Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Abşeron rayonu ərazisində bir avtobusdan oğurluq etməkdə şübhəli bilinən A.İbrahimov saxlanılıb
17.04.2023
Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində “Daewoo” markalı bir avtobusdan pul, 2 ədəd salon güzgüsü, salon işıqları və 1 ədəd yaddaş kartı oğurlamaqda şübhəli bilinən Bakı şəhər sakini, əvvəllər məhkum olunmuş A.İbrahimov müəyyən olunaraq saxlanılıb.Araşdırma aparılır.
Oğuz rayonu ərazisindəki bir evdən pul oğurlamaqda şübhəli bilinən Ş. İslamov saxlanılıb
Oğuz Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki bir evdən 4400 manat pul oğurlamaqda şübhəli bilinən Sincan kənd sakini Ş. İslamov müəyyən olunaraq saxlanılıb.Araşdırma aparılır.
Hacıqabul rayonu ərazisindəki həyətlərin birindən təmir alətləri oğurlamaqda şübhəli bilinən Z.Həşimov saxlanılıb
Hacıqabul Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki həyətlərin birindən 2000 manat dəyərində təmir alətləri oğurlamaqda şübhəli bilinən şəhər sakini əvvəllər məhkum olunmuş Z.Həşimov müəyyən olunaraq saxlanılıb.Araşdırma aparılır.
Abşeron rayonu ərazisində 32 avtomobildən akkumulyator oğurlamaqda şübhəli bilinən R.Şərifov saxlanılıb
Abşeron Rayon Polis İdarəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində müxtəlif vaxtlarda rayon ərazisində 32 avtomobildən akkumulyator oğurlamaqda şübhəli bilinən Ucar rayon sakini, əvvəllər məhkum olunmuş Rakim Şərifov müəyyən olunaraq saxlanılıb. Araşdırma aparılır.
Sabunçu rayonu ərazisində “Hyundai” markalı avtomobil səkiyə çırpılıb
Aprelin 18-də saat 1 radələrində Sabunçu rayonu ərazisində Bakı şəhər sakini Ə.Ağabəyli idarə etdiyi “Hyundai” markalı avtomobili səkiyə vurub. Nəticədə sərnişini olan paytaxt sakini E.Əliyev hadisə yerində ölüb.Sabunçu Rayon Polis İdarəsində araşdırma aparılır.
Beyləqan rayonunun Şahsevən kəndi ərazisində “Khazar” markalı avtomobil su kanalına aşıb
17-də saat 8 radələrində Beyləqan rayonunun Şahsevən kəndi ərazisində kənd sakini S.Ağayev sürücülük hüququ olmadan idarə etdiyi “Khazar” markalı avtomobili su kanalına aşırıb.Avtomobil sudan çıxarılıb, S.Ağayevin tapılması istiqamətində tədbirlər davam etdirilir.
Gün ərzində ölkə ərazisində qeydə alınan 38 cinayətin açılması təmin olunub
16.04.2023
Aprelin 16-da ölkə ərazisində qeydə alınan 38, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.
Ümumi çəkisi 28,9 kiloqramdan artıq narkotik vasitə aşkar olunaraq götürülüb
Polis əməkdaşlarının aprelin 15-də və 16-da respublika ərazisində keçirdikləri əməliyyat tədbirləri nəticəsində ümumi çəkisi 28,9 kiloqramdan artıq narkotik vasitə, həmçinin 7,1 kiloqramdan artıq heroin, 20,9 kiloqramdan çox marixuana, 808 qram metamfetamin, 280 ədəd yüksək təsiredici xassəyə malik həb və 39 ədəd çətənə kolu aşkar olunaraq götürülüb.Bu istiqamətdə qətiyyətli mübarizə tədbirləri davam etdirilir.
Xəzər rayonunun Buzovna qəsəbəsində yerləşən bir evi yandırmaqda şübhəli bilinən M.Quliyev saxlanılıb
Xəzər RPİ 2-ci Polis Şöbəsi əməkdaşlarının keçirdikləri əməliyyat tədbirləri nəticəsində aprelin 16-da saat 14 radələrində Buzovna qəsəbəsində yerləşən, ümumi sahəsi 120 kvm. olan bir evi yandırmaqda şübhəli bilinən Lerik rayon sakini M.Quliyev müəyyən olunaraq saxlanılıb.Araşdırma aparılır.
Nərimanov rayonu ərazisindəki mağazaların birindən 20.000 manat dəyərində ərzaq mallarını oğurlamaqda şübhəli bilinən Abşeron rayon sakini Z. Allahyarov saxlanılıb
Nərimanov rayonu ərazisindəki mağazaların birindən 2022-ci ilin noyabr ayından cari il aprelin 15-dək olan müddətdə 20.000 manat dəyərində ərzaq mallarının oğurlanması barədə polisə məlumat daxil olub.Nərimanov RPİ 18-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən həmin mağazada satıcı işləyən Abşeron rayon sakini Z. Allahyarov saxlanılıb.Araşdırma aparılır.
