İmişli rayon sakini Cavid Zaidov məktubunda Azərbaycan Respublikasının daxili işlər naziri tərəfindən Mingəçevir şəhərində  keçirilən vətəndaş qəbulunda iştirak etdiyini, müraciəti ilə əlaqədar aidiyyəti üzrə göstəriş verildiyini yazır. O, müvafiq araşdırma aparılaraq qısa müddətdə müraciətinin müsbət həll olunduğunu qeyd edir. 
C.Zaidov vətəndaş müraciətlərinə, o cümlədən onun müraciətinə həssas yanaşılmasına, göstərilən yüksək diqqət və qayğıya görə DİN rəhbərliyinə minnətdarlığını bildirir.

Vətəndaş Seyfəddin Məmmədov DİN-in “Instagram” səhifəsinə Azərbaycan polisinə təşəkkür mesajı yazıb. Pirallahı rayonunda yaşadığını bildirən S.Məmmədov rayon ərazisində yol hərəkətinin yüksək səviyyədə təşkilinə, hərəkət iştirakçılarının təhlükəsizliyinin etibarlı təmin olunmasına, aparılan profiklaktik və maarifləndirici tədbirlərə görə ilin hər bir fəslində avtomobil yollarında əzmlə xidmət aparan yol polisi əməkdaşlarına təşəkkürünü bildirir, çətin və şərəfli xidmətlərində uğurlar arzulayır.  

Sosial şəbəkə istifadəçiləri Nurgün Həsənov və Sənan Mustafayev ünvanladıqları təşəkkür məktublarında baş vermiş yol-nəqliyyat hadisəsi ilə bağlı müraciətləri ilə əlaqədar Pirallahi və Nərimanov Rayon Polis İdarələrində obyektiv araşdırma aparılaraq qısa müddətdə müsbət həll olunduğuna görə DİN rəhbərliyinə minnətdarlıqlarını bildirirlər.

Sosial şəbəkə istifadəçisi Adbala Mahmudov DİN-in “İnstagram” səhifəsinə minnətdarlıq məktubu yazaraq baş verimiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsinə etdiyi müraciətin operativ və düzgün araşdırmasındandan razı qaldığını qeyd edərək Nərimanov RPİ-nin əməkdaşlarına və Azərbaycan Polisinə təşəkkürünü bildirir.

Vətəndaş Yusif Əlizadə Daxili İşlər Nazirliyinə ünvanladığı məktubunda müraciətinə Bakı şəhər Baş Polis İdarəsində operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətəndaş Elşən Əliyev DİN-in “Facebook” səhifəsinə təşəkkür mesajı yazıb. O, səhifə vasitəsilə etdiyi müraciətinə operativ reaksiya verildiyinə və müvafiq araşdırmalara başlanıldığına görə DİN rəhbərliyinə və Yasamal RPİ 28-ci Polis Şöbəsinin əməkdaşlarına minnətdarlığını bildirir.

Vətəndaş Kənan Məmmədov DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı müraciətinə Nərimanov RPİ 16-cı Polis Şöbəsində operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nərimanov Rayon Polis İdarəsinin əməkdaşlarına minnətdarlığını bildirir.

Psixiatr Tural Babayev “Facebook” sosial şəbəkəsindəki hesabında Azərbaycan polisinə təşəkkür postu paylaşıb. O, rayondan gələn mikroavtobusun sərnişinlərindən birinin səhhətinin qəfil pisləşdiyini, bu zaman Hacıqabul rayonunun Nəvahi qəsəbəsi ərazisində xidmət aparan YPX-nin əməkdaşlarının yaxınlaşaraq xidməti maşınla onu xəstəxanaya çatdırdıqlarını, həmin şəxsin müayinə olunmasını və vəziyyəti normallaşanadək onu tək buraxmadıqlarını qeyd edir. 
T.Babayev göstərdikləri humanistliyə görə Hacıqabul rayonunun Nəvahi qəsəbəsi ərazisində xidmət aparan yol polisi əməkdaşlarına minnətdarlığını bildirir.

Abşeron rayon sakini Aytən Qarazadə DİN-in “Instagram” səhifəsinə təşəkkür mesajı yazıb. O, üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə və Abşeron RPİ Mehdiabad Polis Bölməsinin əməkdaşlarına təşəkkürünü bildirir.