DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Ağstafa rayon sakini Mahir Yusubov şikayətinin təmin edilməsinə və onunla səmimi münasibətə, xoş ünsiyyətə görə RPŞ-nin rəhbərliyinə minnətdarlığını ifadə edir.

Yardımlı Rayon Veteranlar Şurasının sədri Hüseyn Vəliyev RPŞ rəhbərliyinin Qarabağ döyüşlərinin veteranlarına, şəhid ailələrinə göstərdiyi diqqət və qayğıdan, həmçinin narkomaniya ilə mübarizədə bu gün öz effektini verən maarfləndirmə tədbirlərinin mütəmadi olaraq keçirilməsindən razılığını bildirir, bu çətin və məsuliyyətli işdə həmkarlarımıza uğurlar arzulayır.

Astaradan Məmməd Məmmədov, Bərdə şəhərindən Zahid Mikayılov və Masallıdan Məmmədağa Şiriyev polisin fəaiyyətindən razılıq edirlər.

“Xəstəlik səbəbimdən nəvəmlə birlikdə Mingəçevirdə yaşayan oğlum Fərmangilə gəlirdim. Yolda şəhərin girəcəyində maşın xarab oldu, köməksiz vəziyyətdə qaldıq. Onda gördüm ki, bir yol polisi maşını bizə yaxınlaşdı. Mənim vəziyyətimi görüb ilkin tibbi yardım göstərdi, su gətirdi. Hətta usta çağırıb maşının nasazlığını da aradan qaldırmağa kömək etdi. Düz mənziləcən bizi ötürdü. Sonradan həmin polisin adını mənə dedilər. Hüseynov Cəlal Kərəm oğlu. Allah belə polislərimizi qorusun. Onlar bizim dadımıza çatır, Allah da onların köməyi olsun.”… Bu fikirlər Gədəbəy rayon sakini 85 yaşlı Sənubər Hüseynovanın DİN-ə ünvanladığı təşəkkür məktubundandır.

Hacıqabul rayonundan bir qrup sakini narkotiklərin qanunsuz dövriyyəsi ilə məşğul olan şəxslərin tutularaq qanuna təslim edilməsinə, rayonun mıəktəblərində mütəmadi olaraq maarifləndirmə tədbirlərinin keçirilməsinə görə RPŞ-nin rəhbərliyinə və şəxsi heyətinə minnətdarlıq edirlər.

Bakı şəhər sakini, Qarabağ əlili, sahibkar Rahil Məlikov Abşeron RPİ-nin şəxsi heyətinin nümunəvi nizam-intizamından, üzərlərinə düşən vəzifələrin öhdəsindən layiqincə və bacarıqla gəldiklərindən məmnun olduğunu yazır və həmkarlarımıza uğurlar arzulayır.

Bakı şəhər sakini Kamran Musayev DİN rəhbərliyinə ünvanladığı təşəkkür teleqramında ona göstərilən köməkliyə görə Səbail RPİ-nin Şəxsi Heyətlə İş üzrə köməkçisi Emil Cavadova minnətdarlığını bildirir.

Saatlı rayon sakini Yurdçu İsgəndərov DİN rəhbərliyinə ünvanladığı minnətdarlıq məktubunda Saatlı Rayon Polis Şöbəsinin əməkdaşlarından razılıq edir və təşəkkürünü bildirir.

Cəlilabad rayon sakini Ə.X.Əsədov DİN rəhbərliyinə ünvanladığı təşəkkür məktubunda rayonda baş vermiş cinayətin üstünün isti izlərlə açılması və təqsirləndirilən şəxslərin vaxtında məsuliyyətə cəlb olunmasına görə Cəlilabad RPŞ-nin rəhbərliyinə minnətdarlığını bildirir.