Bakı şəhər sakini İlkin Aslanov DİN Mətbuat Xidmətinə daxil olan  təşəkkür məktubunda dələduzluğa məruz qalması ilə əlaqədar etdiyi müraciətə çevik reaksiya verilməsinə və göstərilən köməkliyə görə  Xəzər  Rayon Polis İdarəsinin şəxsi heyətinə təşəkkürünü bildirir.

Siyəzən rayon sakini, İkinci Qarabağ Müharibəsi iştirakçısı olan qazi Elçin Məmmədov DİN rəhbərliyinə ünvanladığı təşəkkür məktubunda dələduzluğa məruz qalması ilə əlaqədar etdiyi müraciətə çevik reaksiya verilməsinə və ona dəymiş ziyanın ödətdirilməsində göstərilən köməkliyə görə  Nəsimi  Rayon Polis İdarəsinin şəxsi heyətinə təşəkkürünü bildirir.

Bakı şəhər sakini Fateh Həsənzadə DİN rəhbərliyinə ünvanladığı təşəkkür məktubunda yazır: “Mənə düşən əmək haqqımı almaq üçün köhnə iş yerimə gəlmişdim. Ofisdə bildirdim ki, pulum ödənənə qədər buradan çıxıb getməyəcəyəm.  Orada mənə böhtan ataraq polislə hədələdilər. Halbuki mən heç bir qayda pozuntusuna yol vermədən sakitcə fikrimi  bildirib əməkhaqqımın verilməsini gözləyirdim. Böhtan atıldığı təqdirdə DİN-nin 102 Mərkəzi-Zəng Xidmətinə müraciət edib şikayətimi bildirdim. Qısa müddətdə ofisə Nəsimi RPİ-nin 22-ci  Polis Şöbəsinin əməkdaşları gələrək məsələyə aydınlıq gətirdi. Mənə məxsus əməkhaqqım ödənildi. Müraciətimə çevik reaksiya verilməsinə və mənə göstərilən köməkliyə görə Nəsimi Rayon Polis İdarəsinin şəxsi heyətinə minnətdarlığımı bildirirəm”.

İnstagram izləyicisi DİN rəhbərliyinə ünvanladığı məktubunda xidməti və vəzifə borclarını layiqincə yerinə yetirdiklərinə, asayişin təmin olunmasında fəal iştirakına görə Xətai Rayon Polis İdarəsinin şəxsi heyətinə minnətdarlığını ifadə edir.

Sosial şəbəkə izləyicisi DİN rəhbərliyinə ünvanladığı təşəkkür məktubunda etdiyi müraciətə operativ baxılmasına və probleminin tez bir zamanda aradan qaldırılmasına görə Baş Dövlət Yol Polisi İdarəsinin şəxsi heyətinə təşəkkürünü bildirir.

Bakı şəhər sakini İbrahim İbrahimov DİN-ə ünvanladığı təşəkkür məktubunda etdiyi müraciətə operativ baxılmasına, göstərilən diqqətə və səmimi qəbula görə Nizami RPİ-nin 25-ci Polis Bölməsinin şəxsi heyətinə təşəkkürünü bildirir.

Sosial şəbəkə izləyicisi Cəlalə Mənsimova DİN-ə ünvanladığı təşəkkür məktubunda etdiyi müraciətə operativ baxılmasına, göstərilən diqqətə görə  təşəkkürünü bildirir.

Xaçmaz rayon sakini Nailə Rüstəmli DİN-ə ünvanladığı təşəkkür məktubunda qonşusunun küçə heyvanlarıyla rəhmsiz rəftarıyla bağlı etdiyi müraciətə operativ baxılmasına və problemin aradan qaldırılmasında göstərilən köməkliyə görə  təşəkkürünü bildirir.

Bakı şəhər sakini Pərvin Mansırov DİN-in “Instagram” səhifəsinə təşəkkür mesajı yazıb. O, səhifə vasitəsilə ünvanladığı müraciətinə çevik reaksiya verildiyini, Sabunçu RPİ-nin Dövlət Yol Polisi Şöbəsində qəbul edilərək dinlənildiyini, araşdırma aparılaraq qısa müddətdə müraciətinin müsbət həll olunduğunu qeyd edir.  
P.Mansurov müraciətinə operativ baxılmasına və obyektiv araşdırmalara görə DİN rəhbərliyinə və Sabunçu RPİ-nin Dövlət Yol Polisi Şöbəsinin əməkdaşlarına təşəkkürünü bildirir.