Sumqayıt şəhər sakini Rafiq Şirinov Daxili İşlər Nazirliyinə ünvanladığı teleqramda müraciətə şəhər polis idarəsinin 3-cü Polis Bölməsi əməkdaşları tərəfindən operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə minnətdarlığını bildirir.

Bakı şəhər sakini Eldar Məmmədov DİN-in “Instagram” səhifəsinə təşəkkür mesajı ünvanlayıb: “20.06.2025-ci il tarixində Bakı şəhəri, Nərimanov rayonu, Z.Bünyadov prospektində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etmişəm. Araşdırma zamanı mənə hüquqlarım izah olundu və proses obyektiv şəkildə həyata keçirildi. Araşdırmadan razı qaldım. Bu səbəbdən DİN-in rəhbərliyinə və Nərimanov Rayon Polis İdarəsinin əməkdaşlarına dərin minnətdarlığımı bildirirəm”.

Bakı şəhər sakini Elçin Vəliyev Daxili İşlər Nazirliyinə ünvanladığı məktubunda polis əməkdaşlarının gecəli gündüzlü xidməti, ayıq-sayıqlığı sayəsində rayonda asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək DİN-in rəhbərliyinə və Qaradağ Rayon Polis İdarəsinin şəxsi heyətinə təşəkkürünü bildirir.

Vətəndaş Aybəniz Məmmədova Daxili İşlər Nazirliyinə ünvanladığı məktubunda daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək operativ tədbirlərin həyata keçirildiyinə, müraciətinin qısa müddətdə müsbət həll olunmasına və ona dəymiş maddi ziyanın tam ödətdirilməsində göstərilən köməkliyə görə DİN rəhbərliyi¬¬nə minnətdarlığını ifadə edir.

Vətəndaş Xaqani Şiriyev DİN-in “Instagram” səhifəsinə mesajında üzləşdiyi problemlə bağlı polisə müraciət etdiyini, obyektivliyə və müraciətinin qısa müddətdə müsbət həll olunmasına görə DİN rəhbərliyi¬¬nə minnətdarlığını ifadə edir.

Vətəndaş Kamil Əhədov DİN-in “Instagram” səhifəsinə mesajında üzləşdiyi dələduzluq faktı ilə bağlı müraciətinə obyektiv araşdırılaraq qısa müddətdə müsbət həll edildiyinə görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Xədicə Rzayeva DİN-in “Instagram” səhifəsinə mesajında üzləşdiyi yol-nəqliyyat hadisəsi ilə bağlı aparılan obyektiv araşdırmaya, operativliyə görə Xətai Rayon Polis İdarəsinin əməkdaşlarına təşəkkürünü bildirir. 

Vətəndaş Murad Əsədov DİN-in “Instagram” səhifəsinə mesajında mobil telefonunun oğurlanması ilə bağlı müraciət etdiyini, polis əməkdaşlarının operativliyi sayəsində telefonunun qısa müddətdə tapılaraq ona təhvil verildiyini yazır. Göstərilən diqqətə və obyektiv araşdırmalara görə Nizami RPİ-nin 24-cü Polis Şöbəsinin əməkdaşlarına təşəkkürünü bildirir.

Vətəndaş Emin Manafov öz məktubunda müraciətinə operativ qaydada baxılmasına, Lənkəran Şəhər Rayon Polis Şöbəsinin rəhbərliyi tərəfindən qəbul edilərək ona hüquqi izahların verilməsinə görə minnətdarlığını bildirir.