Naxçıvan şəhər sakini Qəhrəman Əliyev məktubunda yol-nəqliyyat hadisəsi ilə bağlı etdiyi müraciəti üzrə ona müvafiq köməklik göstərildiyini qeyd edir, vətəndaş müraciətlərinə həssas yanaşılmasına görə DİN rəhbərliyinə minnətdarlığını bildirir. 

Şirvan şəhər sakini Günay Həsənova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Azərbaycan polisinə minnətdarlığını bildirir.

Bakı şəhər sakini Ərəstun Dadaşov məktubunda üzləşdiyi problemlə bağlı müraciətinə çevik reaksiya verilərək müsbət həll olunmasına göstərdikləri köməkliyə görə Səbail Rayon Polis İdarəsinin əməkdaşlarına təşəkkürünü bildirir.

Zaqatala rayon sakini Leyla İbisova məktubunda üzləşdiyi problemlə bağlı müraciətinə operativ baxılmasına və ona dəymiş ziyanın tam ödətdirilməsinə göstərdikləri köməkliyə görə Yasamal Rayon Polis İdarəsinin əməkdaşlarına təşəkkürünü bildirir.

Əməkdar artist Lalə Məmmədova məktubunda müraciətinə operativ baxılmasına və aparılan obyektiv araşdırmalara görə DİN-in rəhbərliyinə minnətdarlığını ifadə edir.

Bərdə rayon sakini, şəhid ailəsi olan Kifayət Talıbova məktubunda müraciətinə göstərilən həssaslığa və operativliyə görə DİN rəhbərliyinə minnətdarlığını ifadə edir.

Abşeron rayon sakini İlqar Rəfiyev məktubunda müraciətinə operativ baxılaraq müsbət həll olunmasına göstərdikləri köməkliyə görə Abşeron Rayon Polis İdarəsinin əməkdaşlarına təşəkkürünü bildirir.

Bakı şəhər sakini, Vətən müharibəsi qazisi olan Elnur Bayramovun atası Əli Bayramov DİN-ə ünvanladığı məktubunda Sabunçu Rayon Polis İdarəsinin 12-ci Polis Şöbəsinin əməkdaşları tərəfindən şəhid və qazi ailələrinə, o cümlədən ona yüksək diqqət və qayğı göstərildiyini qeyd edir. O, humanist və qayğıkeşliklərinə görə 12-ci Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Bakı şəhər sakini Südabə Tamazanzadə Daxili İşlər Nazirliyinə təşəkkür məktubu göndərib. O, müraciəti ilə əlaqədar Nəsimi Rayon Polis İdarəsində qəbul edildiyini, obyektiv araşdırma aparılaraq qısa müddətdə müraciətinin müsbət həll olunduğunu bildirir. 
S.Tamazanzadə vətəndaşların nəzakətlə qarşılanaraq dinlənildiyini, müraciətlərinə həssaslıqla yanaşıldığını və polisin vətəndaşların güvən yeri olduğunu qeyd edir, göstərilən diqqət və qayğıya, humanizmə, obyektivliyə, vətəndaş məmnunluğu üçün yaradılan şəraitə görə Daxili İşlər Nazirliyinin rəhbərliyinə təşəkkürlərini bildirir.