Xırdalan şəhəri ərazisində yolu keçən şəhər sakini Solmaz Əsədova və nəvəsi Y.Əsədov müəyyən edilməyən avtomobillə vurulub

31.10.2022

Oktyabrın 31-də saat 23 radələrində Xırdalan şəhəri ərazisində yolu keçən şəhər sakini Solmaz Əsədova və nəvəsi Y.Əsədov müəyyən edilməyən avtomobillə vurulub. Nəticədə onlar xəstəxanaya yerləşdirilib, S.Əsədova orada ölüb.Abşeron Rayon Polis İdarəsi tərəfindən əməliyyat-axtarış tədbirləri aparılır.

Mingəçevir şəhəri ərazisində “Ford Transit” markalı avtomobillə şəhər sakini Ə.Məhərrəmov vurulub

31.10.2022

Oktyabrın 31-də saat 20 radələrində Mingəçevir şəhəri ərazisində Gəncə şəhər sakini B.Hüseynli idarə etdiyi “Ford Transit” markalı avtomobillə yolu keçən şəhər sakini Əflatun Məhərrəmovu vurub. Nəticədə xəstəxanaya yerləşdirilən piyada ölüb.Mingəçevir Şəhər Polis Şöbəsində araşdırma aparılır.

Yevlax şəhər sakinləri E.Seyidov və R.Musayevdən heroin götürülüb

31.10.2022

Yevlax Rayon Polis Şöbəsi əməkdaşlarının keçirdikləri əməliyyat tədbirləri nəticəsində şəhər sakinləri E.Seyidov və əvvəllər məhkum olunmuş R.Musayev saxlanılıblar. Şəxsi axtarış zamanı onlardan heroin, E.Seyidovun idarə etdiyi “Audi” markalı avtomobilə baxış zamanı isə bıçaq aşkar edilərək götürülüb.

Binəqədi rayonu ərazisindəki evlərin birindən pul oğurlamaqda şübhəli bilinən Ə.İbadzadə saxlanılıb

31.10.2022

Binəqədi RPİ 6-cı Polis Bölməsi əməkdaşlarının keçirdikləri əməliyyat-axtarış  tədbirləri nəticəsində oktyabrın 13-də rayon ərazisindəki evlərin birindən 680 manat və 200 ABŞ dolları oğurlamaqda şübhəli bilinən Astara rayon sakini, əvvəllər məhkum olunmuş Ə.İbadzadə saxlanılıb.Araşdırma aparılır.

Ramana qəsəbəsinin Şuşa şəhərciyindəki evlərin birindən qızıl-zinət əşyaları oğurlamaqda şübhəli bilinən N.İmamquliyev saxlanılıb

31.10.2022

Sabunçu RPİ 12-ci Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 31-də Ramana qəsəbəsinin Şuşa şəhərciyindəki evlərin birindən 7000 manat dəyərində qızıl-zinət əşyaları oğurlamaqda şübhəli bilinən ev sahibəsinin qohumu Yevlax rayon sakini N.İmamquliyev saxlanılıb.Araşdırma aparılır.

Bakı şəhər sakini E.Mehdiyevə məxsus “Niva” markalı avtomobili qaçırmaqda şübhəli bilinən M.Məmmədov avtomobillə birgə saxlanılıb

31.10.2022

Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 28-də R.Rüstəmov küçəsindən Bakı şəhər sakini E.Mehdiyevə məxsus “Niva” markalı avtomobili qaçırmaqda şübhəli bilinən paytaxt sakini M.Məmmədov oktyabrın 28-də H.Əliyev prospektində avtomobillə birgə saxlanılıb.Araşdırma aparılır.

Suraxanı rayonu ərazisindəki mağazaların birindən pul və tütün məmulatı oğurlamaqda şübhəli bilinən M.Bukavadze saxlanılıb

31.10.2022

Suraxanı RPİ 33-cü Polis Bölməsi əməkdaşlarının keçirdikləri əməliyyat-axtarış  tədbirləri nəticəsində oktyabrın 30-da rayon ərazisindəki mağazaların birindən 150 manat pul və 2850 manat dəyərində tütün məmulatı oğurlamaqda şübhəli bilinən Qazax rayon sakini M.Bukavadze saxlanılıb.Araşdırma aparılır.

Sumqayıt şəhəri ərazisindəki marketlərin birindən spirtli və sərinləşdirici içkilər oğurlamaqda şübhəli bilinən E.Əzizli saxlanılıb

31.10.2022

Sumqayıt ŞPİ 5-ci Polis Bölməsi əməkdaşlarının keçirdikləri əməliyyat-axtarış  tədbirləri nəticəsində oktyabrın 10-da şəhər ərazisindəki marketlərin birindən 700 manat dəyərində spirtli  və sərinləşdirici içkilər oğurlamaqda şübhəli bilinən Sumqayıt sakini E.Əzizli saxlanılıb.Araşdırma aparılır.

Şamaxı şəhəri ərazisindəki bazarda rayon sakini N.Kərimovun cibindən pul oğurlamaqda şübhəli bilinən F.Feyzullayev saxlanılıb

31.10.2022

Şamaxı Rayon Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 29-da şəhər ərazisindəki bazarda rayon sakini N.Kərimovun cibindən 3400 manat oğurlamaqda şübhəli bilinən şəhər sakini, əvvəllər məhkum olunmuş F.Feyzullayev saxlanılıb.Araşdırma aparılır.

Masallı rayonu ərazisindəki evlərin birindən pul oğurlamaqda şübhəli bilinən Ə.Quliyev saxlanılıb

31.10.2022

Masallı Rayon Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 28-də rayon ərazisindəki evlərin birindən 3000 manat oğurlamaqda şübhəli bilinən ev sahibinin qohumu, şəhər sakini Ə.Quliyev saxlanılıb.Araşdırma aparılır.