DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Bakı şəhər sakini, jurnalist olan Ramin Qurban DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə operativ baxıldığını və 28-ci Polis Bölməsinə dəvət olunaraq obyektiv araşdırıldığını qeyd edərək DİN rəhbərliyinə və Azərbaycan polisinə təşəkkürünü bildirir. 

Vətəndaş Rövşən Kazımov DİN-in “İnstagram” səhifəsinə mesaj yazaraq bağ evində baş vermiş oğurluq hadisəsi ilə bağlı müraciətinə operativ baxıldığına, polis əməkdaşlarının operativliyi sayəsində qısa müddətdə bu cinayət əməlini törədən şəxsin saxlanıldığına görə DİN rəhbərliyinə və Binəqədi RPİ 43-cü Polis Bölməsinin əməkdaşlarına təşəkkürünü bildirir.

Şirvan şəhər sakini Elçin Mehtiyev Daxili İşlər Nazirliyinə ünvanladığı məktubunda xidməti vəzifələrini və peşə fəaliyyətini layiqincə yerinə yetirdiklərinə görə Şirvan ŞPŞ-nin rəhbərliyinə və əməkdaşlarına təşəkkürünü bildirir.

Böyük Britaniya vətəndaşı, London şəhər Metropolitenin polis əməkdaşı Freddi Fitçes Azərbaycan Respublikası Daxili İşlər Nazirliyinin strukturu, xidməti fəaliyyəti ilə yaxından tanış olmaq istəyini bildirmişdir. Etdiyi müraciətə həssaslıqla yanaşılaraq tanışlıq üçün yaradılan şəraitə, göstərdikləri köməkliyə, eləcə də diqqət və qayğıya görə Azərbaycan Polisinə minnətdarlığını bildirir.

Bakı şəhər sakini Elnarə Kazımova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Sabunçu RPİ-nin rəhbərliyinə və əməkdaşlarına təşəkkürünü ifadə edir. 

Türkiyə Respublikasının vətəndaşı Yaşar Savaş üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Bakı şəhər BPİ-nin rəhbərliyinə və şəxsi heyətinə minnətdarlığını yazır.

Bakı şəhər sakini, vəkil Elçin Sadıqov avtomobilinin qeydiyyatı ilə əlaqədar etdiyi müraciətə həssaslıqla yanaşılaraq müsbət həll olunması istiqamətində göstərdikləri köməkliyə görə Baş Dövlət Yol Polisi İdarəsinin rəhbərliyinə və əməkdaşlarına təşəkkürünü bildirir.

yeraz3979 adlı sosial şəbəkə istifadəçisi üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Suraxanı RPİ 32-ci Polis Bölməsinin rəhbərliyinə və əməkdaşlarına minnətdarlığını ifadə edir.

Gəncə şəhər sakini İlkin Hüseynov etdiyi müraciətin müsbət həllini tapmasına görə Gəncə şəhər Baş Polis İdarəsinin  əməkdaşlarına minnətdarlığını bildirir.