Vətəndaş Elşad Cəfərov baş vermiş yol-nəqliyyat hadisəsi ilə bağlı müraciətinə operativ baxılmasına, obyektiv araşdırma aparılmasına görə DİN rəhbərliyi başda olmaqla Nərimanov Rayon Polis İdarəsinin əməkdaşlarına təşəkkürünü bildirir. 

Xaçmaz rayon Çarxı kənd sakini Natiq Əsgərov yazır: “Qusar rayonunda keçirilən vətəndaş qəbulunda oldum. Müraciətimə dərhal baxıldı. Xaçmaz Rayon Polis Şöbəsinin əməkdaşlarının köməkliyi sayəsində problemim müsbət həllini tapdı. DİN rəhbərliyi başda olmaqla Azərbaycan Polisinə təşəkkürümü bildirirəm”. 

Quba rayon sakini Məcnun Məhərrəmov pulunun geri qaytarılmasının təmin edilməsinə görə DİN rəhbərliyinə və Quba RPŞ-nin əməkdaşlarına minnətdarlığını bildirir.

Bakı şəhər sakini Şəmsi Əliyev məktubunda Xətai rayonu ərazisində yerləşən mağazaların birindən oğurluq edilməsi ilə bağlı müraciətinə çevik reaksiya verildiyini, Xətai RPİ-nin 34-cü Polis Şöbəsində araşdırma aparılaraq operativ tədbirlərin həyata keçirildiyini və bu əməli törədən şəxsin qısa müddətdə müəyyən olunaraq istintaqa cəlb edildiyini qeyd edir. 
O, müraciətinə çevik reaksiya verilməsinə, obyektiv araşdırmaya və həyata keçirilən operativ tədbirlərə görə Xətai RPİ 34-cü Polis Şöbəsinin əməkdaşlarına təşəkkürünü bildirir.

Siyəzən rayon sakini  Anar Məmmədzadə  etdiyi müraciətinə həssaslıqla yanaşılıb şikayətinin təmin edilməsinə görə DİN rəhbərliyinə və BDYPİ-nin əməkdaşlarına minnətdarlığını bildirir.

Xaçmaz rayon sakini Hüseynağa Kazımov etdiyi müraciətinə həssaslıqla yanaşılmasına və obyektiv araşdırılaraq həll edilməsinə görə DİN rəhbərliyinə minnətdarlığını bildirir.

Siyəzən rayon sakini  Elvin Ağayev etdiyi müraciətinə həssaslıqla yanaşılıb şikayətinin təmin edilməsinə görə DİN rəhbərliyinə minnətdarlığını bildirir.

Quba rayon sakini Aylin Novruzova Azərbaycanın Qarabağ bölgəsində keçirilən lokal xarakterli antiterror əməliyyatlarında Azərbaycan Polisinin göstərdiyi şücaətə görə  DİN rəhbərliyinə minnətdarlığını bildirir.

“BATV” media qurumu facebook sosial şəbəkəsində post paylaşaraq Xaçmaz rayonunun Xudat qəsəbəsi ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Xaçmaz RPŞ-nin Xudat PB-nin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.