Gəncə şəhərində yaşayan A.Kərimovdan 18 qramdan artıq, yaşadığı evdən isə 8 kiloqram 350 qram marixuana aşkar edilərək götürülmüşdür

09.01.2022

Kəpəz RPİ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Gəncə şəhəri Azərbaycan küçəsində yaşayan, əvvəllər məhkum olunmuş A.Kərimov saxlanılmışdır. Şəxsi axtarış zamanı ondan 18 qramdan artıq, yaşadığı evdən isə 8 kiloqram 350 qram marixuana aşkar edilərək götürülmüşdür.

DİO əməkdaşları tərəfindən narkotik vasitələr və odlu silah aşkar edilərək götürülmüşdür

09.01.2022

Astara RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Pəlikəş kəndi ərazisində kənd sakini C.Hacıağazadə saxlanılmışdır. Şəxsi axtarış zamanı ondan 7 kiloqram 460 qram marixuana aşkar edilərək götürülmüşdür.Ətrafında aparılan tədbirlərlə ona narkotik vasitəni satmaq məqsədilə vermiş qohumu V.Vahabovun yaşadığı evə baxış zamanı oradan 2 kiloqram 230 qram marixuana, qanunsuz saxladığı “TOZ-32” markalı ov tüfəngi, 26 ədəd patron və 1 ədəd patrondaş götürülmüşdür.V.Vahabova narkotik vasitəni satmaq məqsədilə vermiş Züngüləş kənd sakini  T.Məmmədovun yaşadığı evə baxış zamanı isə 1 kiloqram 320 qram marixuana və qanunsuz saxladığı “İJ-58” markalı ov tüfəngi aşkar edilərək götürülmüşdür.

Gün ərzində törədilmiş 39 cinayətin üstü “isti izlər”lə açılmışdır

09.01.2022

Respublikanın daxili işlər orqanları tərəfindən gün ərzində törədilmiş 39 cinayətin üstü “isti izlər”lə açılmışdır.

Qanunsuz saxlanılan silah-sursatla bağlı əməliyyat tədbirləri davam etdirilir

09.01.2022

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 8-də və 9-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 6 ədəd ov tüfəngi götürülüb. Aparılan profilaktiki tədbirlər nəticəsində qanunsuz saxlanılan 2 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

09.01.2022

Yanvarın 8-də və 9-da polis əməkdaşları tərəfindən respublika ərazisində 3 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Bakı şəhərində və respublika ərazisində 617 toy şənliyinin monitorinqi həyata keçirilib

09.01.2022

8-9 yanvar tarixlərində Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 617 toy şənliyinin monitorinqini həyata keçirib.  Monitorinq 611 şadlıq sarayında, 6 şəxsi həyətyanı sahədə keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 8 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub; - 98 nəfər “COVID-19” pasportu olmadığına görə şənliyə buraxılmayıb.  

Gün ərzində törədilmiş 59 cinayətin üstü “isti izlər”lə açılmışdır

08.01.2022

 Respublikanın daxili işlər orqanları tərəfindən gün ərzində törədilmiş 59 cinayətin üstü “isti izlər”lə açılmışdır.

Xaçmaz rayonunun Köhnə Xaçmaz kənd sakini Cavid Mahmudovu qətlə yetirməkdə şübhəli bilinən qohumu N.Mahmudov tutularaq istintaqa cəlb edilmişdir

08.01.2022

Xaçmaz Rayon Polis Şöbəsinə yanvarın 8-də saat 21 radələrində Köhnə Xaçmaz kənd sakini Cavid Mahmudovun odlu silahdan açılan atəşlə xəsarət yetirilməsi barədə məlumat daxil olmuşdur.Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir.Aparılmış ilkin araşdırmalarla zərərçəkmişin qohumu N.Mahmudovun münaqişə zəminində ov tüfəngindən atəş açaraq Cavid Mahmudovu qəsdən öldürməyə cəhd etməsinə əsaslı şübhələr müəyyən edilmişdir. Faktla bağlı Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmışdır. N.Mahmudov şübhəli şəxs qismində tutularaq istintaqa cəlb edilmişdir.Hadisə yerinə baxış zamanı N.Mahmudovun qanunsuz saxladığı nömrəsi silinmiş “İJ” markalı ov tüfəngi götürülmüşdür.Hazırda cinayət işi üzrə zəruri istintaq tədbirləri davam etdirilir. 

Cəlilabad rayonunun Qarazəncir kəndi ərazisində yol-nəqliyyat hadisəsi

08.01.2022

Yanvarın 8-də saat 18 radələrində Cəlilabad rayonunun Qarazəncir kəndi ərazisində Privolnoye kənd sakini Böyükxan Xubalıyev idarə etdiyi “VAZ-21074” markalı avtomobili qarşıda gedən Ağdaş kənd sakini R.Abdullayevin idarə etdiyi “Bomag BW 231 DH-2” markalı asfalt çəkən maşına vurmuşdur. Nəticədə B.Xubaliyev və sərnişini - qardaşı arvadı Yaxşıxanım Muradova xəstəxanaya yerləşdirilmiş və orada ölmüşlər.Baş İstintaq və Təhqiqat İdarəsi tərəfindən araşdırma aparılır.

Beyləqan rayonunun Şərq qəsəbəsi ərazisində yol-nəqliyyat hadisəsi

08.01.2022

Yanvarın 8-də saat 21 radələrində Beyləqan rayonunun Şərq qəsəbəsi ərazisində Xocavənd rayon sakini E.Hüseynov idarə etdiyi “Mercedes” markalı avtomobillə yolu keçən qəsəbə sakini Yeganə Hacıyevanı vurmuş və nəticədə qadın aldığı xəsarətlərdən  hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.