyyat tədbiri nəticəsində Hənifə kəndi ərazisində rayon sakinləri H.Gəncəliyevə və E.Qarayevə məxsus sahələrdən kultivasiya yolu ilə yetişdirilən 197 ədəd çətənə kolu, quruması üçün sərilmiş 95 kiloqram 615 qram çəkidə 53 ədəd çətənə bitkisinin hissələri və 1400 ədəd çətənə bitkisinin kök hissələri aşkar olunaraq götürülüb.

Maştağa qəsəbə sakini F.Babayevin həyətindən kultivasiya yolu ilə yetişdirdiyi çətənə kolları götürülüb

25.06.2022

Sabunçu RPİ 14-cü Polis Bölməsi əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Maştağa qəsəbə sakini, əvvəllər də narkotiklərlə əlaqəli cinayətə görə məhkum olunmuş F.Babayevin həyətindən kultivasiya yolu ilə yetişdirilən 3,5 ton çəkidə 15367 ədəd çətənə kolu aşkar olunaraq götürülüb.

Şəmkir rayonunun Əliyaqublu kəndi ərazisində 1,2 hektar sahədə yabanı halda bitən çətənə kolları məhv edilib

25.06.2022

Şəmkir RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Əliyaqublu kəndi ərazisində 1,2 hektar sahədən yabanı halda bitən 5,6 ton çəkidə 17000 ədəd çətənə kolu aşkar olunaraq məhv edilib.

Salyan rayonunun Yolüstü kəndi ərazisində “Mercedes” markalı avtomobillə kənd sakini F.Cavadov vurulub

25.06.2022

İyunun 25-də saat 22 radələrində Salyan rayonunun Yolüstü kəndi ərazisində Ə.Vəliyev idarə etdiyi “Mercedes” markalı avtomobillə yolu keçən kənd sakini Fəxrəddin Cavadovu vurub. Nəticədə piyada xəstəxanaya aparılarkən yolda ölüb. DİN-in Baş İstintaq və Təhqiqat İdarəsi tərəfindən araşdırma aparılır.

Sabunçu rayonunun Maştağa qəsəbəsi ərazisində “VAZ-2106” və “BMW” markalı avtomobillər toqquşub

25.06.2022

İyunun 26-da saat 2 radələrində Sabunçu rayonunun Maştağa qəsəbəsi ərazisində Orxan Ələkbərovun idarə etdiyi “VAZ-2106” və S.Xəlilovun idarə etdiyi “BMW” markalı avtomobillər toqquşub. Nəticədə O.Ələkbərov, sərnişinləri Rüstəm Musazadə və Həsən Cavadov hadisə yerində ölüb, S.Xəlilov xəstəxanaya yerləşdirilib.Sabunçu Rayon Polis İdarəsində araşdırma aparılır.