Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Gün ərzində ölkə ərazisində qeydə alınan 63 cinayətin açılması təmin olunub
29.12.2023
Dekabrın 29-da ölkə ərazisində qeydə alınan 53, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.
Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir
Dekabrın 29-da polis əməkdaşları paytaxt və respublikanın ayrı-ayrı rayonlarında 1 ədəd avtomat və 3 ədəd müxtəlif markalı tüfəng təhvil götürüblər.Keçirilən əməliyyat tədbirləri ilə 10 ədəd müxtəlif markalı tüfəng götürülüb.
Qaradağ rayonu ərazisində yerləşən ticarət mərkəzində satıcının 2 ədəd mobil telefonunu oğurlamaqda şübhəli bilinən M.Məmmədov saxlanılıb
Qaradağ rayonu ərazisində yerləşən ticarət mərkəzində mağazaların birində satıcının 2 ədəd mobil telefonunu oğurlamaqda şübhəli bilinən Bakı şəhər sakini M.Məmmədov Qaradağ Rayon Mühafizə İdarəsinin əməkdaşları tərəfindən saxlanılaraq 10-cu Polis Şöbəsinə təhvil verilib.Araşdırma aparılır.
Səbail rayonu ərazisindəki mağazaların birindən 6500 manat dəyərində tütün məmulatı oğurlamaqda şübhəli bilinən yeniyetmə saxlanılıb
Səbail Rayon Polis İdarəsi əməkdaşlarının keçirdikləri tədbirlərlə dekabrın 27-də axşam saatlarında rayon ərazisindəki mağazaların birindən 6500 manat dəyərində tütün məmulatı oğurlamaqda şübhəli bilinən Tərtər rayon sakini olan bir yeniyetmə müəyyən olunaraq saxlanılıb.Araşdırma aparılır.
Gəncə şəhəri ərazisində yerləşən sexlərin birindən və bir evdən oğurluq etməkdə şübhəli bilinən şəhər sakini R.Qənbərov saxlanılıb
Gəncə ŞBPİ 2-ci Polis Şöbəsi əməkdaşlarının keçirdikləri tədbirlərlə şəhər ərazisində yerləşən sexlərin birindən 4200 manat dəyərində xəmir qarışdıran aparat, elektron tərəzi və məişət əşyası, digər bir evdən isə kombi aparatı oğurlamaqda şübhəli bilinən Gəncə sakini, əvvəllər də oğurluğa görə məhkum olunmuş R.Qənbərov saxlanılıb. Araşdırma aparılır.
Cəlilabad rayonu ərazisində müxtəlif vaxtlarda 6 həyətyanı sahədən ümumilikdə 11 baş qoyun oğurlamaqda şübhəli bilinən şəxslər saxlanılıblar
Cəlilabad Rayon Polis Şöbəsi əməkdaşlarının keçirdikləri tədbirlərlə rayon ərazisində müxtəlif vaxtlarda 6 həyətyanı sahədən ümumilikdə 11 baş qoyun oğurlamaqda şübhəli bilinən rayon sakinləri, əvvəllər məhkum olunmuşlar E.Şahmarov, Ə.Mirzəyev və B.Əlizadə müəyyən olunaraq saxlanılıblar.
Bir nəfərin içərisində 2200 ABŞ dolları və 230 manatı olan çantasını oğurlamaqda şübhəli bilinən N.Sadıqov saxlanılıb
Səbail RPİ 9-cu Polis Bölməsi əməkdaşlarının keçirdikləri tədbirlərlə dekabrın 24-də bir nəfərin içərisində 2200 ABŞ dolları və 230 manatı olan çantasını oğurlamaqda şübhəli bilinən Ağsu rayon sakini N.Sadıqov müəyyən olunaraq saxlanılıb.Araşdırma aparılır.
Gün ərzində ölkə ərazisində qeydə alınan 44 cinayətin açılması təmin olunub
28.12.2023
Dekabrın 28-də ölkə ərazisində qeydə alınan 42, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.
Yüksək səsyayıcı qabiliyyətə malik pirotexniki vasitələrin satışının qarşısının alınması istiqamətində tədbirlər davam etdirilir
Polis əməkdaşları tərəfindən yüksək səsyayıcı qabiliyyətə malik pirotexniki vasitələrin satışının qarşısının alınması istiqamətində respublika ərazisində nəzarət-profilaktik tədbirlər davam etdirilir.Dekabrın 28-də Baş İctimai Təhlükəsizlik İdarəsi əməkdaşlarının İsmayıllı şəhəri ərazisində keçirdikləri tədbir zamanı yüksək səsyayıcı qabiliyyətə malik pirotexniki vasitələrin satışını təşkil edən 3 nəfər müəyyən edilib. Onlardan ümumilikdə 11860 ədəd müxtəlif növ pirotexniki vasitə götürülüb.Həmin şəxslər barəsində inzibati tənbeh tədbiri tətbiq olunub.
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir
Dekabrın 28-də polis əməkdaşları paytaxt və respublikanın ayrı-ayrı rayonlarında 1 ədəd avtomat, 2 ədəd müxtəlif markalı tüfəng və 30 ədəd müxtəlif çaplı patron təhvil götürüblər.
