Bakı şəhər sakini Elnur Xəlilsoy DİN-in “Facebook” səhifəsinə mesaj yazaraq üzləşdiyi problemlə əlaqədar etdiyi müraciətə operativ baxılaraq müsbət həll edildiyinə görə DİN rəhbərliyinə minnətdarlığını bildirir.

Sosial İlham Əmrahov DİN rəhbərliyinə ünvanladığı təşəkkür məktubunda yazır: “Şəhid övladları üçün təşkil olunan “Mənim  atam Qəhrəmandır” layihəsinin keçirilməsində Azərbaycan Polisinin göstərdiyi diqqətə görə DİN rəhbərliyinə təşəkkürümü bildirirəm. Həmin layihənin rahat şəkildə keçirilməsi üçün avtobus kolonunun təhlükəsiz şəkildə hərəkətini təmin edən Yol Polisi əməkdaşlarını xüsusi vurğulamaq istəyirəm. Şəhidlərimizin ruhuna göstərilən ehtiram, şəhid övladlarına qarşı olan diqqət və qayğıya görə minnətdaram”.

Füzuli rayon sakini Şəbnəm Mehtiyeva DİN rəhbərliyinə ünvanladığı məktubunda qonşusunun ona saxta qızıl satmasıyla əlaqədar etdiyi müraciətə operativ və obyektiv baxılmasına, dəymiş ziyanın ödətdirilməsinə görə Abşeron Rayon Polis İdarəsinin şəxsi heyətinə təşəkkürünü bildirir.

Gəncə şəhər sakini Şahin Əliyev DİN rəhbərliyinə ünvanladığı təşəkkür məktubunda qeyd edir ki, H.Əliyev adına Beynəlxalq Hava Limanında ona məxsus eynəyini unudub. “102” Xidməti-Zəng Mərkəzinə etdiyi müraciətdən sonra qısa zamanda eynəyi tapılaraq qaytarılıb. Bu işdə ona köməklik göstərən Hava Nəqliyyatında  Polis İdarəsinin  şəxsi heyətinə təşəkkürünü bildirir.

Sosial şəbəkə izləyicisi Akif Səlimli DİN rəhbərliyinə ünvanladığı təşəkkür məktubunda baş vermiş yol-nəqliyyat hadisəsi ilə əlaqədar etdiyi müraciətə operativ bə obyektiv baxılmasına, səmimi qəbula görə Nərimanov Polis İdarəsinin  şəxsi heyətinə təşəkkürünü bildirir.

Bakı şəhər sakini İlqar Mirbağırov DİN rəhbərliyinə ünvanladığı təşəkkür məktubunda Talassemiya Mərkəzində xidmətdə olan   polis əməkdaşlarının işindən razılıq edir və təşəkkürünü bildirir.

Sosial şəbəkə izləyicisi  İlkin Hasilov DİN rəhbərliyinə ünvanladığı təşəkkür məktubunda qardaşına məxsus mobil telefonun itməsi ilə əlaqədar etdiyi mürciətə operativ baxılmasına və qısa zaman kəsiyində mobil telefonun tapılaraq qaytarılmasında göstərilən köməkliyə görə Bakı Şəhər Baş Polis İdarəsinin şəxsi heyətinə minnətdarlıq edir.

Sosial şəbəkə izləyicisi  Məmməd Pirizadə DİN rəhbərliyinə ünvanladığı təşəkkür məktubunda bildirir ki, tik-tok sosial şəbəkəsi üzərindən satış həyata keçirən səhifəyə ödəniş edərək mobil telefon sifariş edib. Bir müddət sonra bu səhifənin saxta olduğunu anlayıb. Bununla əlaqədar etdiyi müraciətə həssas yanaşılmasına, operativ baxılaraq tez bir zamanda dəymiş ziyanın ödətditilməsində göstərilən köməkliyə görə Pirallahı Rayon Polis İdarəsinin şəxsi heyətinə minnətdarlıq edir.

Sosial şəbəkə izləyicisi  Tural Yunisi DİN rəhbərliyinə ünvanladığı təşəkkür məktubunda  etdiyi müraciətə həssas yanaşılmasına və operativ baxılmasına görə Baş Dövlət Yol Polisi İdarəsinin şəxsi  heyətinə minnətdarlıq edir.