Bakı şəhərində yaşayan T.Hüseynov məktubunda Azərbaycan polisinə təşəkkürünü bildirir. O, cari ilin yanvar ayında azyaşlı övladına qarşı qeyri-etik hərəkətlər etməkdə şübhəli bilinən şəxsin Nərimanov Rayon Polis İdarəsi əməkdaşlarının operativliyi sayəsində saxlanılaraq məsuliyyətə cəlb olunduğunu qeyd edir.
T.Hüseynov operativliyə və həyata keçirilən tədbirlərə görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir, çətin və şərəfli xidmətində uğurlar arzulayır.

Vətəndaş Yaqub Həsənov “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, paytaxtın Yasamal rayonu ərazisində işıqforda yaranan nasazlıqla bağlı müraciətinə Baş Dövlət Yol Polisi İdarəsi tərəfindən dərhal reaksiya verildiyini və qısa müddətdə həmin nasazlığın aradan qaldırıldığını qeyd edir. 
Y.Həsənov müraciətlərə və yol hərəkətinin təşkili ilə bağlı ictimailəşdirilən mesajlara operativ reaksiya verilməsinə, həmçinin avtomobil yollarında təhlükəsizliyin təmin olunmasına görə DİN rəhbərliyinə və Baş Dövlət Yol Polisi İdarəsinin əməkdaşlarına minnətdarlığını bildirir. 

Lənkəran şəhər sakini Aysel Məmmədova DİN-in “Instagram” səhifəsinə təşəkkür mesajı yazıb. O, müraciətinə operativ baxıldığına, obyektiv araşdırılaraq müsbət həll edildiyinə görə DİN rəhbərliyinə minnətdarlığını bildirir.

Bakı şəhər sakini Nübar Ələsgərova Daxili İşlər Nazirliyinə təşəkkür məktubu ünvanlayıb. O, üzləşdiyi problemlə bağlı etdiyi müraciətə operativ baxıldığını, Sabunçu RPİ 12-ci Polis Bölməsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. 
N.Ələsgərova vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə və Sabunçu RPİ 12-ci Polis Bölməsinin əməkdaşlarına minnətdarlığını bildirir.

Vətəndaş Nərmin İbrahimova vətəndaş məmnunluğunun təmin edilməsi, polis-vətəndaş münasibətlərinin yaxşılaşdırılması istiqamətində həyata keçirilən tədbirlərə, eyni zamanda vətəndaş müraciətlərinə operativ reaksiya verilərək müsbət həll olunmasına görə DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Niyaz Süleymanov Daxili İşlər Nazirliyinə ünvanladığı məktubunda gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.  

Vətəndaş Aysel İsgəndərova sosial neqativ halların qarşısının alınması və narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə, eyni zamanda müraciətlərə çevik reaksiya verilməsinə və operativliyə görə DİN rəhbərliyinə və Azərbaycan polisinə minnətdarlığını bildirir.

Vətəndaş Azər Nəsirov Daxili İşlər Nazirliyinə ünvanladığı məktubunda narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir, gecə-gündüz yorulmadan xidmət aparan, ictimai asayişi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Şahin İbrahimov hətta polisin səlahiyyətinə aid olmasa belə, vətəndaş məmnunluğu üçün müraciətlərə həssas yanaşılmasına, göstərilən humanistliyə və qayğıya görə DİN rəhbərliyinə təşəkkürünü bildirir.