Vətəndaş Samirə Nəcəfova öz məktubunda aliment öhdəliyinin yerinə yetirilməsindən yayındığı üçün axtarışda olan şəxslə bağlı qanunamüvafiq qaydada tədbirlər görən Lerik Rayon Polis Şöbəsinin əməkdaşlarına təşəkkürünü bildirir.

Astara rayon sakini Aslan Abbasov öz təşəkkür məktubunda xidməti vəzifələrinin və peşə fəaliyyətinin öhdəsindən layiqincə gəldiyinə, şəhid ailələrinə göstərilən xüsusi diqqətə və qayğıya görə Rayon Polis Şöbəsinin rəhbərliyinə minnətdarlığını bildirir.

Lənkəran rayon sakini Zahid Qafarov müraciəti ilə əlaqədar Lənkəran ŞRPŞ-nin rəhbərliyi tərəfindən qəbul edilməsinə, məsələnin müsbət həllini tapmasına və vətəndaş məmnunluğunun təmin edilməsinə görə təşəkkürünü bildirir.

Vətəndaş Ülviyyə Babayeva öz təşəkkür məktubunda bank kartından naməlum şəraitdə 1500 manat pulun çıxarılması ilə bağlı Lənkəran ŞRPŞ-də obyektiv araşdırma aparılmasına və dəymiş maddi ziyanın tam şəkildə ödənilməsinin təmin edilməsinə görə minnətdarlığını ifadə edir.

Vətəndaş Yasəmən Məmmədova DİN rəhbərliyinə ünvanladığı müraciətinə operativ qaydada reaksiya verilməsinə, qanunamüvafiq qaydada tədbirlərin görülməsinin təmin edilməsinə görə öz təşəkkürünü bildirir.

Cəlilabad rayon sakini Əliqənbər Əliyev öz təşəkkür məktubunda xidməti vəzifələrinin və peşə fəaliyyətinin öhdəsindən layiqincə gəldiyinə görə Rayon Polis Şöbəsinin rəhbərliyinə minnətdarlığını bildirir.

Vətəndaş Anar Məlikov DİN rəhbərliyinə ünvanladığı təşəkkür məktubunda ictimai qaydanın etibarlı şəkildə qorunmasına, cinayətkarlığa, o cümlədən narkotiklərin qanunsuz dövriyyəsinə qarşı aparılan qətiyyətli mübarizə tədbirlərinə görə Astara Rayon Polis Şöbəsinin rəhbərliyinə minnətdarlığını bildirir.

Vətəndaş Leyla Ləmbəranskaya Daxili İşlər Nazirliyinin “Instagram” səhifəsinə yazdığı mesajında üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir. 

Vətəndaş Elvin Hüseynzadə avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, polis əməkdaşlarına çətin və şərəfli işlərində uğurlar arzulayır.