Oğurluq etməkdə şübhəli bilinən Bakı şəhər sakini R.Mehdiyev müəyyən olunaraq saxlanılıb

28.11.2022

Metropolitendə Polis Şöbəsinə metronun “Koroğlu” stansiyasında bir qadının çantasından içərisində 200 manat pulu, bank kartı və açarları olan cüzdanının oğurlanması barədə məlumat daxil olub.Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini R.Mehdiyev müəyyən olunaraq saxlanılıb.Araşdırma aparılır. 

Mənzillərin birindən 19.000 avro, 4950 funt sterling və 4800 ABŞ dolları oğurlamaqda şübhəli bilinən Bakı şəhər sakini V.Əhmədov və Biləsuvar rayon sakini A.Abışov müəyyən olunaraq saxlanılıblar

28.11.2022

Binəqədi rayonunun Biləcəri qəsəbəsindəki mənzillərin birindən 19.000 avro, 4950 funt sterling və 4800 ABŞ dollarının qeyri-aşkar şəraitdə oğurlanması barədə polisə məlumat daxil olub. Binəqədi RPİ 6-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini V.Əhmədov və Biləsuvar rayon sakini A.Abışov müəyyən olunaraq saxlanılıblar.Araşdırma aparılır.

Oğurluq əməlində şübhəli bilinən Bakı şəhər sakini S.Nəsirov müəyyən olunaraq saxlanılıb

28.11.2022

Qaradağ rayonunun Qobustan qəsəbəsindəki evlərin birindən 4100 manat dəyərində kombi, mətbəx və məişət əşyalarının qeyri-aşkar şəraitdə oğurlanması barədə polisə məlumat daxil olub. Qaradağ RPİ 11-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini S.Nəsirov müəyyən olunaraq saxlanılıb.Araşdırma aparılır.

Oğurluq əməlində şübhəli bilinən Qobustan rayon sakini Ş.Ağayev müəyyən olunaraq saxlanılıb

28.11.2022

Nərimanov RPİ-nin 17-ci Polis Şöbəsinə Bakı şəhər sakini Q.Soltanovun 1000 manatının və 5000 manat dəyərində mobil telefonunun qeyri-aşkar şəraitdə oğurlaması barədə məlumat daxil olub. Polis əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Qobustan rayon sakini, əvvəllər məhkum olunmuş Ş.Ağayev müəyyən olunaraq saxlanılıb.Araşdırma aparılır. 

Oğurluq etməkdə şübhəli bilinən Bakı şəhər sakini M.Abbaszadə saxlanılıb

28.11.2022

Nəsimi rayonu ərazisində yerləşən “Azərlotereya” məntəqəsindən 600 manat dəyərində lotereyanın oğurlanması barədə polisə məlumat daxil olub.Nəsimi RPİ 20-ci Polis Bölməsi əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakini M.Abbaszadə saxlanılıb. Araşdırma aparılır.

Cəlilabad Rrayonunun Hamarqışlaq kənd sakini Ə.Aşurovun idarə etdiyi avtomobilə baxış zamanı oradan qanunsuz saxladığı nömrəsi silinmiş ov tüfəngi aşkar edilərək götürülüb

28.11.2022

Cəlilabad Rayon Polis Şöbəsi əməkdaşlarının keçirdikləri əməliyyat tədbiri nəticəsində Hamarqışlaq kənd sakini Ə.Aşurovun idarə etdiyi “Volskwagen” markalı avtomobilə baxış zamanı oradan qanunsuz saxladığı nömrəsi silinmiş “TOZ-63” markalı ov tüfəngi aşkar edilərək götürülüb.

Beyləqan rayon sakinləri M.Cabbarovdan, H.Məhərrəmovdan və B.Əmirovdan qanunsuz saxladıqları 3 ədəd ov tüfəngi aşkar olunaraq götürülüb

28.11.2022

Beyləqan Rayon Polis Şöbəsi əməkdaşlarının keçirdikləri əməliyyat tədbirləri nəticəsində rayon sakinləri M.Cabbarovdan, H.Məhərrəmovdan və B.Əmirovdan qanunsuz saxladıqları “İJ-16” markalı 3 ədəd ov tüfəngi aşkar olunaraq götürülüb.

Beyləqan rayon sakinləri M.Vəliyev, Ə.Məmmədov və S.Hüseynovun Yuxarı Aran kəndi ərazisində qanunsuz ov etdikləri müəyyən olunub

28.11.2022

Beyləqan Rayon Polis Şöbəsinin əməkdaşları tərəfindən keçirilən tədbirlərlə rayon sakinləri M.Vəliyev, Ə.Məmmədov və S.Hüseynovun Yuxarı Aran kəndi ərazisində qanunsuz ov etdikləri müəyyən olunub. Həmin şəxslərdən 3 ədəd ov tüfəngi, ovladıqları çöl heyvanları və quşları aşkar edilib. Faktla bağlı araşdırma aparılır.

Sumqayıt şəhər sakini A.Əhmədzadə 2 il müddətinə sürücülük hüququndan məhrum edilməklə 10 gün müddətinə inzibati qaydada həbs olunub

28.11.2022

Baş Dövlət Yol Polisi İdarəsinin əməkdaşları tərəfindən noyabrın 26-da Masallı rayonu ərazisində yerləşən postda “Opel” markalı avtomobil saxlanılıb.Polis əməkdaşları tərəfindən sürücü, Sumqayıt şəhər sakini A.Əhmədzadənin narkotik vasitə qəbul etməsi müəyyən edildiyindən barəsində İnzibati Xətalar Məcəlləsinin 333.2-ci maddəsi ilə protokol tərtib edilib. Masallı rayon məhkəməsinin qərarı ilə A.Əhmədzadə 2 il müddətinə sürücülük hüququndan məhrum edilməklə 10 gün müddətinə inzibati qaydada həbs olunub.

Hacıqabul rayonunun Muğan qəsəbəsi ərazisində yol-nəqliyyat hadisəsi

28.11.2022

Noyabrın 28-də saat 13 radələrində Hacıqabul rayonunun Muğan qəsəbəsi ərazisində Saatlı rayon sakini Ə.Şıxıyev “QAZ-330232” markalı avtomobili geriyə idarə edərkən qəsəbə sakini Atlas Əsədovanı vurub və nəticədə piyada hadisə yerində ölüb.Faktla əlaqədar cinayət işi başlanılıb. Hacıqabul Rayon Polis Şöbəsində araşdırma aparılır.