Vətəndaş Nurlan Abdulbağızadə DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində obyektiv araşdırma aparıldığını, müraciətinin müsbət həll olunduğunu və dəymiş maddi ziyanın ödətdirildiyini bildirir. 
N.Abdulbağızadə vətəndaş müraciətlərinə həssas yanaşılmasına görə DİN rəhbərliyinə, obyektivliyə və operativliyə görə Nərimanov RPİ-nin əməkdaşlarına təşəkkür edir.

Vətəndaş Əfsanə İslamlı DİN-in “Instagram” səhifəsinə yazdığı mesajında mobil telefonunun itməsi ilə bağlı Yasamal Rayon Polis İdarəsinin 29-cu Polis Şöbəsinə müraciət etdiyini və görülmüş tədbirlərlə telefonun qısa müddətdə tapılaraq ona təhvil verildiyini bildirir. O, operativliyə və göstərilən köməkliyə görə Yasamal RPİ-nin əməkdaşlarına təşəkkür edir.

İstefada olan hərbçi Araz Səmədov məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini və səhhətində yaranmış problemi ilə bağlı müraciəti üzrə verilmiş tapşırıqlar əsasında DİN-in A.Heydərov adına Respublika Hospitalında müalicə aldığını yazır. 
Orada həkimlərin bütün xəstələrə xüsusi  diqqət və qayğı ilə yanaşdığını qeyd edən A.Səmədov yaradılan bu şəraitə və göstərilən köməkliyə görə DİN rəhbərliyinə və A.Heydərov adına Respublika Hospitalının əməkdaşlarına təşəkkürünü bildirir, çətin və şərəfli xidmətlərində uğurlar arzulayır. 

Göyçay rayon sakini Elnur Babayev məktubunda Daxili İşlər Nazirliyinə ünvanladığı müraciəti üzrə obyektiv araşdırma aparıldığını və müraciətinin müsbət həll olunduğunu yazır. O, vətəndaş müraciətlərinə, o cümlədən onun müraciətinə həssas yanaşılmasına görə DİN rəhbərliyinə təşəkkürünü bildirir.

Vətən müharibəsi qazisi Vüsal Bayramov məktubunda şəhid və qazi ailələrinə, Vətən müharibəsi iştirakçılarına, o cümlədən ona göstərilən yüksək diqqət və qayğıya görə özü və ailəsinin adından DİN rəhbərliyinə təşəkkürünü bildirir, çətin və şərəfli xidmətlərində uğurlar arzulayır.

Vətəndaş Taleh Bağırov məktubunda Daxili İşlər Nazirliyinə ünvanladığı müraciətinin obyektiv araşdırılaraq müsbət həll olunduğunu yazır. O, vətəndaş müraciətlərinə həssas yanaşılmasına görə DİN rəhbərliyinə, operativliyə və göstərilən köməkliyə görə DİN-in Mətbuat Xidmətinin əməkdaşlarına təşəkkür edir.

Naxçıvan sakini Kərim Məmmədov DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı Naxçıvan Şəhər Polis İdarəsində aparılan araşdırmanın nəticəsindən razı qaldığını bildirir. 
K.Məmmədov obyektiv araşdırmalara görə Azərbaycan Respublikası və Naxçıvan Muxtar Respublikası Daxili İşlər nazirliklərinin rəhbərliklərinə, göstərilən köməklik üçün Naxçıvan ŞPİ-nin əməkdaşlarına təşəkkür edir.

Ordubad rayon sakini Elçin Həsənov teleqramında üzləşdiyi problemlə bağlı Ordubad Rayon Polis Şöbəsinə etdiyi müraciəti üzrə aparılan obyektiv araşdırma nəticəsində müraciətinin müsbət həll olunduğunu yazır. O, vətəndaş müraciətlərinə, o cümlədən onun müraciətinə həssas yanaşılmasına görə DİN rəhbərliyinə təşəkkürünü bildirir.

Vətəndaş Əmrah Qulamhüseynli DİN-in sosial şəbəkə hesabına təşəkkür mesajı yazıb. O, bir müddət əvvəl üzləşdiyi yol-nəqliyyat hadisəsi ilə əlaqədar etdiyi müraciətinə operativ baxıldığını, Nəsimi Rayon Polis İdarəsinin əməkdaşları tərəfindən ona hüquqları izah edilməklə müvafiq köməklik göstərildiyini və məsələnin qısa müddətdə müsbət həll olunduğunu qeyd edir.