Vətəndaş Könül Mirzəyeva DİN-in “Instagram” səhifəsinə təşəkkür mesajı yazıb. O, yaşadıqları ünvanda narahatçılıq yaradan məişət səs-küyü ilə bağlı səhifə vasitəsilə etdiyi müraciətə çevik reaksiya verildiyini, araşdırma aparılaraq qısa müddətdə bu narahatçılığın aradan qaldırıldığını qeyd edir, operativliyə görə özü və qonşularının adından DİN rəhbərliyinə təşəkkürünü bildirir.

Bakı şəhər sakini Vüqar Seyidov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı etdiyi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Sabunçu Rayon Polis İdarəsinin əməkdaşlarına minnətdarlığını bildirir.

Bakı şəhər sakini İlhamə Məmmədova DİN-in “Facebook” səhifəsinə mesaj yazaraq müraciətinə dərhal reaksiya verildiyini, müraciəti ilə əlaqədar Xəzər Rayon Polis İdarəsinə dəvət edildiyini, nəzakətlə qarşılanaraq dinlənildiyini qeyd edir. O, müraciətinə operativ baxılmasına görə DİN rəhbərliyinə təşəkkürünü bildirir.

Sumqayıt şəhər sakini Ramil Paşayev DİN-in “Facebook” səhifəsinə təşəkkür mesajı yazıb. O, müharibə iştirakçısı olan oğlunun daxili işlər orqanlarında xidmətə qəbul edildiyinə görə DİN rəhbərliyinə təşəkkürünü bildirir. 
R.Paşayev daxili işlər orqanlarında gənc əməkdaşlara, o cümlədən Şəhid ailələrinə, qazilərə, Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edir.

Bakı şəhər sakini Abuzər Cəfərli DİN-ə ünvanladığı təşəkkür məktubunda DİN Daxili Qoşunlarının hərbi qulluqçularının Qarabağ və Şərqi Zəngəzur iqtisadi zonalarına daxil olan şəhər və rayonlarımızda polis əməkdaşları ilə birgə ayıq-sayıq xidmətindən razılıq edir və onlara həvalə edilən vəzifələri peşəkarlıqla yerinə yetirdiklərinə, təhlükəsizliyi layiqli  təmin etdiklərinə görə minnətdarlığını ifadə edir.

Sosial şəbəkə izləyicisi Cavid Məmmədov DİN-ə ünvanladığı təşəkkür məktubunda etdiyi müraciətə operativ baxılmasına və probleminin tez bir zamanda aradan qaldırılmasında göstərilən köməkliyə görə Sabunçu RPİ-nin 14-cü Polis Bölməsinin şəxsi heyətinə minnətdarlığını bildirir.

Bakı şəhər sakini Ceyhun Heydərov DİN-ə ünvanladığı təşəkkür məktubunda baş  vermiş yol-nəqliyyat hadisəsilə əlaqədar etdiyi müraciətə operativ baxılmasına və hadisəni törədən şəxsin tez bir zamanda tapılmasında göstərilən köməkliyə görə Nəsimi  Rayon Polis İdarəsinin şəxsi heyətinə minnətdarlığını bildirir.

Bir qrup vətəndaş DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə, vətəndaşlara qarşı sərgilənən diqqətə və yüksək mədəni davranışa görə Azərbaycan Polisinə təşəkkürünü bildirir.  

Gəncə şəhər sakini Nail Məmmədov müraciətinə operativ şəkildə baxılaraq müsbət həllini tapmasında göstərdikləri köməkliyə görə DİN rəhbərliyinə təşəkkürünü bildirir.