Ordubad şəhər sakini Fatma Məmmədova Daxili İşlər Nazirliyinə ünvanladığı teleqramda müraciətinə Ordubad Rayon Polis Şöbəsinin əməkdaşları tərəfindən operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN-in rəhbərliyinə və Ordubad Rayon Polis Şöbəsinin əməkdaşlarına minnətdarlığını bildirir.

Şərur rayon sakini Məhərrəm Nəcəfov DİN-in “Instagram” səhifəsinə ünvanladığı mesajında üzləşdiyi problemlə bağlı Şahbuz Rayon Polis Şöbəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə görə DİN və Naxçıvan MR DİN rəhbərliyinə təşəkkürünü bildirir.  

Vətəndaş Süleyman Hüseynov DİN-in “Instagram” səhifəsinə təşəkkür mesajı ünvanlayıb: “Üzləşdiyim problemlə bağlı Naxçıvan Şəhər Polis İdarəsinə ərizə ilə müraciət etmişdim. Naxçıvan ŞPİ-nin əməkdaşları tərəfindən mənim işimə düzgün şəkildə baxıldığına və dəymiş ziyan tam şəkildə ödətdirildiyinə görə DİN-in rəhbərliyinə və Naxçıvan Şəhər Polis İdarəsinin əməkdaşlarına təşəkkürümü bildirirəm. Yaşasın, Azərbaycan polisi!”.

Vətəndaş Orxan Əlizadə DİN-in “Instagram” səhifəsinə təşəkkür mesajı ünvanlayıb: “02.05.2026-cı il tarixində paytaxtın Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və araşdırmadan razı qaldım. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Vətəndaş Anar Nəhmədov DİN-in “Instagram” səhifəsinə təşəkkür mesajı ünvanlayıb: “Nəsimi Rayon Polis İdarəsinin 22-ci Polis Şöbəsinə gələrək mənə qarşı törədilmiş oğurluq əməli ilə bağlı müraciət etmişdim. Müraciətimə operativ şəkildə baxılaraq təhqiqat araşdırması aparıldı, şəxs müəyyən olunaraq saxlanıldı və əmlakım mənə geri qaytarıldı. Azərbaycan polisinin məsələyə bu cür operativ şəkildə reaksiya verməsi məni çox sevindirdi. Göstərilən köməyə görə DİN-in rəhbərliyinə və Nəsimi RPİ-nin əməkdaşlarına təşəkkürümü bildirirəm”.

Bakı şəhər sakini Fəxrəddin Həsənov DİN-in “Instagram” səhifəsinə yazdığı təşəkkür mesajında Nərimanov RPİ-nin 17-ci Polis Şöbəsində müraciəti üzrə obyektiv araşdırma aparıldığını və qısa müddətdə müsbət həll olunduğunu qeyd edir. O, vətəndaş müraciətlərinə, o cümlədən onun müraciətinə həssaslıqla yanaşılmasına görə DİN rəhbərliyinə, o cümlədən obyektivliyə və operativliyə görə Nərimanov Rayon Polis İdarəsinin 17-ci Polis Şöbəsinin əməkdaşlarına təşəkkürünü bildirir.

Vətəndaş Məhəmməd Əliyev DİN-in “Instagram” səhifəsinə təşəkkür mesajı ünvanlayıb: “Nərimanov rayonu ərazisində baş vermiş yol-nəqliyyat hadisəsi ilə bağlı Nərimanov Rayon Polis İdarəsinin Təhqiqat Şöbəsində aparılan araşdırmada iştirak etdim və araşdırmadan razı qaldım. Buna görə DİN-in rəhbərliyinə və Nərimanov RPİ-nin əməkdaşlarına dərin minnətdarlığımı bildirirəm”. 

Şahbuz rayon sakini Rizvan Bağırov Daxili İşlər Nazirliyinə ünvanladığı məktubunda üzləşdiyi problemlə bağlı Şahbuz Rayon Polis Şöbəsinə müraciət etdiyini bildirir. Müraciətinin obyektiv araşdırılaraq qısa müddətdə müsbət həll edildiyinə görə DİN-in rəhbərliyinə və Şahbuz Rayon Polis Şöbəsinin əməkdaşlarına təşəkkürünü bildirir.

Vətəndaş Ramin Rəsulov Daxili İşlər Nazirliyinə təşəkkür məktubu ünvanlayıb: “Mənə məxsus olan avtomobil Hacıqabul Rayon Polis Şöbəsi tərəfindən saxlanılmışdır. Lakin sağ olsun, polis əməkdaşları, dərhal müraciətimə reaksiya verərək hüquqlarımın bərpa olunmasına köməklik göstərdilər. Buna görə DİN-in rəhbərliyinə və Hacıqabul Rayon Polis Şöbəsinin şəxsi heyətinə dərin təşəkkürümü bildirirəm”.