Vətəndaş Hətəm Allahverdiyev məktubunda üzləşdiyi problemlə bağlı müraciəti üzrə həyata keçirilən tədbirlərə və ona dəymiş maddi ziyanın ödətdirilməsinin təmin olunmasına görə Nəsimi Rayon Polis İdarəsinin əməkdaşlarına minnəttarlığını bildirir.

Vətəndaş Dilbər Nuriyev DİN-in “Instagram” səhifəsinə yazdığı mesajında yol-nəqliyyat hadisəsi ilə bağlı polisə müraciət etdiyini, məsələnin qısa müddətdə araşdırıldığını, müraciətinə diqqətlə yanaşılmasına və keçirilən operativ tədbirlərə görə başda DİN rəhbərliyi olmaqla, Xətai Rayon Polis İdarəsinin əməkdaşlarına minnətdarlığını ifadə edir. 

Vətəndaş İlahə Rzayeva DİN-in “İnstagram” səhifəsinə təşəkkür mesajı ünvanlayıb: Mən, Rzayeva İlahə Cavanşir qızı, Nəsimi RPİ-nin 19-cu Polis Şöbəsinə etdiyim müraciətlə əlaqədar təhqiqat xidməti tərəfindən operativ və çevik şəkildə köməklik göstərildiyinə görə Nəsimi rayon rəhbərliyinə və cənab nazirə dərin təşəkkürümü bildirirəm.

Vətəndaş Rüstəm Məhərrəmov DİN-in “İnstagram” səhifəsinə təşəkkür mesajı ünvanlayıb: Mən Məhərrəmov Rüstəm Təyyar oğlu, 23.04.2026- cı il tarixdə Nərimanov rayonu ərazisində baş vermiş yol-nəqliyyat hadisəsinin iştirakçısı oldum və orada polisin hər bir vətəndaşa köməklik göstərdiyini gördüm. Buna görə başda cənab Nazir Vilayət Eyvazov olmaqla, Nərimanov Rayon Polis İdarəsinin rəhbərliyinə dərin təşəkkürümü bildirirəm.

Vətəndaş Adil Nuriyev DİN-in “İnstagram” səhifəsinə təşəkkür mesajı ünvanlayıb: Mən, Nuriyev Adil Hikmət oğlu, Nərimanov rayonu, Təbriz küçəsində Toyota markalı avtomobillə yol-nəqliyyat hadisəsi törətdim. Hadisə yerinə Nərimanov Rayon Polis İdarəsinin təhqiqatçısı yaxınlaşaraq hadisə ilə maraqlandı və məsələyə aydınlıq gətirdi. Düzgün qərar verildiyinə görə başda cənab Nazir Vilayət Eyvazov olmaqla, Nərimanov Rayon Polis İdarəsinin Təhqiqat şöbəsinə öz təşəkkür və minnətdarlığımı bildirirəm. Onlar hər bir vətəndaşa kifayət qədər zaman ayıraraq problemlərimizin həllində bizə köməklik göstərirlər.

Vətəndaş Soltan Səfərov DİN-in “İnstagram” səhifəsinə təşəkkür mesajı ünvanlayıb: 24.04.2026-cı il tarixdə Xətai Rayon Polis İdarəsinin 34-cü Polis şöbəsinə ərizə ilə müraciət etdim. Mənim müraciətimə dərhal və operativ baxıldığı üçün ilk öncə cənab Nazir sizə, Xətai Rayon Polis İdarəsinin və 34-cü Polis şöbəsinin rəhbərliyinə dərin minnətdarlığımı bildirirəm.

Vətəndaş Yasər Əsədov DİN-in “İnstagram” səhifəsinə təşəkkür mesajı ünvanlayıb: Cənab Nazir Vilayət Eyvazov, ilk növbədə Sizə öz dərin təşəkkürümü bildirirəm və Ulu Tanrıdan Sizə möhkəm can sağlığı arzulayıram. Bildirmək istəyirəm ki, mənə dəymiş ziyanın bir qisminin ödənilməsi ilə bağlı Xətai Rayon İstintaqının kuratoru Azər müəllimə və icraçı baş müstəntiq Sənan Qüdrətliyə səmimi qəbula və dəymiş ziyanın ödənilməsinə köməklik göstərdiyinə görə təşəkkürümü bildirirəm.

Goranboy rayon sakini Ramil Eyvazov DİN-in “Facebook” səhifəsinə yazdığı mesajında müraciətinə operativ baxılaraq araşdırılmasına və vətəndaş məmnunluğunun təmin olunmasına görə Azərbaycan polisinə təşəkkürünü bildirir.

Vətəndaş Türkan Əmrahova öz məktubunda DİN rəhbərliyi tərəfindən keçirilən vətəndaş qəbulu zamanı müraciətinin diqqətlə dinlənilməsinə, onu narahat edən məsələ ilə bağlı lazımi köməyin göstərilməsinə görə minnətdarlığını bildirir.