Yevlax rayonunun Malbinəsi kəndi ərazisində “VAZ-2106” və “Nissan” markalı avtomobillər toqquşub

01.11.2022

Noyabrın 1-də saat 20 radələrində Yevlax rayonunun Malbinəsi kəndi ərazisində rayon sakinləri P.Məhərrəmovun idarə etdiyi “VAZ-2106” və S.Səfərovun idarə etdiyi “Nissan” markalı avtomobillər toqquşub. Nəticədə P.Məhərrəmovun sərnişini olan anası Həqiqət Məhərrəmova hadisə yerində ölüb, özü və 2 sərnişini xəstəxanaya yerləşdiriliblər.Yevlax Rayon Polis Şöbəsində araşdırma aparılır.

Yevlax rayonunun Yuxarı Qarxun kəndi ərazisində “VAZ-2107” markalı avtomobillə kənd sakini İ.Gülalıyev vurulub

01.11.2022

Noyabrın 1-də saat 19 radələrində Yevlax rayonunun Yuxarı Qarxun kəndi ərazisində şəhər sakini M.Hüseynov idarə etdiyi “VAZ-2107” markalı avtomobillə yolu keçən kənd sakini İsrəfil Gülalıyevi vurub. Nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Quba rayonu ərazisində “Ford” markalı avtomobillə piyada vurulub

01.11.2022

Noyabrın 1-də saat 23 radələrində Quba rayonu ərazisində rayon sakini E.Həsənov idarə etdiyi “Ford” markalı avtomobillə yolu keçən Şahbəddin Bədəlovu vurub. Nəticədə piyada xəstəxanaya aparılarkən yolda ölüb.Quba Rayon Polis Şöbəsində araşdırma aparılır.

Nizami rayonu ərazisində bir avtomobildən monitor və cərəyan bloku, H.Məmmədovun isə mobil telefonunu oğurlamaqda şübhəli bilinən O.Vəliyev saxlanılıb

01.11.2022

Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində sentyabrın 15-dən oktyabrın 31-dək olan müddətdə rayon ərazisində bir avtomobildən 1700 manat dəyərində monitor və cərəyan bloku, H.Məmmədovun isə 400 manat dəyərində mobil telefonunu oğurlamaqda şübhəli bilinən İmişli rayon sakini, əvvəllər məhkum olunmuş O.Vəliyev saxlanılıb. Şəxsi axtarış zamanı ondan heroin aşkar edilərək götürülüb.

Yasamal rayonu ərazisində bir avtomobildən pul, mobil telefon, 2 ədəd eynək və çantanı soyğunçuluq yolu ilə talamaqda şübhəli bilinən E.Rzayev saxlanılıb

01.11.2022

Yasamal RPİ 28-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində sentyabrın 13-də rayon ərazisində bir avtomobildən 50 manat pul, mobil telefon, 2 ədəd eynək və çantanı soyğunçuluq yolu ilə talamaqda şübhəli bilinən Bakı şəhər sakini, əvvəllər məhkum olunmuş E.Rzayev saxlanılıb.Araşdırma aparılır.

Xırdalan şəhəri ərazisində yolu keçən şəhər sakini S.Əsədovanı və nəvəsini idarə etdiyi avtomobillə vuraraq hadisə yerində yayınmaqda şübhəli bilinən sürücü M.Nağıyev saxlanılıb

01.11.2022

Oktyabrın 31-də saat 23 radələrində Xırdalan şəhəri ərazisində yolu keçən şəhər sakini Solmaz Əsədova və nəvəsi Y.Əsədov müəyyən edilməyən avtomobillə vurulub. Nəticədə onlar xəstəxanaya yerləşdirilib, S.Əsədova orada ölüb.Abşeron Rayon Polis İdarəsi tərəfindən əməliyyat-axtarış tədbirlərinə başlanılıb.Yol-nəqliyyat hadisəsini törətməkdə şübhəli bilinən “Volkswagen” markalı avtomobilin sürücüsü, Bakı şəhər sakini M.Nağıyev saxlanılıb. Araşdırma aparılır.

Masallı şəhəri ərazisindəki şadlıq saraylarının birində şəhər sakini Ə.Əhmədovun pulunu açıq talama yolu ilə almaqda şübhəli bilinən İ.Abuşov saxlanılıb

01.11.2022

Masallı Rayon Polis Şöbəsinə oktyabrın 29-da saat 23 radələrində şəhər ərazisindəki şadlıq saraylarının birində şəhər sakini Ə.Əhmədovun 200 manat pulunun açıq talama yolu ilə talanması barədə müraciət daxil olub.Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən Təzə Alvadı kənd sakini, əvvəllər məhkum olunmuş İ.Abuşov müəyyən edilərək saxlanılıb.Faktla əlaqədar Cinayət Məcəlləsinin 180-cı (soyğunçuluq) maddəsi ilə cinayət işi başlanılıb.

Şabran şəhər sakini Ə.Rəsulovdan qanunsuz saxladığı ov tüfəngi və 5 ədəd patron götürülüb

01.11.2022

Şabran Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini Ə.Rəsulovdan qanunsuz saxladığı “İJ” markalı ov tüfəngi və 5 ədəd patron götürülüb.

Astara şəhər sakini Ə.Şəfiyevdən qanunsuz saxladığı ov tüfəngi götürülüb

01.11.2022

Astara Rayon Polis Şöbəsi əməkdaşlarının keçirdikləri əməliyyat tədbiri nəticəsində şəhər sakini Ə.Şəfiyevdən qanunsuz saxladığı “Kral” markalı ov tüfəngi götürülüb.

Gəncə Beynəlxalq Hava Limanında Z.Yolçuyevin çantasından pnevmatik tapança və 500 ədəd qırma aşkar edilərək götürülüb

01.11.2022

Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində Gəncə Beynəlxalq Hava Limanında Z.Yolçuyevin çantasına baxış zamanı “Valter” markalı pnevmatik tapança və 500 ədəd qırma aşkar edilərək götürülüb.