Vətəndaş İlkin Eyvazov axtarışda olan şəxsin müəyyən edilərək tapılması istiqamətində keçirilən operativ tədbirlərə görə Baş Cinayət Axtarışı İdarəsinin əməkdaşlarına təşəkkürünü bildirir.

Vətəndaş Turab Hüseynov müraciətinə baxıldığı və hüquqlarının ətraflı izah edildiyi üçün Naxçıvan DİN-in əməkdaşlarına minnətdarlığını çatdırır.

Sosial şəbəkə istifadəçisi Samir Həsənov yol nəqliyyat hadisəsi ilə bağlı araşdırma zamanı ona göstərilən diqqətə və hüquqları ilə bağlı məlumatlandırmaya görə Nərimanov Rayon Polis İdarəsinin əməkdaşlarına təşəkkür edir.

Sosial şəbəkə istifadəçisi Beyrək Məmmədov ailə üzvünün səhhətinin pisləşməsi zamanı təcili tibbi yardımın çağırılmasına və göstərilən operativ köməyə görə Pirallahı Rayon Polis Şöbəsinin əməkdaşlarına təşəkkürünü bildirir.

Vətəndaş Aytən Tapdıqova “Instagram” sosial şəbəkəsi vasitəsilə etdiyi müraciətində qızına məxsus velosipedin oğurlanması ilə bağlı Nəsimi Rayon Polis İdarəsinin 22-ci Polis Şöbəsinə müraciət etdiyini bildirir. O, polis əməkdaşları tərəfindən aparılan araşdırma və həyata keçirilən operativ tədbirlər nəticəsində oğurlanmış velosipedin tapılaraq özünə qaytarıldığını qeyd edir.
A.Tapdıqova müraciətinə həssas yanaşıldığına və göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir, onlara çətin və şərəfli xidmətlərində uğurlar arzulayır.

Vətəndaş Ülfət Əliyeva “Instagram” sosial şəbəkəsi vasitəsilə etdiyi müraciətində yol-nəqliyyat hadisəsi ilə bağlı araşdırma müddətində qəbul olunduğunu, hüquq və vəzifələrinin ətraflı izah edildiyini, həmçinin müraciətinə diqqətlə yanaşıldığını qeyd edir. Vətəndaş müraciətlərinə həssas münasibət göstərilməsinə, ona göstərilən diqqət və qayğıya görə DİN rəhbərliyinə və Nərimanov Rayon Polis İdarəsinin əməkdaşlarına təşəkkürünü bildirir, onlara çətin və şərəfli xidmətlərində uğurlar arzulayır.

Vətəndaş Rəşad Hüseynov “Instagram” sosial şəbəkəsi vasitəsilə etdiyi müraciətində Nərimanov Rayon Polis İdarəsinin əməkdaşları tərəfindən narkotik vasitələrin qanunsuz dövriyyəsinə qarşı aparılan qətiyyətli mübarizə tədbirlərini yüksək qiymətləndirdiyini bildirir.O, həyata keçirilən məqsədyönlü tədbirlər nəticəsində yaşadığı ərazidə narkomanlıq hallarının əhəmiyyətli dərəcədə azaldığını və ictimai təhlükəsizliyin daha etibarlı təmin olunduğunu qeyd edir.Vətəndaş göstərilən diqqətə və görülən effektiv tədbirlərə görə DİN rəhbərliyinə, Nərimanov Rayon Polis İdarəsinin və 17-ci Polis Şöbəsinin əməkdaşlarına minnətdarlığını bildirir, onlara çətin və şərəfli xidmətlərində uğurlar arzulayır.

Vətəndaş Könül Məmmədova “Instagram” sosial şəbəkəsi vasitəsilə etdiyi müraciətində dələduzluq nəticəsində ona maddi ziyan dəydiyini və bununla bağlı DİN-in “102” Xidməti-Zəng Mərkəzinə müraciət etdiyini bildirir. O, müraciəti əsasında Nərimanov Rayon Polis İdarəsinin 18-ci Polis Şöbəsinin əməkdaşları tərəfindən operativ tədbirlərin həyata keçirildiyini, nəticədə ona dəymiş maddi ziyanın tam ödənildiyini qeyd edir. K.Məmmədova müraciətinə həssas yanaşıldığına, göstərilən köməkliyə və operativliyə görə DİN rəhbərliyinə və Nərimanov Rayon Polis İdarəsinin 18-ci Polis Şöbəsinin əməkdaşlarına təşəkkürünü bildirir, onlara çətin və şərəfli xidmətlərində uğurlar arzulayır.

Vətəndaş İlqar Sultanov “Instagram” sosial şəbəkəsi vasitəsilə etdiyi müraciətində özünə məxsus sənədlərin olduğu pul kisəsini itirdiyini bildirir. O, pul kisəsinin tapılaraq özünə təhvil verildiyini qeyd edir. İ.Sultanov göstərilən diqqətə və operativliyə görə Səbail Rayon Polis İdarəsinin 9-cu Polis Şöbəsinin əməkdaşlarına təşəkkürünü bildirir, Azərbaycan polisinin fəaliyyətini yüksək qiymətləndirdiyini vurğulayır.