Vətəndaş Nərmin Mehdiyeva DİN-in “Instagram” səhifəsinə təşəkkür mesajı yazıb: “Suraxanı Rayon Polis İdarəsinin 32-ci Polis Bölməsinin rəhbərliyi və əməkdaşları, son vaxtlarda baş verən cinayət hadisəsinin tez bir zamanda açılması və cinayətkarın ədalətə təslim edilməsində göstərdiyiniz yüksək peşəkarlığa görə sizə dərin minnətdarlığımızı bildiririk. Sizin yorulmaz əməyiniz və fədakarlığınız sayəsində cəmiyyətimizin təhlükəsizliyi və rifahı qorunur. Sizin öz işinizə olan bağlılığınız və məsuliyyətiniz hər birimizin ürəyində dərin minnətdarlıq hissi doğurur. Gördüyünüz işlərin nəticəsində, biz bir daha inandıq ki, sizin kimi peşəkar və vicdanlı insanlar hüquq mühafizə orqanlarında çalışır. Bu çətin və təhlükəli işdə Sizə uğurlar arzulayır, gələcək fəaliyyətinizdə də belə uğurların davamını diləyirik”.

Vətəndaş Samir Haceliyev DİN-in “Instagram” səhifəsinə təşəkkür mesajı yazıb: “19.05.2024-cü il tarixdə paytaxtın Nərimanov rayonu ərazisində yol-nəqliyyat hadisəsinin iştirakçısı oldum. Hadisə yerində olan polis əməkdaşının peşəkarlığı və vətəndaşlara qarşı göstərdiyi xoş münasibət məni heyran etdi və sevindirdi. Bu səbəbə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığımı bildirirəm. Yaşasın Azərbaycan polisi!”.

Bakı şəhər sakini Qorxmaz Böyükkişiyev DİN-in “Instagram” səhifəsinə ünvanladığı mesajında müraciəti ilə bağlı Xətai Rayon Polis İdarəsinin Dövlət Yol Polisi Şöbəsində yüksək hörmətlə qarşılandığını və ona ətraflı izah verildiyini qeyd edir. Q.Böyükkişiyev ona göstərilən diqqət və qayğıya görə DİN rəhbərliyinə və Xətai Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Xəyal Kazımlı müraciətinin dərhal araşdırılaraq müsbət həll olunmasına görə Azərbaycan polisinə təşəkkürünü bildirir.

Vətəndaş Elyaz Əliyev DİN-in “Instagram” səhifəsinə ünvanladığı mesajında paytaxtın Nərimanov rayonu ərazisində üzləşdiyi yol-nəqliyyat hadisəsi zamanı polis əməkdaşının ona diqqət və qayğı göstərdiyini qeyd edərək DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir.

Bakı şəhər sakini Aynur Abdulova DİN-in “Instagram” səhifəsinə ünvanladığı mesajında üzləşdiyi problemlə bağlı müraciətinə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir.

Vətəndaş Anar Əliyev DİN-in “Facebook” səhifəsinə ünvanladığı mesajında müraciəti ilə bağlı Sabunçu Rayon Polis İdarəsinin 13-cü Polis Bölməsində yüksək hörmətlə qarşılandığını və müraciətinin müsbət həll olunduğunu qeyd edir. O, göstərilən köməkliyə görə DİN rəhbərliyinə və Sabunçu Rayon Polis İdarəsinin əməkdaşlarına təşəkkürünü bildirir.

Bakı şəhər sakini Müşfiq İsrafilov Daxili İşlər Nazirliyinə ünvanladığı məktubunda müraciətinə operativ reaksiya verildiyini qeyd edir. O, Yasamal Rayon Polis İdarəsinin 26-cı Polis Bölməsinə dəvət edildiyini, nəzakətlə qarşılanaraq dinlənildiyini və müraciətinə obyektiv baxıldığını qeyd edir. 
Müşfiq İsrafilov vətəndaş müraciətlərinə həssas yanaşılmasına, göstərilən diqqətə və operativliyə görə DİN rəhbərliyinə təşəkkürünü bildirir.

Bakı şəhər sakini Abbas Bayramov məktubunda üzləşdiyi mənimsəmə faktı ilə bağlı Daxili İşlər Nazirliyinə etdiyi müraciətinə operativ baxıldığını, araşdırma aparılaraq məsələyə hüquqi qiymət verildiyini və dəymiş maddi ziyanın ona ödətdirildiyini qeyd edir. O, operativliyə, obyektiv araşdırmalara və maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.