Gəncə şəhər sakini Şöhrət Həsənov DİN rəhbərliyinə ünvanladığı təşəkkür məktubunda müraciətinin obyektiv şəkildə araşdırıldığına görə minnətdarlığını bildirir.

“Qarabağ Əlillərinə Qayğı” İctimai Birliyinin Qazax rayon Filialının üzvləri DİN rəhbərliyinə ünvanladıqları təşəkkür məktubunda xüsusi karantin rejimi ilə əlaqədar gecə-gündüz yorulmadan xidmət aparan Qazax rayon Polis Şöbəsinin əməkdaşlarından razılıqlarını bildirirlər.

Gəncə şəhər sakini, Ramin Qəhrəmanov təşəkkür məktubunda cari ilin oktyabr ayının 17-də erməni silahlı birləşmələrinin Gəncə şəhərini raket atəşinə tutması nəticəsində dağıntılar altından yaralı və şəhid olan mülki əhalinin çıxarılmasında göstərdiyi köməkliyə görə Azərbaycan Polisinə təşəkkürünü bildirir.

Bakı şəhər sakini Məharət Hüseynov 28.11.2020-ci il tarixində Bakı Sumqayıt şossesində idarə etdiyi avtomobillə avtoxuliqanlıq edən şəxs barədə etdiyi müraciətə çevik reaksiya verdiyi və yolda təhlükəli manevrlər edən şəxs barədə qanunvericiliyin tələblərinə uyğun olaraq dərhal tədbir görüldüyü üçün DİO əməkdaşlarına təşəkkürünü bildirir.

DİN-in “Facebook” səhifəsinin izləyicisi Nahid Jamalli qarşılaşdığı dələduzluq faktı ilə bağlı etdiyi müraciətə həssas və operativ yanaşıldığı üçün DİO əməkdaşlarına öz minnətdarlığını bildirir.

Abşeron rayonunda yaşayan Rəşad Əhmədzadə qarşılaşdığı oğurluq hadisəsi ilə bağlı etdiyi müraciətə operativ və həssas yanaşıldığı üçün Abşeron RPİ və DİO əməkdaşlarına dərin təşəkkürünü bildirir.

DİN-in “Facebook” səhifəsinin izləyicisi Xəyal Məmmədov səhifə vasitəsilə etdiyi müraciətin müsbət həll olunduğuna və ona dəymiş maddi ziyanın ödətdirildiyinə görə DİN rəhbərliyinə və Bakı ŞBPİ-nin şəxsi heyətinə minnətdarlığını bildirir.

DİN-in “Facebook” səhifəsinin daha bir izləyicisi Vüsal Lalayev telefonunun oğurlanması faktı ilə əlaqədar səhifə vasitəsilə ünvanladığı müraciətə operativ baxıldığına, oğurluğu törədən şəxslərin saxlanıldığına və dəymiş ziyanın ödətdirildiyinə görə DİN rəhbərliyinə və Binəqədi RPİ-nin 43-cü Polis Bölməsinin əməkdaşlarına minnətdarlıq edir.

DİN-in “İnstagram” səhifəsinin izləyicisi Elşən Qoşqarlı səhifəmizə yazaraq sosial şəbəkə vəsitəsilə dərman sifariş etdiyini və dələduzluqla üzləşdiyini bildirib. Vətəndaş səhifəmizə yenidən yazaraq müraciətinə baxıldığına, dələduzluğu törətməkdə şübhəli bilinən şəxslərin müəyyən edilərək saxlanıldığına görə DİN rəhbərliyinə təşəkkür edir.