Vətəndaş Nazim Abbasov DİN-ə ünvanladığı təşəkkür məktubunda ona qarşı dələduzluq edən şəxs barəsində tədbir görüldüyü üçün DİN-in və Nərimanov RPİ-nin rəhbərliyinə minnətdarlığını bildirir.

Vətəndaş Əbülfəz Nurməmmədov DİN-ə ünvanladığı təşəkkür məktubunda ona dəymiş maddi ziyanın tam ödətdirildiyinə görə DİN-in rəhbərliyinə minnətdarlığını bildirir.

Şahbuz rayon sakini Orman Həsənzadə Daxili İşlər Nazirliyinə ünvanladığı məktubunda sel nəticəsində yaransız hala düşən avtomobilinin çətin ərazidən çıxarılmasında göstərdikləri köməkliyə görə Azərbaycan Polisinə təşəkkürünü bildirir.

Bakı şəhər sakini Rəşad Ağakişiyev Daxili İşlər Nazirliyinə ünvanladığı məktubunda səhhətində narahatlıq yaranan yoldaşının qısa müddətdə xəstəxanaya çatdırılmasına yardım edən edən yol-patrul xidməti əməkdaşlarına minnətdarlığını bildirir, fəaliyyətlərində uğurlar arzulayır.

Bakı şəhər sakini Elmar Əkbərov Daxili İşlər Nazirliyinə ünvanladığı məktubunda daxili işlər naziri tərəfindən Lerik rayonunda keçirilən vətəndaş qəbulunda iştirak etdiyini bildirir. O, müraciəti üzrə müvafiq göstəriş verilərək qısa müddətdə müsbət həll olunmasında göstərilən köməkliyə görə DİN-in rəhbərliyinə minnətdarlığını ifadə edir.

Sumqayıt şəhər sakini Elnur Məmmədzadə Daxili İşlər Nazirliyinə ünvanladığı məktubunda vətəndaş müraciətlərinə operativ və obyektiv baxıldığını, hər bir müraciətin diqqətlə araşdırıldığını vurğulayaraq, vətəndaş məmnunluğunun təmin edilməsi istiqamətində görülən işlərə görə DİN-in rəhbərliyinə və Azərbaycan Polisinə minnətdarlığını ifadə edir.

Amerika Birləşmiş Ştatları vətəndaşı Joseph DİN-in “Instagram” səhifəsinə təşəkkür mesajı ünvanlayıb: “Bakıda otel ilə bağlı kiçik bir problem yaşamışdım. Otel məndən artıq ödəniş almağa çalışdı və ödədiyim məbləği geri qaytarmaqdan imtina etdi. Bu barədə Səbail Rayon Polis İdarəsinin 39-cu Polis Şöbəsinə müraciət etdim. Polis əməkdaşları məsələnin həllində mənə yaxından kömək göstərdilər. Onların operativ müdaxiləsi nəticəsində ödədiyim məbləğ mənə geri qaytarıldı. Buna görə Səbail RPİ-nin 39-cu Polis Şöbəsinə və Azərbaycan Polisinə səmimi təşəkkürümü bildirirəm”.

Vətəndaş Kərim Abasov DİN-in “Instagram” səhifəsinə təşəkkür mesajı ünvanlayıb: “Instagram” sosial şəbəkəsində təhqir olunmağımla bağlı müraciət etmişdim.  Məsələ ilə əlaqədar Xəzər Rayon Polis İdarəsinin 3-cü Polis Şöbəsində araşdırma aparıldı və müraciətim müsbət mənada öz həllini tapdı. Buna görə DİN-in və Xəzər Rayon Polis İdarəsinin 3-cü Polis Şöbəsinin rəhbərliyinə, araşdırmanı aparan polis əməkdaşına öz təşəkkürümü bildirirəm”.

Vətəndaş Cəlal Babayev DİN-in “Facebook” səhifəsinə təşəkkür mesajı ünvanlayıb: “Binəqədi rayonu ərazisində gecə saatlarında aparılan qanunsuz tikinti işləri ilə bağlı rəsmi müraciət etmişdim. Müraciətimə çox qısa müddətdə operativ reaksiya verilməsi, məsələnin dərhal nəzarətə götürülməsi və aidiyyəti üzrə tədbirlərin görülməsi məndə böyük məmnunluq yaratdı. Xüsusilə qeyd etmək istəyirəm ki, Binəqədi Rayon Polis İdarəsinin 7-ci Polis Bölməsində qəbul edildim, müraciətimi diqqətlə dinlədilər, məsələ yerində araşdırıldı və operativ şəkildə həll olundu. Vətəndaş müraciətinə belə qısa müddətdə həssas yanaşılması, məsələnin operativ nəzarətə götürülməsi və qısa zamanda öz həllini tapması Daxili İşlər Nazirliyində vətəndaş məmnuniyyətinə və qanunun aliliyinə verilən önəmin bariz göstəricisidir. Bir vətəndaş olaraq hiss etdim ki, müraciətim diqqətdən kənarda qalmadı. Bu, dövlət-vətəndaş münasibətlərində etimadı gücləndirən, insanlarda dövlətə inamı artıran çox dəyərli yanaşmadır. Eyni zamanda, Binəqədi Rayon Polis İdarəsinin 7-ci Polis Bölməsinin rəhbərliyinə və bütün əməkdaşlarına göstərdikləri diqqətə, nəzakətli münasibətə və operativ fəaliyyətlərinə görə minnətdarlığımı bildirirəm. Daxili İşlər Nazirliyinin bütün şəxsi heyətinə ölkəmizdə ictimai asayişin, vətəndaşların təhlükəsizliyinin və hüquqlarının qorunması istiqamətində gördüyünüz fədakar xidmətə görə dərin təşəkkürümü bildirir, möhkəm cansağlığı, uzun ömür və məsul fəaliyyətinizdə yeni uğurlar arzulayıram”.