Salyan rayon sakini Rəşad Babayev Zabrat qəsəbəsində yerləşən Avtomobillərin Müayinə Mərkəzində vətəndaşlara göstərilən operativ xidmətə, eləcə də diqqət və qayğıya görə Azərbaycan Polisinə minnətdarlığını yazır.

Xalid Alakbarov adlı sosial şəbəkə istifadəçisi bugünlərdə səhər saat 08:20 radələrində Bakı şəhəri, Təbriz küçəsində işıqforun işləməməsi səbəbindən böyük tıxacın yarandığını, hətta iki Təcili Tibbi Yardım avtomobilinin də hərəkət edə bilmədiyini yazır. Həmin vaxt orada olan, əvvəllər tanıdığı DİN-in Mətbuat Xidmətinin rəis müavini, polis polkovnik-leytenantı Hafiz Təmirovun xidməti avtomobilindən düşərək hərəkəti tənzimlədiyinin, tıxacın aradan qaldırılmasında fədakarlıq göstərdiyinin şahidi olub. Bununla əlaqədar Azərbaycan Polisinə təşəkkürünü bildirir. 

Bakı şəhər sakini Nigar Atabəyli üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarların tutulmasında, eləcə də ona dəymiş maddi ziyanın ödətdirilməsində göstərdikləri köməkliyə görə Xəzər RPİ-nin rəhbərliyinə və əməkdaşlarına minnətdarlığını ifadə edir.

Farid Mehdibəyov adlı sosial şəbəkə istifadəçisi içərisində pul, bank kartları, şəxsiyyət vəsiqəsi və digər vacib sənədləri olan pulqabını itirməsi ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, eləcə də ona qaytarılmasında göstərdikləri köməkliyə görə Bakı Şəhər Baş Polis İdarəsinin rəhbərliyinə və şəxsi heyətinə təşəkkürünü yazır. 

Bakı şəhər sakini Həsrət Eyyubov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Quba RPŞ Dövlət Yol Polisi Bölməsinin rəhbərliyinə və əməkdaşlarına minnətdarlığını bildirir. 

Bakı şəhər sakini Eldəniz İbrahimov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Nəsimi RPİ Dövlət Yol Polisi Şöbəsinin rəhbərliyinə və əməkdaşlarına təşəkkürünü ifadə edir. 

Bakı şəhər sakini Ceyhun Məmmədzadə DİN-in “Instagram” səhifəsinə yazdığı mesajında afçarka cinsli itinin oğurlanması ilə bağlı Binəqədi RPİ-nin 5-ci Polis Bölməsinə müraciət etdiyini bildirir. O, polis əməkdaşlarının keçirdikləri əməliyyat tədbirləri nəticəsində oğurluğu törədənlərin qısa müddətdə müəyyən edilərək saxlanıldığını qeyd edir.
C.Məmmədzadə vətəndaş müraciətlərinə diqqətlə yanaşılmasına və operativliyə görə DİN rəhbərliyinə və 5-ci Polis Bölməsinin əməkdaşlarına təşəkkürünü bildirir.

Bakı şəhər sakini Famil Soltanov DİN-in “Instagram” səhifəsinə yazdığı mesajında moped alqı-satqısı zamanı aldadılması ilə bağlı müraciəti ilə əlaqədar Xətai Rayon Polis İdarəsinə dəvət edildiyini, hüquq və vəzifələrinin ona izah olunduğunu və müvafiq araşdırmalara başlanıldığını qeyd edir. O, müraciətinə diqqətlə yanaşılmasına və aparılan obyektiv araşdırmaya görə DİN rəhbərliyinə təşəkkürünü bildirir. 

Bakı şəhər sakini Leyla Seyidəliyeva məktubunda Nərimanov RPİ 17-ci Polis Şöbəsinin əməkdaşlarının onun atası, alsqeymur xəstəsi olan 85 yaşlı atasına evini tapmaqda köməklik göstərdiyini və onu ünvanına gətirdiklərini qeyd edir. O, humanistliyə, göstərilən diqqətə, qayğıya və köməkliyə görə 17-ci Polis Şöbəsinin əməkdaşlarına minnətdarlığını bildirir.