Qusar şəhər sakini Mehriban Mamaliyeva məktubunda üzləşdiyi problemlə bağlı DİN-ə etdiyi müraciətlə əlaqədar Qusar Rayon Polis Şöbəsinə dəvət edildiyini, nəzakətlə qarşılanaraq dinlənildiyini və müraciətinin müsbət həll olunduğunu yazır. O, vətəndaş müraciətlərinə həssas yanaşılmasına, göstərilən diqqət və qayğıya, nəzakətli davranışa görə Qusar RPŞ-nin əməkdaşlarına təşəkkürünü bildirir.

Lənkəran rayonunun Şilavar kənd sakini Emin Cəfərov öz təşəkkür məktubunda Vətən müharibəsi iştirakçısı olan oğlunun Daxili işlər orqanlarında xidmətə qəbul olunmasına görə DİN rəhbərliyinə minnətdarlığını ifadə edir.

Masallı şəhər sakini Spartak Nadirov DİN rəhbərliyinə ünvanladığı təşəkkür məktubunda cinayətkarlığa və narkotik vasitələrin qanunsuz dövriyyəsinə qarşı aparılan qətiyyətli mübarizəyə görə Rayon Polis Şöbəsinin rəhbərliyinə minnətdarlığını bildirir.

Ağdam rayonunun Qaradağlı kənd sakini Cəmaləddin Mirzəyev DİN rəhbərliyinə ünvanladığı məktubunda BDYPİ-yə bilavasitə tabe olan Ağcabədi regional qeydiyyat-imtahan və texniki baxış şöbəsinin fəaliyyətindən razılıq edir və əməkdaşlarına minnətdarlığını bildirir.

Kəlbəcər rayon sakini Elnarə Abbasova Daxili İşlər Nazirliyinə ünvanladığı məktubunda övladının Azərbaycan Polisi sıralarında xidmətə qəbul edildiyini qeyd edərək onun xidməti vəzifələrini layiqincə yerinə yetirəcəyinə, göstərilən etimadı doğruldacağına əminliyini ifadə edir. Eyni zamanda daxili işlər orqanlarında gənc əməkdaşlara göstərilən diqqət və qayğıya görə DİN rəhbərliyinə təşəkkürünü bildirir.

Astara rayonunun Siyakü kənd sakini Ağahüseyn Qurbanov öz təşəkkür məktubunda etdiyi müraciətə çevik reaksiya verilməsinə və ona köməklik göstərilməsinə görə DİN rəhbərliyinə təşəkkürünü bildirir.

Masallı rayon sakini Sərraf Məmmədov öz təşəkkür məktubunda müraciətinin müsbət həllini tapmasına və ona köməklik göstərilməsinə görə DİN rəhbərliyinə minnətdarlığını bildirir.

Bakı şəhər sakini Rafael Məmmədov Daxili İşlər Nazirliyinə ünvanladığı məktubunda pul borcu ilə bağlı üzləşdiyi problemlə əlaqədar etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Bakı şəhər sakini Mehdi Quliyev Daxili İşlər Nazirliyinə ünvanladığı məktubunda müraciətinə operativ baxıldığını və Xəzər RPİ-də obyektiv araşdırılaraq qısa müddətdə müsbət həll olunduğunu bildirir. O, müraciətinə həssas yanaşıldığına və göstərilən köməkliyə görə DİN rəhbərliyinə və Xəzər RPİ-nin əməkdaşlarına minnətdarlığını bildirir.