Yevlax rayon sakini Rüfət Abdullayev DİN-ə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə başda DİN rəhbərliyi olmaqla, BDYPİ-nin rəhbərliyinə və əməkdaşlarına minnətdarlığını bildirir.

Vətəndaş Asif Əliyev Daxili İşlər Nazirliyinə təşəkkür məktubu ünvanlayıb. O, paytaxtın Xəzər rayonu ərazisində ictimai asayişin və ictimai təhlükəsizliyin etibarlı təmin olunmasına, sosial neqativ halların aradan qaldırılmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə DİN rəhbərliyinə və Xəzər Rayon Polis İdarəsinin əməkdaşlarına minnətdarlığını bildirir, xidməti vəzifələrini layiqincə yerinə yetirən Azərbaycan polisinə çətin və şərəfli xidmətlərində uğurlar arzulayır.  

Vətəndaş Rasim Abiyev DİN-in “Instagram” səhifəsinə ünvanladığı mesajında əşyasını itirməsi ilə bağlı Nizami Rayon Polis İdarəsinin 23-cü Polis Şöbəsinə etdiyi müraciətinə operativ baxıldığını, müsbət həllinin təmin olunduğunu və əşyanın tapılaraq ona təhvil verildiyini bildirir. O, operativliyə və həyata keçirilmiş tədbirlərə görə Nizami RPİ-nin əməkdaşlarına təşəkkür edir.  

Vətəndaş Rövşən Cəfərov məktubunda üzləşdiyi dələduzluqla bağlı müraciəti ilə əlaqədar Xətai Rayon Polis İdarəsində aparılan obyektiv araşdırmadan razı qaldığını bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Xətai Rayon Polis İdarəsinin əməkdaşlarına təşəkkür edir.  

Vətəndaş Arzu Abbasov məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN rəhbərliyinə minnətdarlığını ifadə edir.

Vətəndaş Qumru Qasımova məktubunda Azərbaycan Respublikasının daxili işlər naziri tərəfindən keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilməsinə, dəymiş maddi ziyanın ödətdirilməsində göstərilən köməkliyə və müraciətinin müsbət həll olunmasına görə DİN rəhbərliyinə minnətdarlığını ifadə edir.

Vətəndaş Məlahət Məmmədova məktubunda üzləşdiyi dələduzluqla bağlı Abşeron Rayon Polis İdarəsinə etdiyi müraciətinə operativ baxıldığını, obyektiv araşdırıldığını, qısa müddətdə müsbət həllinin təmin olunduğunu və dəymiş maddi ziyanın ödətdirilməsində də köməklik göstərildiyini bildirir. O, vətəndaş müraciətlərinə həssas yanaşılmasına görə DİN rəhbərliyinə, həyata keçirilmiş tədbirlərə görə Abşeron RPİ-nin əməkdaşlarına təşəkkür edir.

Vətəndaş Elçin Həsənov DİN-in “Instagram” səhifəsinə ünvanladığı mesajında Nərimanov rayonu ərazisində üzləşdiyi yol-nəqliyyat hadisəsi ilə bağlı Nərimanov Rayon Polis İdarəsində aparılan araşdırmadan razı qaldığını bildirir. O, operativliyə və obyektiv araşdırmalara görə həmin idarənin əməkdaşlarına təşəkkür edir.

Vətəndaş Hüseyn Fərzəliyev teleqramında müraciəti ilə əlaqədar Ordubad Rayon Polis Şöbəsində obyektiv araşdırma aparılaraq qısa müddətdə müsbət həll olunduğunu bildirir. O, vətəndaş müraciətlərinə, o cümlədən onun müraciətinə həssas yanaşılmasına, obyektivliyə və operativliyə görə Azərbaycan Respublikası və Naxçıvan MR DİN-in rəhbərliklərinə minnətdarlığını bildirir, çətin və şərəfli xidmətlərində uğurlar arzulayır.