Goranboy rayonunun Qaradağlı kəndi ərazisində mağazaların birindən oğurluq etməkdə şübhəli bilinən şəxslər saxlanılıblar

06.01.2024

Goranboy Rayon Polis Şöbəsi əməkdaşlarının keçirdikləri tədbirlərlə yanvarın 2-nə keçən gecə Qaradağlı kəndi ərazisində mağazaların birindən 250 manat pul və 2000 manat dəyərində məişət əşyaları, spirtli içki və tütün məmulatı oğurlanmaqda şübhəli bilinən əvvəllər məhkum olunmuşlar - rayon sakini Ə.Məmmədov və Gəncə şəhər sakini R.Qafarov saxlanılıblar.Ə.Məmmədovun digər bir evdən 204 manat və 2000 ABŞ dolları oğurlaması da müəyyən olunub.Araşdırma aparılır. 

Masallı rayonunun Məmmədxanlı kəndi ərazisində bir yardımçı təsərrüfatdan 4 baş qoyun oğurlamaqda şübhəli bilinən Ə.Əlişli saxlanılıb

06.01.2024

Masallı Rayon Polis Şöbəsi əməkdaşlarının keçirdikləri tədbirlərlə Məmmədxanlı kəndi ərazisində bir yardımçı təsərrüfatdan 4 baş qoyun oğurlamaqda şübhəli bilinən kənd sakini Ə.Əlişli saxlanılıb.Araşdırma aparılır. 

Gün ərzində ölkə ərazisində qeydə alınan 37 cinayətin açılması təmin olunub

05.01.2024

Yanvarın 5-də ölkə ərazisində qeydə alınan 32, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktiki tədbirləri davam etdirir

05.01.2024

Yanvarın 5-də polis əməkdaşları paytaxt və respublikanın ayrı-ayrı rayonlarında 5 ədəd müxtəlif markalı tüfəng təhvil götürüblər.

Şəmkir rayonunun Keçili kəndi ərazisindəki dəmiryolu xəttinin yaxınlığında silah-sursat tapılıb

05.01.2024

Nəqliyyatda Baş Polis İdarəsinin əməkdaşları tərəfindən Şəmkir rayonunun Keçili kəndi ərazisindəki dəmiryolu xəttinin yaxınlığında 1 ədəd “F-1” qumbarası, 2 ədəd tüstüverici şaşka, 1 ədəd alışdırıcı, 42 ədəd müxtəlif çaplı patron və 2 ədəd patron darağı tapılıb. 

Paytaxtın Suraxanı rayonunda müxtəlif evlərdən oğurluq etməkdə şübhəli bilinən şəxslər saxlanılıblar

05.01.2024

Paytaxtın Suraxanı rayonunda müxtəlif evlərdən 1500 manat pul, 4000 manat dəyərində qızıl-zinət, 400 manat dəyərində gümüş və geyim, sənədlər, bank kartları, parfümeriya əşyalarının oğurlanması barədə polisə məlumat daxil olub. Polis əməkdaşları tərəfindən keçirilən tədbirlərlə oğurluq əməlində şübhəli bilinənlər - Bakı şəhər sakinləri, əvvəllər məhkum olunmuşlar İ.Əhmədov və R.Həsənov müəyyən olunaraq saxlanılıblar.Araşdırma aparılır.

Binəqədi rayonunun Biləcəri qəsəbəsi ərazisində bir avtomobildən pul və şəxsi əşyaları oğurlamaqda şübhəli bilinən G.Abdullayev saxlanılıb

05.01.2024

Binəqədi RPİ 6-cı Polis Bölməsi əməkdaşlarının keçirdikləri tədbirlərlə ötən il dekabrın 24-də Biləcəri qəsəbəsi ərazisində “Mercedes” markalı avtomobildən 500 manat pul və şəxsi əşyaları oğurlamaqda şübhəli bilinən Qubadlı rayon sakini, əvvəllər dəfələrlə məhkum olunmuş G.Abdullayev müəyyən olunaraq saxlanılıb.Araşdırma aparılır. 

Abşeron rayon sakini V.Surxayevanın xəsarət alması ilə nəticələnən yol-nəqliyyat hadisəsini törətməkdə şübhəli bilinən sürücü N.Əliyev saxlanılıb

05.01.2024

Nərimanov RPİ 16-cı Polis Şöbəsi əməkdaşlarının keçirdikləri əməliyyat-axtarış tədbirləri nəticəsində ötən il dekabrın 29-da Abşeron rayon sakini V.Surxayevanın xəsarət alması ilə nəticələnən yol-nəqliyyat hadisəsini törətməkdə şübhəli bilinən “Ford” markalı avtomobilin sürücüsü, Bakı şəhər sakini N.Əliyev müəyyən olunaraq saxlanılıb.Araşdırma aparılır.

Suraxanı rayonunun Zığ qəsəbəsi ərazisində silah-sursat tapılıb

05.01.2024

Suraxanı RPİ 33-cü Polis Bölməsinin əməkdaşları tərəfindən Zığ qəsəbəsi ərazisində nömrəsi silinmiş “AKM” markalı avtomat silah, 30 ədəd patron və 1 ədəd patron darağı tapılıb. 

Salyan rayon sakini B.Cavadovdan heroin və metamfetamin götürülüb

05.01.2024

Abşeron Rayon Polis İdarəsi əməkdaşlarının keçirdikləri tədbirlərlə Salyan rayon sakini, əvvəllər məhkum olunmuş B.Cavadov saxlanılıb. Ondan 44 qramdan artıq heroin və 49 qrama yaxın metamfetamin aşkar olunaraq götürülüb.Araşdırma aparılır.