Bakı şəhər sakini Rəfiqə Əsədova DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı səhifə vasitəsilə etdiyi müraciətinə operativ reaksiya verildiyini, 29-cu Polis Şöbəsində araşdırma aparılaraq qısa müddətdə müraciətinin müsbət həll edildiyini qeyd edir. R.ƏSədova operativliyə, göstərilən diqqətə və obyektiv araşdırmalara görə DİN rəhbərliyinə və 29-cu Polis Şöbəsinin əməkdaşlarına təşəkkürünü bildirir.

İmişli rayon sakini Orxan Məmmədov məktubunda ictimai asayişi ayıq-sayıq qoruyan, cinayətkarlıqla qətiyyətli mübarizə aparan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.

Sumqayıt şəhər sakini Mirfariz Həsənzadə DİN-in “Instagram” səhifəsinə təşəkkür mesajı yazıb. O, səhifə vasitəsilə etdiyi müraciətinə operativ reaksiya verildiyini, araşdırma aparılaraq qısa müddətdə müraciətinin müsbət həll edildiyini qeyd edərək DİN rəhbərliyinə təşəkkürünü bildirir. 

Mingəçevir şəhər sakini Vaqif Hüseynov məktubunda qohumunun avtomobilinin qeydiyyatı üçün Baş Dövlət Yol Polisi İdarəsinin Yevlax şəhərindəki rayonlararası qeydiyyat-imtahan və texniki baxış şöbəsinə getdiklərini, qısa müddətdə və rahatlıqla avtomobilin qeydiyyata alındığını bildirir. 
O, polis əməkdaşlarının xoş rəftar və nəzakətli davranışılarını, göstərdikləri diqqət və qayğını qeyd edir, vətəndaşların rahatlığı üçün yaradılan şəraitə və göstərilən xidmətə görə Yevlax rayonlararası qeydiyyat-imtahan və texniki baxış şöbəsinin əməkdaşlarına təşəkkürünü bildirir. 

Saatlı rayon sakini Rasim Alışov müraciətinə həssas yanaşıldığına və obyektiv araşdırıldığına görə DİN rəhbərliyinə və Saatlı RPŞ-nin əməkdaşlarına minnətdarlığını bildirir. 

DQ-nin sabiq əməkdaşı, Vətən Müharibəsi iştirakçısı olan Cavid Həsənov DİN-ə ünvanladığı təşəkkür məktubunda xidməti vəzifələrini layiqincə yerinə yetirdiyinə, qazi və müharibə iştirakçılarına göstərilən diqqət və qayğıya görə DİN və Zərdab Rayon Polis Şöbəsinin rəhbərliyindən razılığını ifadə edir, minnətdarlığını bildirir.

Ucar rayon sakini, "Dəmir Yumruq" Qadınlar Cəmiyyətinin üzvü Zümrüd Xəlilova DİN-ə ünvanladığı məktubunda şəhid və qazi ailələrinə göstərilən diqqət və qayğıya görə başda DİN rəhbərliyi olmaqla, Ucar Rayon Polis Şöbəsinin rəhbərliyinə və əməkdaşlarına minnətdarlığını bildirir.

Bir qrup Laçın və Kəlbəcər rayon sakini onlara məxsus mal-qaranı oğurlayan şəxsin tutularaq məsuliyyətə cəlb edilməsinə və dəymiş maddi ziyanın ödətdirilməsinə görə DİN rəhbərliyinə minnətdarlıqlarını bildirirlər.

Ağdam rayon sakini Sürəyya Hacıyeva təşəkkür məktubunda müraciətinin müsbət həll edilməsinə görə, Şəki ŞRPŞ-nin əməkdaşlarına minnətdarlığını bildirir.