Sabunçu rayonunun Bakıxanov qəsəbəsi ərazisində idarə etdiyi avtomobildə saxlanılan sürücünün narkotik vasitə qəbul etməsi müəyyən edilib

12.04.2023

Baş Dövlət Yol Polisi İdarəsinin əməkdaşları tərəfindən aprelin 11-də saat 15 radələrində Sabunçu rayonunun Bakıxanov qəsəbəsi ərazisində Bakı şəhər sakini N.Həsənov idarə etdiyi “Chevrolet” markalı avtomobildə işıq cihazlarından düzgün istifadə etmədiyinə görə saxlanılıb.Polis əməkdaşları tərəfindən sürücünün narkotik vasitə qəbul etməsi müəyyən edildiyindən barəsində İnzibati Xətalar Məcəlləsinin 333.2-ci maddəsi ilə protokol tərtib olunub.Sabunçu rayon məhkəməsinin qərarı ilə N.Həsənov 2 il müddətinə sürücülük hüququndan məhrum edilməklə 10 gün müddətində inzibati qaydada həbs edilib.

Xətai rayonunun Q.Məmmədov küçəsindən “Mercedes” markalı bir avtomobili qaçırmaqda şübhəli bilinən Neftçala rayon sakini Ə.Hüseynov saxlanılıb

12.04.2023

Aprelin 12-də Xətai rayonunun Q.Məmmədov küçəsindən “Mercedes” markalı bir avtomobilin qaçırılması barədə polisə məlumat daxil olub.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Neftçala rayon sakini, əvvəllər məhkum olunmuş Ə.Hüseynov saxlanılıb.Xətai Rayon Polis İdarəsində araşdırma aparılır.

Abşeron rayonu ərazisindəki həyətlərin birindən 1000 manat dəyərində dəmir jalüz oğurlamaqda şübhəli bilinən M.Məmmədov saxlanılıb

12.04.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki həyətlərin birindən 1000 manat dəyərində dəmir jalüz oğurlamaqda şübhəli bilinən Atyalı qəsəbə sakini M.Məmmədov saxlanılıb.Araşdırma aparılır.

Bakı şəhər sakini İ.Məmmədovdan 2 kiloqramdan artıq marixuana aşkar olunaraq götürülüb

12.04.2023

Abşeron Rayon Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini İ.Məmmədovdan 2 kiloqramdan artıq marixuana aşkar olunaraq götürülüb.Araşdırma aparılır.

Beyləqan şəhər sakini Ş.Əbilovun evindən silah-sursat aşkar olunaraq götürülüb

12.04.2023

Beyləqan Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş Ş.Əbilovun evinə baxış zamanı oradan nömrəsi silinmiş “Makarov” markalı tapança, 1 ədəd patron darağı və 5 ədəd patron aşkar olunaraq götürülüb. Araşdırma aparılır.

Goranboy rayonunun Aşağı Ağcakənd kəndi ərazisində Xocalı şəhər sakini M.Məmmədova məxsus fermadan silah-sursat aşkar olunaraq götürülüb

12.04.2023

Xocalı Rayon Polis Şöbəsinin əməkdaşlarnın əldə olunan məlumat əsasında keçirdikləri əməliyyat-axtarış tədbiri nəticəsində Goranboy rayonunun Aşağı Ağcakənd kəndi ərazisində  Xocalı şəhər sakini, əvvəllər məhkum olunmuş M.Məmmədova məxsus fermaya baxış zamanı oradan 4 ədəd “F-1”, 1 ədəd “RQ-42”, 1 ədəd “RQ-5” qumbara, 3 ədəd qumbara alışdırıcısı, 86 ədəd müxtəlif çaplı patron və 1 ədəd patron darağı aşkar olunaraq götürülüb.

Yasamal rayonu ərazisindəki evlərdən birinin girişindən velosiped oğurlamaqda şübhəli bilinən R.Həsənov saxlanılıb

12.04.2023

Yasamal RPİ 28-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərdən birinin girişindən velosiped oğurlamaqda şübhəli bilinən əvvəllər məhkum olunmuş R.Həsənov müəyyən olunaraq saxlanılıb. Şəxsi axtarış zamanı  ondan heroin aşkar olunaraq götürülüb. Araşdırmalarla onun rayon ərazisində müxtəlif ünvanlardan daha 10 velosiped oğurlaması da müəyyən olunub. 

Siyəzən rayon sakininin bank hesabından 1300 manatını oğurlamaqda şübhəli bilinən Z.Səlimov saxlanılıb

12.04.2023

Siyəzən Rayon Polis Şöbəsi əməkdaşlarının daxil olan məlumat əsasında  keçirdikləri əməliyyat tədbiri nəticəsində bir nəfər rayon sakininin bank hesabından 1300 manatını oğurlamaqda şübhəli bilinən rayon sakini  Z.Səlimov müəyyən olunaraq saxlanılıb. Araşdırılma aparılır.

Binədə evdən 32 min manatlıq oğurluq edən şəxs saxlanılıb

12.04.2023

Xəzər rayonu Binə qəsəbəsində yerləşən evlərdən birindən oğurluq edilməsi barədə polisə məlumat daxil olub. Xəzər Rayon Polis İdarəsinin 3-cü Polis Şöbəsinin əməkdaşları tərəfindən müvafiq araşdırma aparılıb və evin həyətindəki saxlanc yerindən dəyəri 32 min manatdan çox olan məişət əşyalarının qeyri-aşkar şəraitdə oğurlanması məlum olub. Şöbə əməkdaşlarının həyata keçirdikləri tədbirlərlə oğurluq əməlində şübhəli bilinən Ağdaş rayon sakini, əvvəllər məhkum olunmuş Elmin Məmmədov müəyyən olunaraq saxlanılıb. O, əldə etdi əşyaları isə Biləcəri qəsəbəsində yerləşən metal qəbulu məntəqələrindən birinə satıb.Faktla bağlı 3-cü Polis Şöbəsində toplanan materiallar Xəzər RPİ-nin İstintaq Şöbəsinə göndərilib, araşdırmalar davam etdirilir.

Daxili İşlər Nazirliyi və Dövlət Sərhəd Xidməti birgə əməliyyat həyata keçirib

12.04.2023

Daxili İşlər Nazirliyi Baş Narkotiklərlə Mübarizə İdarəsi və Dövlət Sərhəd Xidmətinin Lənkəran Sərhəd Dəstəsinin əməkdaşları tərəfindən birgə keçirilən növbəti xüsusi əməliyyat nəticəsində qaçaqmalçılıq yolu ilə ölkə ərazisinə külli miqdarda narkotik maddələr keçirməyə cəhd edən daha bir dəstənin üzvləri ifşa edilərək saxlanılıblar. Tədbir zamanı Ülzan İsmayılov, Ervin Məmmədov, Rəşad Budaqov və Elşən Məmmədov Masallı rayonu ərazisində tutulublar. Bu şəxslərdən və onlara məxsus nəqliyyat vasitəsindən ümumilikdə 11 kiloqram müxtəlif xassəli narkotik vasitə aşkar edilib. Dəstə üzvləri narkotik vasitələri şəxsiyyəti istintaqla araşdırılan İran İslam Respublikasının vətəndaşından satmaq məqsədi ilə əldə etdiklərini bildiriblər.Faktla bağlı Cinayət Məcəlləsinin müvafiq maddəsi ilə cinayət işi başlanılıb, saxlanılan şəxslər   barəsində həbs qətimkan tədbiri seçilib, əməliyyat-istintaq tədbirləri davam etdirilir.