Gəncə şəhəri ərazisində bir avtomobildən oğurluq etməkdə şübhəli bilinən şəhər sakinləri İ.Həsənpur və R.Abdullayev saxlanılıblar

16.04.2023

Gəncə ŞBPİ 4-cü Polis Bölməsi əməkdaşlarının keçirdikləri əməliyyat nəticəsində şəhər ərazisində “VAZ-2106” markalı bir avtomobildən içərisində pul olan cüzdan, maqnitofon, avtomobilin salon güzgüsü və digər əşyalar oğurlamaqda şübhəli bilinən Gəncə şəhər sakinləri İ.Həsənpur və R.Abdullayev saxlanılıblar.Araşdırma aparılır.

Bərdə rayonu ərazisindəki mağazaların birindən oğurluq etməkdə şübhəli bilinən şəxslər saxlanılıb

16.04.2023

Bərdə Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki mağazaların birindən pul və 1050 manat dəyərində tütün məmulatı, energetik içkilər və danışıq kartları oğurlamaqda  şübhəli bilinən Ağdam rayon sakini Q.Hüseynov və Bərdə şəhər sakini R.İsmayılov saxlanılıb. Araşdırma aparılır.

Gün ərzində ölkə ərazisində qeydə alınan 65 cinayətin açılması təmin olunub

15.04.2023

Aprelin 15-də ölkə ərazisində qeydə alınan 65, əvvəlki dövrlərdən bağlı qalan 14 cinayətin açılması daxili işlər orqanlarının əməkdaşları tərəfindən təmin olunub.

Abşeron rayonunun Güzdək qəsəbəsi ərazisində “MAN” markalı avtomobillə qəsəbə sakini V.Balabəyova vurulub

15.04.2023

Aprelin 15-də saat 13 radələrində Abşeron rayonunun Güzdək qəsəbəsi ərazisində Bakı şəhər sakini A.Məmmədov idarə etdiyi “MAN” markalı avtomobillə yolu keçən qəsəbə sakini V.Balabəyovanı vurub və nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Abşeron rayonunun Qobu qəsəbəsi ərazisində “Nissan”, “VAZ-2107” və “Opel” markalı avtomobillər toqquşub

15.04.2023

Aprelin 15-də saat 23 radələrində Abşeron rayonunun Qobu qəsəbəsi ərazisində Xocavənd rayon sakini S.Zeynalovanın idarə etdiyi “Nissan”, qəsəbə sakini S.Mürvətovun idarə etdiyi “VAZ-2107” və Naxçıvan şəhər sakini İ.Əbilovun idarə etdiyi “Opel” markalı avtomobillər toqquşub. Nəticədə xəsarət alan S.Zeynalova xəstəxanaya aparılarkən yolda ölüb.Abşeron Rayon Polis İdarəsində araşdırma aparılır.

Qəbələ rayonunun Vəndam qəsəbəsi ərazisində yanacaq daşıyan “Mercedes” markalı avtomobil dərəyə aşıb

15.04.2023

Aprelin 15-də saat 12 radələrində  Qəbələ rayonunun Vəndam qəsəbəsi ərazisindən keçən hissəsində Babək rayon sakini M.Quliyevin idarə etdiyi yanacaq daşıyan “Mercedes” markalı avtomobil yolun kənarındakı dərəyə aşıb. Nəticədə sürücü hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Səbail rayonu Xəqani küçəsindən “Ford” markalı avtomobili qaçırmaqda şübhəli bilinən Bakı şəhər sakini H.Məmmədov saxlanılıb

15.04.2023

Aprelin 12-nə keçən gecə Səbail rayonu Xəqani küçəsində “Ford” markalı avtomobilin qaçırılması barədə polisə məlumat daxil olub.Səbail RPİ 39-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində  avtomobil Binəqədi rayonunun Novxanı qəsəbəsi ərazisində tapılıb.Nəqliyyat vasitəsini qaçırmaqda şübhəli bilinən  Bakı şəhər sakini əvvəllər məhkum olunmuş  H.Məmmədov  müəyyən olunaraq saxlanılıb.Araşdırma aparılır.

Sabunçu rayonunun Bakıxanov qəsəbəsindəki evlərin birindən 2 ədəd hidrofor və 3 ədəd kollektoru oğurlamaqda şübhəli bilinən N.Nazirov saxlanılıb

15.04.2023

Sabunçu RPİ 13-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Bakıxanov qəsəbəsindəki evlərin birinin girişində olan  saxlanc yerindən 750 manat dəyərində 2 ədəd hidrofor və 3 ədəd kollektoru oğurlamaqda şübhəli bilinən qəsəbə sakini N.Nazirov müəyyən olunaraq saxlanılıb. Araşdırma aparılır.

Nizami rayonu B.Nuriyev küçəsindən “VAZ-2106” markalı avtomobili qaçırmaqda şübhəli bilinən Bakı şəhər sakinləri A.Şükürov və N.Əsgərov saxlanılıblar

15.04.2023

Aprelin 12-nə keçən gecə Nizami rayonu B.Nuriyev küçəsindən “VAZ-2106” markalı avtomobilin qaçırılması barədə polisə məlumat daxil olub.Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində  avtomobil Suraxanı rayonunun Əmircan qəsəbəsi ərazisində tapılıb.Nəqliyyat vasitəsini qaçırmaqda şübhəli bilinən Bakı şəhər sakinləri A.Şükürov və əvvəllər məhkum olunmuş N.Əsgərov müəyyən olunaraq saxlanılıblar.Araşdırma aparılır.

Sumqayıt şəhəri ərazisində marşrut avtobusunda bir sərnişinin çantasından oğurluq etməkdə şübhəli bilinən A.Hüseynov saxlanılıb

15.04.2023

Sumqayıt ŞPİ 3-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində aprelin 14-də şəhər ərazisində marşrut avtobusunda bir sərnişinin çantasından pul və mobil telefon oğurlamaqda şübhəli bilinən əvvəllər də oğurluq və narkotiklərlə əlaqəli cinayətlərə görə məhkum olunmuş  A.Hüseynov müəyyən olunaraq saxlanılıb.Araşdırma aparılır.