Qusar rayon sakini Pakizə Məmmədrzayeva daxili işlər naziri tərəfindən Qusar Rayon Polis Şöbəsində keçirilən vətəndaş qəbulunda göstərilən diqqət və qayğıya, eləcə də müraciətinin müsbət həllinə görə DİN rəhbərliyinə minnətdarlığını bildirir.

Quba rayon sakini Yaşar Novruzov DİN rəhbərliyinə ünvanladığı təşəkkür məktubunda xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Quba RPŞ-nin əməkdaşlarına minnətdarlığını bildirir.

Xaçmaz rayon sakini İsmayıl Həsənov itən mobil telefonunun tapılaraq geri qaytarılmasına görə Quba RPŞ-nin  əməkdaşlarına minnətdarlığını bildirir.

Füzuli rayon sakini İlham Salmanov ona göstərilən diqqət və qayğıya görə DİN rəhbərliyinə təşəkkür edir.

Salyan rayon sakini Elxan Xəlilov bir neçə həmkəndlisi adından DİN-ə ünvanladığı kollektiv təşəkkür məktubunda yaşadıqları Kərimbəyli kəndi ərazisindən keçən magistral yolda işıqfor quraşdırılmasına görə başda DİN rəhbərliyi olmaqla, BDYPİ-nin rəhbərliyinə və əməkdaşlarına minnətdarlığını bildirir.

Bakı şəhər sakini Fidan Zaxarova məktubunda xidməti vəzifələrini layiqincə yerinə yetirən Binəqədi RPİ 6-cı Polis Bölməsinin əməkdaşlarına təşəkkürünü bildirir.

Bakı şəhər sakini Muxtar Əhmədov məktubunda üzləşdiyi problemlə bağlı müraciətinə operativ baxılmasına və müsbət həll olunmasına görə Azərbaycan polisinə təşəkkürünü bildirir.

Vətəndaş Ramin Mahmudov DİN-in “Instagram” səhifəsinə təşəkkür mesajı yazıb. O, iştirakçısı olduğu yol-nəqliyyat hadisəsi zamanı göstərdikləri xoş rəftar və nəzakətli davranışlara görə Nərimanov Rayon Polis İdarəsinin əməkdaşlarına təşəkkürünü bildirir.

Vətəndaş Aqil Əliyev DİN-in “Instagram” səhifəsinə təşəkkür mesajı yazıb. O, müraciətinə çevik reaksiya verilərək həyata keçirilən tədbirlərə görə Xətai Rayon Polis İdarəsinin əməkdaşlarına təşəkkürünü bildirir.