Bakı şəhər sakini Eldəniz Həsənov DİN-in “Facebook” səhifəsinə təşəkkür mesajı yazıb. O, müraciəti ilə əlaqədar Sabunçu Rayon Polis İdarəsinə dəvət olunaraq hüquq və vəzifələrinin izah olunduğuna və operativliyə görə DİN rəhbərliyinə və İdarənin əməkdaşlarına minnətdarlığını bildirir.

Bakı şəhər sakini Sübhan Əliyev müraciətinə Binəqədi Rayon Polis İdarəsinin İstintaq şöbəsində operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Binəqədi RPİ-nin əməkdaşlarına minnətdarlığını bildirir.

Gəncə şəhər sakinləri Pərvin Həsənov və Əfsanə Bağırova üzləşdikləri problemlə əlaqədar etdikləri müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Gəncə şəhər Baş Polis İdarəsinin rəhbərliyinə və şəxsi heyətinə minnətdarlıqlarını bildirirlər.

Tovuz rayon sakini Nurlan Əsgərov müraciətinin müsbət həllinə və ona dəymiş maddi ziyanın ödətdirilməsinə görə Gəncə ŞBPİ-nin əməkdaşlarına minnətdarlığını bildirir.

İctimai fəal Şəhadət Abbasov DİN rəhbərliyinə ünvanladığı təşəkkür məktubunda qardaş Türkiyə Respublikasında baş vermiş zəlzələ ilə bağlı Qazax rayonunda təşkil olunan yardım aksiyasında polis əməkdaşlarının xidmətini yüksək qiymətləndirir.

Şəmkir rayon sakini Səkinə İsayeva müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə təşəkkürünü bildirir.

Vətəndaş Aidə Davudi üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Gəncə ŞBPİ-nin rəhbərliyinə və əməkdaşlarına təşəkkürünü ifadə edir. 

Daşkəsən rayon sakini Elgün Ələkbərov öz təşəkkkür məktubunda ölkə ərazisində ictimai qaydanın və ictimai təhlükəsizliyin etibarlı şəkildə təmin olunmasına, cinayətkarlığa qarşı aparılan qətiyyətli mübarizə tədbirlərinə görə DİN rəhbərliyinə minnətdarlığını bildirir.

Vətəndaş Anar Hüseynov xidməti vəzifələrini və peşə fəaliyyətini layiqincə yerinə yetirdiklərinə görə başda DİN rəhbərliyi olmaqla, Gəncə ŞBPİ-nin rəhbərliyinə və əməkdaşlarına minnətdarlığını bildirir.