Bakı şəhər sakini Sərxan Kərimov DİN-in “Instagram” səhifəsinə təşəkkür mesajı yazıb. O, Nərimanov Rayon Polis İdarəsinin 16-cı Polis Şöbəsinə etdiyi müraciətinə operativ baxıldığını, polis əməkdaşları tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. S.Kərimov müraciətinə həssaslıqla yanaşılmasına və həyata keçirilən operativ tədbirlərə görə DİN-in rəhbərliyinə və 16-cı Polis Şöbəsinin əməkdaşlarına təşəkkürünü bildirir. 

Vətəndaş Samirə Novruzova Daxili İşlər Nazirliyinə ünvanladığı mesajında qeydiyyatla bağlı Səbail Rayon Polis İdarəsinə müraciət etdiyini və qısa müddətdə müraciətinin müsbət həll olunduğunu yazıb. O, müraciətinə diqqətlə yanaşılmasına və göstərilən köməkliyə görə Səbail RPİ-nin əməkdaşlarına minnətdarlığını bildirir.

Binəqədi rayonu ərazisində yaşayan Mirqəzənfər Əliyev DİN-in “Instagram” səhifəsinə təşəkkür mesajı yazıb. O, üzləşdiyi problemlə əlaqədar polisə müraciət etdiyini, polisin səlahiyyətinə aid olmasa belə, müraciətinə çevik reaksiya verildiyini və Binəqədi Rayon Polis İdarəsinin 43-cü Polis Bölməsinin əməkdaşları tərəfindən dərhal lazımi köməklik göstərildiyini qeyd edir.
M.Əliyev polisin həmişə güvən yeri olduğunu bildirir, göstərilən diqqətə, qayğıya və humanistliyə görə DİN rəhbərliyinə və Binəqədi RPİ-nin 43-cü Polis Bölməsinin əməkdaşlarına minnətdarlığını bildirir. 

Vətəndaş Güllər Bəhrəmova DİN-in “Instagram” səhifəsinə mesajında müraciəti üzrə Abşeron Rayon Polis İdarəsinin əməkdaşları tərəfindən operativ tədbirlərin görüldüyünü və müraciətinin qısa müddətdə müsbət həll olunduğunu yazır. O, müraciətinə həssas yanaşılmasına və operativliyə görə Abşeron Rayon Polis İdarəsinin əməkdaşlarına, eləcə də Azərbaycan polisinə təşəkkürünü bildirir.

Bakı şəhər sakini Səmriyyə Mustafayeva Daxili İşlər Nazirliyinə ünvanladığı mesajında mobil telefonunun itməsi ilə bağlı polisə müraciət etdiyini, Səbail Rayon Polis İdarəsinin 8-ci Polis Bölməsinin əməkdaşları tərəfindən görülən tədbirlərlə telefonunun qısa müddətdə tapılaraq ona təhvil verildiyini yazır. O, müraciətinə diqqətlə yanaşılmasına və operativliyə görə Səbail Rayon Polis İdarəsinin və 8-ci Polis Bölməsinin əməkdaşlarına minnətdarlığını bildirir.

Bakı şəhər sakini Fəxriyyə Vəliyeva Daxili İşlər Nazirliyinə ünvanladığı məktubunda üzləşdiyi dələduzluqla bağlı müraciəti üzrə Yasamal Rayon Polis İdarəsində araşdırma aparıldığını və operativ tədbirlərin həyata keçirildiyini yazır. 
O, müraciətinə diqqətlə yanaşılmasına, obyektiv araşdırmaya və dəymiş  maddi ziyanın tam ödətdirilməsində göstərilən köməkliyə görə DİN rəhbərliyinə və Yasamal Rayon Polis İdarəsinin əməkdaşlarına minnətdarlığını bildirir.

Vətəndaş Arzu Salımova DİN-ə ünvanladığı təşəkkür məktubunda üzləşdiyi problemlə bağlı müraciət etdiyini, operativ tədbirlərin həyata keçirildiyini, müraciətinin müsbət həll olunaraq narahatlığına son qoyulmasına görə Binəqədi RPİ-nin 43-cü Polis Bölməsinin əməkdaşlarına təşəkkürünü bildirir.

Vətəndaş Xəyal Behbudzadə DİN-ə ünvanladığı təşəkkür məktubunda müraciətinə diqqətlə yanaşılmasına, obyektivliyə və müraciətinin qısa müddətdə müsbət həll olunmasına görə Azərbaycan Polisinə təşəkkürünü bildirir.

Bakı şəhər sakini Famil Tahmazov DİN-in “Instagram” səhifəsinə təşəkkür mesajı yazıb. O, üzləşdiyi yol-nəqliyyat hadisəsi ilə bağlı Nərimanov  Rayon Polis İdarəsində aparılan araşdırmanın nəticəsindən razılığını bildirir, obyektivliyə və operativliyə görə Azərbaycan polisinə təşəkkür edir.