Vətəndaş Ədalət Nadirov cinayətkarlıqla qətiyyətli mübarizə apardıqlarına görə polis əməkdaşlarına təşəkkürünü bildirir, çətin və şərəfli işlərində polis əməkdaşlarına uğurlar arzulayır.       

Vətəndaş Mahir Məmmədli 20 Yanvar - Ümumxalq Hüzn Günündə göstərdikləri fədakar əməyə görə polis əməkdaşlarına minnətdarlığını bildirir.

Vətəndaş Günel Abbasova Daxili İşlər Nazirliyinə ünvanladığı məktubda şəhid və aztəminatlı ailələrə polis əməkdaşları tərəfindən yüksək diqqət və qayğı göstərildiyini qeyd edir.  O, polis əməkdaşlarının belə nümunəvi xidmətinə, maarifləndirici tədbirlərinə, xoş rəftarlarına və nəzakətli davranışılarına görə rəhbərlik etdiyi kollektiv adından DİN rəhbərliyinə, Bərdə, Tərtər və Ağdam Rayon Polis şöbələrinin əməkdaşlarına minnətdarlığını bildirir, çətin və şərəfli işlərində uğurlar arzulayır.  

Sumqayıt şəhər sakini Tural Məhərrəm pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, Sumqayıt Şəhər Polis İdarəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və ŞPİ-nin əməkdaşlarına təşəkkürünü bildirir. 

Bakı şəhər sakini Saleh Nəsirov DİN-in “Instagram” səhifəsinə etdiyi müraciətdə Yasamal rayonu ərazisində ona məxsus avtomobilə zərər vuraraq hadisə yerindən qaçan nəqliyyat vasitəsinin sürücüsünün qısa zamanda müəyyən olunaraq məsuliyyətə cəlb olunmasına görə DİN rəhbərliyinə təşəkkürünü bildirir. 

Bakı şəhər sakini Osman Mirzəyev baş vermiş yol nəqliyyat hadisəsi ilə bağlı Binəqədi RPİ DYPŞ-də obyektiv araşdırma aparılaraq vətəndaş məmnunluğu təmin edildiyi üçün minnətdarlıq bildirir.

Bakı şəhər sakini Zümrüd Məmmədova müraciətinə həssas yanaşıldığına və göstərilən köməkliyə görə DİN rəhbərliyinə və Mətbuat Xidmətinin, Bakı Şəhər Baş Polis İdarəsinin, Səbail RPİ-nin əməkdaşlarına minnətdarlığını bildirir. 

Astara rayon sakini Səmayə Bəşirova DİN rəhbərliyinə ünvanladığı təşəkkür məktubunda xidməti vəzifələrinin öhdəsindən layiqincə gəldiyinə görə Astara RPŞ-nin qeydiyyat və şəxsiyyət vəsiqəsi bölməsinin əməkdaşlarından razılığını ifadə edir.

Bakı şəhər sakini Bəsti Niftəliyeva üzləşdiyi dələduzluq faktı ilə bağlı DİN-in “İnstagram” səhifəsi vasitəsilə etdiyi müraciətinə dərhal reaksiya verildiyini, Qaradağ RPİ 10-cu Polis Bölməsinə dəvət edildiyini, nəzakətlə qarşılanaraq dinlənildiyini və qısa müddətdə məsələnin həlli istiqamətində müvafiq göstərişlər verildiyini yazır.
B.Niftəliyeva vətəndaşların DİN-in sosial şəbəkələrdəki səhifələri vasitəsilə müraciətlərinə dərhal reaksiya verildiyinə və həyata keçirilən tədbirlərə görə DİN rəhbərliyinə təşəkkürünü bildirir.