Abşeron rayon sakini, tarix üzrə fəlsəfə doktoru, dosent Elnur Kəlbizadə üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə, o cümlədən xidməti vəzifələrini və peşə fəaliyyətini layiqincə yerinə yetirən Azərbaycan Polisinə  təşəkkürünü bildirir. 

Bakı şəhər sakini Coşqun Abdulov DİN-in “Facebook” səhifəsinə mesaj yazaraq oğurluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Sosial şəbəkə izləyicimiz etdiyi müraciətə dərhal reaksiya verilməsinə və yaşadığı ünvanda neqativ halların aradan qaldırılmasına görə DİN rəhbərliyinə və Qaradağ Rayon Polis İdarəsinin şəxsi heyətinə təşəkkürünü bildirir.

Vətəndaş Səfurə Binnətova ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə DİN rəhbərliyinə və Binəqədi RPİ-nin əməkdaşlarına öz təşəkkürünü bildirir.

Sumqayıt şəhər sakini Günel Sadıqzadə Daxili İşlər Nazirliyinə ünvanladığı məktubunda müraciətinə operativ baxıldığına, qısa müddətdə araşdırılaraq müvafiq tədbirlərin görüldüyünə və pozulmuş hüquqlarının bərpa edildiyinə görə DİN rəhbərliyinə və İAQMBİ-nin əməkdaşlarına minnətdarlığını bildirir.

Ucar rayon sakini Tahir Xəlilov xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştrakına görə DİN rəhbərliyinə və Ucar RPŞ-nin əməkdaşlarına minnətdarlığını bildirir.

Bakı şəhər sakini Sevinc Əskərova Daxili İşlər Nazirliyinə ünvanladığı məktubunda müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Nəsimi RPİ-nin İstintaq Şöbəsinin əməkdaşlarına təşəkkürünü bildirir.

Bakı şəhər sakini Elnora Məmmədova DİN rəhbərliyinə ünvanladığı onlayn müraciətində ona göstərilən köməkliyə görə Azərbaycan Polisinə təşəkkürünü bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Bakı şəhər sakini Ruslan Əliyev DİN-in “Instagram” səhifəsinə təşəkkür mesajı yazıb. O, yol hərəkəti ilə bağlı üzləşdiyi problemlə əlaqədar səhifə vasitəsilə ünvanladığı müraciətinə çevik baxıldığını və araşdırılaraq qısa müddətdə müsbət həll olunduğunu qeyd edərək DİN rəhbərliyinə minnətdarlığlını bildirir.