Nəsimi rayonu ərazisində bir nəfərin mobil telefonunu və içərisində pul olan çantasını soyğunçuluq yolu ilə talamaqda şübhəli bilinən şəxslər saxlanılıblar

27.12.2023

Dekabrın 25-də Nəsimi rayonu ərazisində bir nəfərin mobil telefonunun və içərisində pul olan çantasının soyğunçuluq yolu ilə talanması barədə 19-cu Polis Şöbəsinə məlumat daxil olub.Polis əməkdaşlarının keçirdikləri tədbirlərlə soyğunçuluq əməlində şübhəli bilinən Bakı şəhər sakinləri O.Həsənzadə və C.Pirnəzirli müəyyən olunaraq saxlanılıblar.Araşdırma aparılır. 

Müxtəlif vaxtlarda Binə və Buzovna qəsəbələri ərazisində 7 evdən oğurluq etməkdə şübhəli bilinən Bakı şəhər sakini V.Quliyev saxlanılıb

27.12.2023

Xəzər RPİ 2-ci Polis Şöbəsi əməkdaşlarının keçirdikləri tədbirlərlə müxtəlif vaxtlarda Binə və Buzovna qəsəbələri ərazisində 7 evdən ümumilikdə 1600 manata yaxın pul, 3 ədəd mobil telefon, 2000 manat dəyərində avtomobil ehtiyat hissəsi, 3 ədəd velosiped, dəyəri 700 manatdan çox olan elektrik naqili, həmçinin digər məişət əşyaları, inşaat materialları və təmir alətləri oğurlamaqda şübhəli bilinən Bakı şəhər sakini V.Quliyev saxlanılıb. Araşdırma aparılır. 

Lökbatan qəsəbəsi ərazisində “Khazar” markalı avtomobilin sürücüsünə qarşı quldurluq etməkdə şübhəli bilinən qadın saxlanılıb

27.12.2023

Dekabrın 26-da Lökbatan qəsəbəsi ərazisində “Khazar” markalı avtomobildə olan sərnişinin sürücünü kəsici alətlə hədələyərək pul tələb etməsi barədə polisə məlumat daxil olub. Qaradağ RPİ 10-cu Polis Şöbəsi əməkdaşlarının keçirdikləri tədbirlərlə quldurluq əməlində şübhəli bilinən qadın müəyyən olunaraq saxlanılıb.Araşdırma aparılır. 

Bakı şəhərinə bayram ərəfəsində satmaq məqsədi ilə külli miqdarda narkotik maddələr gətirən şəxs saxlanılıb

27.12.2023

Baş Narkotiklərlə Mübarizə İdarəsinin əməkdaşları tərəfindən Bakı şəhəri Binəqədi rayonu ərazisində keçirilən xüsusi əməliyyat-axtarış tədbiri nəticəsində paytaxt sakini 1993-cü il təvəllüdlü İmamverdi İsgəndərov saxlanılıb. Onun üzərindən və avtomobilindən 24 kiloqram, o cümlədən 13 kiloqram tərkibi psixotrop maddələrlə zənginləşdirilən qurudulmuş marixuana, 7 kiloqram heroin, 4 kiloqram psixotrop maddə metamfetamin aşkar edilərək götürülüb. İ. İsgəndərov narkotikləri tanıdığı İran vətəndaşının tapşırığı ilə Astara rayonu ərazisindən gizlədilən yerdən Bakı şəhərində bayram ərəfəsində ayrı-ayrı şəxslərə çatdırıb pul qazanmaq məqsədi ilə əldə etdiyini bildirib.Faktla bağlı cinayət işi başlanılıb saxlanılan şəxs barəsində həbs qətimkan tədbiri seçilib. Əməliyyat-istintaq tədbirləri davam etdirilir. 

Gün ərzində ölkə ərazisində qeydə alınan 53 cinayətin açılması təmin olunub

26.12.2023

Dekabrın 26-da ölkə ərazisində qeydə alınan 51, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.

Polis əməkdaşları tərəfindən qanunsuz saxlanılan odlu silahların könüllü təhvil verilməsi ilə bağlı profilaktiki tədbirlər davam etdirilir

26.12.2023

Dekabrın 26-da polis əməkdaşları paytaxt və respublikanın ayrı-ayrı rayonlarında 1 ədəd avtomat, 1 ədəd qumbara, 2 alışdırıcı, 2 patron darağı, 596 ədəd müxtəlif çaplı patron və 5 ədəd müxtəlif markalı tüfəng təhvil götürüblər.Polis əməkdaşlarının keçirdikləri əməliyyat tədbirləri ilə 1 ədəd tapança, 3 ədəd müxtəlif markalı tüfəng, 1 patron darağı, 8 ədəd müxtəlif çaplı patron götürülüb.

Saray qəsəbə sakini olan bir nəfərin bank kartından 3516 manat pulunu oğurlamaqda şübhəli bilinən Ağdam rayon sakini Ş.Qaradağlı saxlanılıb

26.12.2023

Saray qəsəbə sakini olan bir nəfərin bank kartından hesabındakı 3516 manat pulunun oğurlanması barədə polisə məlumat daxil olub. Abşeron Rayon Polis İdarəsi əməkdaşlarının keçirdikləri tədbirlərlə oğurluq əməlində şübhəli bilinən Ağdam rayon sakini Ş.Qaradağlı müəyyən olunaraq saxlanılıb.Araşdırma aparılır. 

Salyan rayonunun Xurşud kəndi ərazisində bir nəfərə kəsilmiş-deşilmiş xəsarət yetirməkdə şübhəli bilinən S.Nuriyev saxlanılıb

26.12.2023

Dekabrın 26-da saat 19 radələrində Salyan rayonunun Xurşud kəndi ərazisindən bir nəfərin kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.  Salyan Rayon Polis Şöbəsi əməkdaşlarının keçirdikləri tədbirlərlə bu əməli törətməkdə şübhəli bilinən kənd sakini, əvvəllər məhkum olunmuş S.Nuriyev müəyyən olunaraq saxlanılıb. Salyan Rayon Polis Şöbəsində araşdırma aparılır. 

Paytaxtın Nizami rayonu ərazisində müxtəlif vaxtlarda quldurluq əməllərini törətməkdə şübhəli bilinən Goranboy rayon sakini R.Qasımov saxlanılıb

26.12.2023

Nizami RPİ 24-cü Polis Şöbəsi əməkdaşlarının keçirdikləri tədbirlərlə rayon ərazisində müxtəlif vaxtlarda Bakı şəhər sakini olan bir nəfərin cibində 1500 manat pulu olan gödəkcəsini və 1700 manat dəyərində qızıl üzüyünü, digər bir nəfərin isə 340 manat pulunu quldurluq yolu ilə talamaqda şübhəli bilinən Goranboy rayon sakini 1992-ci il təvəllüdlü R.Qasımov müəyyən olunaraq saxlanılıb.Araşdırma aparılır. 

Gün ərzində ölkə ərazisində qeydə alınan 53 cinayətin açılması təmin olunub

25.12.2023

Dekabrın 25-də ölkə ərazisində qeydə alınan 47, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.